الموضوع: انا زهقت من البلد وعدم الامان

السلام عليكم

الموضوع من خنقتى بصراحه ومن الى بشوفه وانا مش عارف ابتدى الكلام ازاى
بعيدا عن غباء البشر فى السواقه من الملاكى للنقل وكييف الناس انها تمشى عكس
وتفننهم انهم ازاى بوقفوا طريق او يعملوا زحمه
غير التكاتك الى بحسهم عايشين لوحدهم ومفيش حد معاهم على الطريق

وبعيدا برضوا عن الخوف وانا ماشى على رجلى من التثبيت وانا بكرب ميكروباص انى لازم اركب ميكروباص يكون فى بشر ميكنش فاضى وحرصى وانا شايل لاب توب ما علينا من كل ده

انا يوم مبكون خارج بالعربيه بتخذ كذا اجراء بعد الى بشوفه وبسمعه عن السرقه
طول منا ماشى بالعربيه عينى فى المرايات واى موتسيكل يعدى ببقى مقلق
او عربيه نص نقل او حتى اى ملاكى مفيم
ده غير لما بنزل من العربيه لمجرد انى اشترى عصير مثلا او اى حاجه لازم اقفل ازاى واقفل العربيه واسوجر الدركسيون حتى لو واقف جمبها مستنى حد

مش كدا وبس حتى لما بكون مستنى حد جوه العربيه فى اى مكان بقيت بنزل واقفل العربيه واقف بعيد عنها
ده غير فصل طرمبه البنزين واسوجر العربيه واقف بقفل دركسيون
ولما اكون فى طريق مفتوح بقيت بجرى عشان محدش يكون قاطرنى


طيب ده كلوا بقى عادى دلوقتى والناس كلها بتاعنى منوا وبرضوا مش ده الى مضايقنى

المشكله ان محدش بقى يثق فى حد ديما وانا واقف جمب عربيه وحد راكب فيها بحس انوا بيبصلى انى هثبتوا
والاقى نظرات الناس غريبه رغم ان شكلى ميدلش نهائى على انى مشتبه فيه او انى حتى اثبت حد
لدرجه انى بقيت اتجنب اقف فى مكان فى عربيات او حتى اقف جمب واحد راكب فى عربيتوا ولا اسئل حد راكب عربيتوا عن طريق او مكان معين
وده بالظبط نفس الى بحسوا مع اى حد بصراحه الواحد اتخنق

والواحد مبقاش عارف يعمل ايه