جاري خبطلي العربية

**mido01050** · 13-04-2013 11:48 PM

السلام عليكم
قمت الصبح لقيت الاكصدام الامامي بتاع الفيرنا مخبوط و داخل لجوة و عليه لون العربية اللي خبطاه لون عربية جاري ... بكلمه يقولي انا و الله مخرجت بالعربية امبارح رحت وريته الخبطة و لون عربته ورحت على عربته وريته مكان الخبطة عنده في الباب اللي ورا و برده بينكر بس اتقفل جدا لما شاف اللون عندي لان عربيته لونها مميز...المهم قلتله انا مش بكلمك عشان عايز منك حاجة بس من الزوق انك كنت كلمتني عرفتني و اتأسفت حتى و انت عارف اني عمري مهطلب منك حاجة .... اتقفل خالص ووطى وشه في الارض و سبته و مشيت

**mirra** · 13-04-2013 11:59 PM

انا استويت من الموضوع دة ...جارى اللى قدامى عندة جراج بمطلع و اثناء الدخول و الخروج دايما يخبطنى...جربت معاة كل حاجة ما عندوش غير الانكار رغم ان بوية عربيتة بتكون طالعة فى عربيتى و فى الاخر قالى ما هو انت برضة بتركن مقابل الجراج و الشارع ضيق!!!كنت هضربة بس بأفوض امرى لله....و الله خبطنى مرة و العربية لسة مش بقالها 10 ايام جديدة.الذوق و الحرص على الجار راح فين يا ناس.

**S O P H O S** · 14-04-2013 12:00 AM

هو كلامك صح كان المفروض يقول
عموما معلش عشان الجيرة

**mido01050** · 14-04-2013 12:05 AM

و الله يا رجالة مكنت هطلب منه مليم...بس انا مش عارف الزوق و الادب راحوا فين...ده متربي معايا من وحنا اطفال في اللفة

**mido01050** · 14-04-2013 12:10 AM

اخوه الصغير لقيته بيكلمني دلوقت بيقلي ان جوز اخته هو اللي خرج بالعربية بالليل و هو اللي خبطها ... رديت عليه قلتله فداه مش مشكلة بس من الزوق انه كان يقولي بدل ما بينكر
المفاجأه بقى ان جوز اخته كان واقف معانا و انا بكلمه الصبح و منطقش

**dedi** · 14-04-2013 12:13 AM

يخلف عليك ربنا و يمكن اتكسف انة يواجهك و انت كدة كدة موش ها تاخذ العوض
انا الاسبوع الذى فات و انا ماشى بسرعة 20 كيلو و الطريق فاضى جاءت من خلفى سيارة و رمت على جامد و بسرعة رهيبة بهدلت الباب و الاكصدام و طلع يجرى بسرعة رهيبة و انا من هول المفاجاة لم الحقة طبعا و بابى مارضيش يتفتح من شدة الخبطة الذى زعلنى انة مافكرش يقف او يعتذر الواحد موش عارف اخلاق الناس جرالها اية

**walidzakzok** · 14-04-2013 12:54 AM

الناس بمقاش عندها دم فعلا

**hossam_elwani** · 14-04-2013 01:08 AM

عربيه من غير جراج خاص يعنى سلم امرك لله

وللاسف ده مش متوفر عند الجميع

**Ahmed_Adham** · 14-04-2013 01:15 AM

المشاركة الأصلية كتبت بواسطة dedi

يخلف عليك ربنا و يمكن اتكسف انة يواجهك و انت كدة كدة موش ها تاخذ العوض
انا الاسبوع الذى فات و انا ماشى بسرعة 20 كيلو و الطريق فاضى جاءت من خلفى سيارة و رمت على جامد و بسرعة رهيبة بهدلت الباب و الاكصدام و طلع يجرى بسرعة رهيبة و انا من هول المفاجاة لم الحقة طبعا و بابى مارضيش يتفتح من شدة الخبطة الذى زعلنى انة مافكرش يقف او يعتذر الواحد موش عارف اخلاق الناس جرالها اية

مفيش حاجه اسمها ميقبلش العوض يا باشا عشان الجمله دي بتضيع حقوق ناس كتير وبتساعد المهمل انه يكمل في اهماله.

وعن رأي الدين يقول الدكتور مصطفي مراد الأستاذ بكلية الدعوة جامعة الأزهر: من أصاب سيارة أي شخص وهو يعلم في قرارة نفسه أنه المخطيء يجب عليه أن يصلح ما أفسده انطلاقاً من القاعدة الفقهية التي تقول (من أفسد شيئا فعليه إصلاحه).. أو أن يطلب من صاحبها العفو.. فإن قبل العفو فبها ونعمت وإلا فعليه دفع العوض وإصلاح ما أفسده وإعادة السيارة قريبا مما كانت عليه.. وهذا يقدر بحسب العرف وأهل التخصص ورضا الطرفين.

تحقيق في حالات الإضرار والحوادث هـل يجـوز للمسلم أن يقبـل العـوض؟