الموضوع: محتار اجيب تاب اية اندرويد ولا ايباد

الحيرة فى الاتى
انا عندى مشكلة رئيسية فى الايباد فى حكاية انى معرفش اعمل داونلود لاى ملفات الا لو كنت عامل جيل بريك ودى اكتر حاجة مديقانى ولولا هذا السبب لكنت اشتريتة فورا لان معايا الايفون ومرتاح معاه جدا خصوصا فى التصفح وسرعة وسلاسة وثبات النظام
بس لما يجى باة الموضوع يبقى تابلت فكنت حابب ان يكون فى حرية اكبر من كدة فى التعامل مع النظام والحرية تبقى على الاقل انى اعرف اعمل داونلود لملف او لاغنية او للعبة او لاى حاجة بسيطة مش كبيرة يعنى بالضرورة عادى عن طريق البراوزر زى الويندوز والاندرويد كدة
الفكرة انى فعلا مش لاقى سبب للموضوع دة فى سوفتوير ال ios يعنى فى حجات بديهية مش عارف لية هما مش عاملينها وتنقط بصراحة فى تفكيرهم المحدود اوى

وعلى الناحية التانية............

مش شايف ولا تابلت فية روعة شاشة الريتنا واستقرار نظام ابل وتاتش الايباد والايفون ودقة الكيبورد بردة :( انتوا مش عارفين الكيبورد دة مهم قد اية بالنسبالى

عايز ارائكم معايا وهل فى تابات ويندوز نزلت مصر ؟؟ ولا لاء

الويندوز انا شايفة واعد جدا والاسكرول مفيهوش لاج ويكاد يكون فى سرعة نظام ابل وسلاسته
انا بتكلم على الويندوز rt

مجتاج ارائكم جميعا وكل واحد يدخل يقول رائية بعيدا عن التعصب بعد اذنكوا
ولو كل واحد يقترح تاب اكون عاجز عن الشكر

التاب اللى انا بقترحة (مع مراعاه العيوب السابق زكرها) الايباد 4 32 جيجا الفور جى

النوت 10.1 انا جربتة كذا مرة ومعجبنيش خالص لا فى رزوليوشن الشاشة ولا فى سرعة معالجتة للعمليات
ناهيك عن الاج اللى يخنق فانا مستبعدة بصراحة

حاليا بفكر فى ايباد 4 واعملة جيلبريك بس المشكلة ان سعرة مولع حاليا فى مصر بسبب الدولار بعد ما كان ب 5 وشوية وبينزل دلوقتى عدا ال 6 الاف وانا شايف انة كتير جدا بصراحة خصوصا ان كلها شهرين والايباد 5 ممكن ينزل
ولا اية ؟