الموضوع: كيا كارينز 2013

هية الاسعار تقريبا لسة منزلتش وهية عربية شكلها جميل بس حجمها اصغر من الكارينز القديمة و مش عالية علي فكرة لانها نفس ارتفاع الكارينز القديمة و هية معا خالي وكنا بنحضن ونبوس كل مطب ولو صغير لو مخدناهوش بالعرض لو عاوز حاجة عائلية وعالية عليك وعلي الرينو داستر تحفـــــــــــــــة

المشاركة الأصلية كتبت بواسطة ahmeedelbahy

طب واضح ان حضرتك جربت الداستر قولي بتختلف ايه عن الكارينز

حضرتك انا مجربتش الداستر بس جربت الكارينز وسوقتها حوالي 150 كيلو متواصل هية عربية واسعة وجميلة بس واطية اوي علي الارض و كمان سحبها مش قوي اوي دة بالنسبة للاوتوماتيك الي سوقتها لاكن طبعا المانيوال سحبها افضل و التجميع بتاعها علي السرعات العالية ممتاز و التكييف ممتاز بس بياثر شوية علي السحب انما الداستر قريت عنها كتير لان والدي كان عاوز يجيبها فعملت كذا بحث عنها وهية عربية ممتازة وتنفع لاي طريق يعني ارميها في جبل و هتسد ان شاء الله وطبعا توكيل رينو من احسن التوكيلات في مصر بس يعيبة ان قطع الغيار غالية شوية يعني حضرتك دلوقتي قدامك اختيارين الاثنين واسعين جدااااااا و الاثنين ممتازين بس واحدة فيهم واطية و التانية عالية وواحدة قطع غيارها معقولة و التانية غالية شوية وبالنسبة للشكل دي ازواق وانا رايي ان الداستر احلي من الكارينز القديمة بكتير بس الشكل الجديد للكارينز 2013 احلي من الداستر وبرضو دي مسالة ازواق و نقطة كمان نسيت اقولها بالنسبة للكارينز استهلاك البنزين بتاعها عالي شوية لو اوتوماتيك معا التكييف يعني لما سقتها ال 150 كيلو دول عملت فيهم 18 لتر بنزين وة طريق سريع يعني لو في مدينة هتستهلك كتير جدا وبالنسبة للداستر بصراحة ماعرفش استهلاك البنزين قد اية و الاختيار الاخير لحضرتك

المشاركة الأصلية كتبت بواسطة ahmeedelbahy

بشكرك يا ميدو جداااا علي مجهودك الرائع معايا

الشكر لله وحدة يا باشا وبرضو حضرتك اسئل حد جرب الداستر عشان تتعرف عليها اكتر و اصبر شوية لما الكارينز الجديدة تنزل وتشوفها علي الطبيعة ووقتها تركبها وتركب الداستر وتشوف انت مستريح لانهي وربنا يوفقك وتجيب العربية الي تسعدك وتبقي وش خير عليك وربنا يكفيك شرها

المشاركة الأصلية كتبت بواسطة mohamed_selim

الكارينز مش بتبوس المطبات .... الكارينز عربيه متوسطه يعنى اعلى من حاجات كتير بس فى حاجات اعلى منها .. من الوصف اقدر اقولك ان العربيه اللى كنت سايقها فيها مشكله

انا كنت سايق كارينز 2012 توب لاين خليجي و الخليجي احسن من التوكيل لانها مصفحة من تحت وكنا راكبين فيها 5 وكانت فعلا بتحضن كل مطب و العربية مفيهاش اي حاجة لانها مكملتش سنة دلوقتي معا خالي و الحمد لله عمرة ما اشتكي منها في اي حاجة و الكارينز متوسطة ايوة واعلي من حجات كتير بس برضو لو محملة لازم تاخدها بالعرض يعني اول مرة اركبها كان في مطب متوسط كنت انا وخالي بس لاقيتة بياخدة بالعرض بقلة لية المطب مش كبير قالي لا هيخبط العربية من تحت قلتة لا مش قوي كدة قالي واحنا راجعين هوريك واحنا راجعين فعلا حاول ياخدة عادي المطب حك في العربية من تحت