الموضوع: طلب المشورة من رجالة الميتسوبيشى

المشاركة الأصلية كتبت بواسطة yousefsemsem

ديه عيون صفيه عربيه محترمه اوي هي تمنها من28 الي 33حسب الحاله ماتورها كويس زي ماتوﻻ البطه والاكسيل والويرا التكيف بتاعها ممتاز بس طبعا العرببه مش هتبقي بعزمها علشان 1300 زي الكرستاله وربنا يوفقك فيها

شكرا لرد حضرتك بصراحة صاحبها طالب 27000 بس الزيت اللى انا شفته ده يبقي سببه ايه هو مرشح من الجنب اللى في الاسبراتير وصاحب اخويا بيقوللى دى محتاجة جوان بس انا مش عارف ده جوان ايه

المشاركة الأصلية كتبت بواسطة mitsukero

بصراحة العربية الموديل القديم قوي دي تخوف

هي عربية ممتازة و استهلاك البنزين بتاع الموديل ده بالذات قليل جدا ده غير ان الموديل ده كان بينزل بفلين تحت الاكصدامات

لازم تفحص العربية كويس جدا قبل الشراء خصوصا ان قطع الغيار الاصلي بتاعة الموديل ده مبقتشي تنزل و شوف العربية عاملة كام كيلو و موتورها اتفك ولا لا

اهم حاجة ان اساس العربية الميكانيكي ميكنشي اتعك فيه لان التصليح هيكون صعب لان حتي قطع الاستيراد ليها قليلة
هي نفس موتور الهيونداي اكسيل مع اختلاف خامة السبيكة بتاعة الموتور (خامة الميتسوبيشي انضف) يعني ممكن تركب قطع غيار اكسيل عادي

والله اعلي و اعلم

معلش استفسار حضرتك بتقول افحص العربية كويس يعني ايه اللى كان مفروض ابص عليه انا رحت امبارح بعد صلاة العشاء اتفرجت عليها وزى ماوصفت هيه الدواخل بتاعتها فابريكة بوية المصنع ونظيفة من جوة وبرة بس محتاج شوية شغل سمكرة ووش نظافة
اللى فهمته من كلام حضرتك ان قطع غيارها كده مش موجودة فراى حضرتك بلاش منها ولا ايه
معلش دوشتكم معايا بس ده العشم فيكم

المشاركة الأصلية كتبت بواسطة mitsukero

مفيش دوشة ولا حاجة

بص قطع الغيار الاصلية قليلة جدا لكن التقليد هتلاقي عادي و قطع غيار الاكسيل بتركب عليها

بص اخبط بيها مشوار للأميرية و وديها ورشة المتخصصون هيبصولك عليها و مظنش هياخدوا فلوس هيجيبولك قرارها

شكرا لرد حضرتك انا هابلغ اخويا وهو صاحب القرار وعلى فكرة صاحبها طبيب بشرى وطالب فيها 29 انما صاحب اخويا كان بيتكلم مع صاحب العربية ولقاه بيقول له انه هيبيعها لواحد معرفة الدكتور على 27 فصاحب اخويا شايف انها كويسة وطلب من اخويا انه يجي يتفرج عليها وان ممكن نخلصها على 25.000

المشاركة الأصلية كتبت بواسطة mitsukero

بالنسبة للزيت اللي بيتسرب : ده o ring اسبيراتير بيبقي عامل زي استيك الفلوس كده و الاصلي ب 20 جنية و اي واحد في السوق نفس المكان بيركب عادي

انت ماسك في تسريب الزيت ده ليه

بص علي الموتور و صوت التاكيهات ؟ بص علي التكييف و السربنتينة بتاعة ؟ بص علي طقم الدبيراج ؟ بص علي الضفيرة بتاعة الكهرباء و شوف فيها كباري ولا لا و علبة الفيوزات سايحة ولا لا ؟ بص علي علبة الفيوزات اللي جوة عند رجلك الشمال و انت علي كرسي السواق

في حاجات كتير اوي اساسية

لو الموتور عامل عمره هتبقي مشكلة

شوف الريادياتير متغير ولا لا ؟

افحص العربية كويس الموديل قديم و هتلاقي بلاوي

انا مقصدتش ان الزيت جاى من الاسبراتير انا اقصد ان الزيت بيرشح من البلوكة ورا المكان اللى فيه الاسبراتير ... قرصت على الموتور ولقيت مفيهوش دخنة غير دخنة سودا وريحة بنزين مش محروق كويس صوت الموتور هادى جدا حتى مع تشغيل التكييف وواضح ان الشحن بتاع التكييف كويس انما حتة الموتور عامل عمرة ولا لا دى ماعرفش فيها هيه وجزئية الردياتير