الموضوع: بريدج ستون مصر تقيمى غير راضى تماما fit & fix

انا من حوالى 7 شهور كانت الكوتشات عندى تعبت جامد على 40 الف كيلو لانسر 2007 بومه

فبعد قراءة تقيمات كثيره بالقسم قررت اجيب تورنزا gr90

بالفعل روحت لفرع فيت اند فيكس وغيرت الاربع كوتشات

روحت واثناء السير سمعت صوت انفجار ولاقيت فردة من الجداد مقطوعه قطع صغير

ركبت الاستبن ورجعت تانى على الفرع (عباس العقاد)

دخلت بكل هدوء سلمتهم الفرده لاقيت الفنى خارج بيقولى ديه حاجه فى الطريق دوست عليها

بدئت اتخانق معاهم لانى حسيت انهم عاوزين يجيبوا الغلط عندى وخلاص

خرجلى ممثل المبيعات بتاعهم واتعامل معايا باسلوب غير مرضى تماما اكنو واقف فى محل كوتش بظبط
مش فى توكيل كبير زى بريدج استون المهم الرد بقا بعد الخناق احنا هنعمل بيها تقرير وهنرد

عليك وهنبعت صوره للقطع لليابان ولو الرد ان المشكله من الكوتش هنغيرلك الفرده

المهم انا كنت تانى يوم مسافر فطلبت منهم يغيرو الفرده اللى اتقطعت بفرده جديده لغاية ما نتيجة

التقرير تطلع ولو المشكله من عندى ادفع ثمن الاطار الجديد (لسا كان فى شوية ثقه فيهم)

يرد السيلز يقولى ايه ازاى عاوزنا نتطلع اطار ثمنه 780 جنيه ديه اغلى اطار فى السوق

احنا ممكن نغيرلك الاطار باطار مستعمل مؤقتا (هنا بقا بدئت ازعق جامد)

المهم عشان انا مسافر تانى يوم ولسا حتى مفرحتش بالاطارات نص ساعه على بعض

اشتريت فرده جديده وغيرتها

نيجى بقا لرحلة التقرير المفروض كان يومين او تلاته ويردو عليا

فضلو بتاع 3 اسابيع كل ما اتصل يقولو لسا لسا

فى النص اصل الخبير اليابانى جه مصر وهيكشف على الاطار بتاعك (كل ده كدب طبعا)

فى الاخر النتيجه قطع بسبب الطريق مع العلم الاطار مفيش فيه مسمار او اى حاجه تدل انه

اتقطع بسبب الطريق وكمان الاطار متقطعش من المداس لا من الجنب من داخل الاطار اسفل الجنط

المهم بعد كده انا مروحتش هناك تانى ولا حتا روحت الصيانه الدوريه اللى هيا كل شهر ولا حتا اخدت الاطار المقطوع حبيت انقل تجربتى لباقى

الاعضاء عشان يستفيدو من الحصل ونصيحتى وفر فلوسك واشترى بريدج استون من اى موزع

معتمد ووفر حوالى 100 او 80 جنيه فى الفرده لان الضمان بتاعهم ملوش لازمه

تقيمى لتعامل مدير الفرع و ممثل المبيعات 0/10

شكرا