اللوجان ............. وكارثه عمود الاتزان

**blackhorse123** · 14-04-2013 08:22 PM

انا عربيتى 2012 وروحت عند بتاع العفشه وقالى العربيه مفيهاش عمود اتزان بس قالى هو معوض الموضوع ده بحجم المقاصات وقعد يحكى ليا فى حاجات انا مش فاهمها

السؤال بقى ........ ياريت ياجماعه واحد يعطينا اجابه واضحه وصريحه
هل عمود الاتزان مهم فى ثبات العربيه مش على طريق مستقيم لا العربيه على خط مستقيم ممتازه بس فى الملفات للاسف مش كويس فهل عمود الاتزان هيفرق فى الملفات ؟

لو كان هيفرق انا عن نفسى هركبه باى ثمن ؟

**Ahmed A Rahman** · 15-04-2013 03:57 AM

هي عربيتك مانيوال ولا اوتو ؟؟ اكيد مانيوال

عمود الاتزان بيركب على حسب حجم الموتور وقوته

الموتور ال 8 صباب في المانيوال لا يستحق عمود الاتزان
الموتور ال 16 صباب في الاوتو متركب فيه جاهز

انا معاك ان تركيبه حيزود اتزان العربية
بس العربية معايا من حوالي 4 سنوات وعامل بيها 99 الف كيلو
وعمري ما حسيت انها مش موزونة في الملفات السريعة
وانا ساكن في التجمع يعني طريقي كله طرق سريعة

**ahmedeg1** · 15-04-2013 11:21 AM

المشاركة الأصلية كتبت بواسطة zeekas15

العربيه فاشله فى الملفات والغرز

العربيه مش معموله للغرز و فى الملفات الحاده لازم تتاخد على الهادى فعلا و عمود الاتزان مهم فى الأوتوماتيك فقط و مقصات المانيوال اسمك من نظيرتها فى الأوتو

**amrelzawawy** · 15-04-2013 05:48 PM

والله يا جماعه انا باخد ملفات قريب من 90 درجه على 60 او 70 والعربيه تمام وملفات المنازل برضه بنفس السرعه وفيه ملفات زى كوبرى الشهيد فى طريق التجمع فوق ال100 وغرز بين العربيات على ال120 او 130 مشفتش تعويم والا انتم بتتكلموا على 140 فما فوق

**blackhorse123** · 16-04-2013 02:04 AM

ايوه عربيتى مانوال

يعنى انتوا شايفين ان مش مهم اركبه وكل المطلوب منى ان اخد بالى من الملفات الحاده اخدها على الهادى
طيب ..........

بس المشكله العربيه مش فى الملفات
يعنى مثلا لو انت ماشى ورا عربيه عايز تعدى منها وفجاه لقيت عربيه فى وشك من المقابل وعايز ترجع تانى بسرعه لمكانك العربيه هتعوم منك ...........

والله الواحد احتار .............. انا عن نفسى كلمت واحد مهندس صاحبى وهيرد عليا اول ما يرد عليا هقولكم عملت ايه معاه

ربنا يسترها على الجميع
دمتم فى حفظ الله

وشكرا لردكم

**adel_edrees** · 16-04-2013 09:57 PM

بصوا ياجماعة معنى أن المقصات تخينة و أتخن من الأوتوماتيك معناه أن أحنا مش حينفع نركب حاجة فى تصميم العربية و لا نغير فيها حاجة و هما عوضوا عدم وجود عمود الأتزان بزيادة تخانة المقصات