يارس هاتشباك 2013 ولا حاجه تانيه

**occullt** · 19-04-2013 02:46 PM

ايه رايكم يا جماعه اشترى يارس 2013 الهاتشباك الاتوماتيك لمراتى ولا اجيب حاجه تانيه ؟؟؟ الفكره ان عايزين عربيه صغيره وتستاهل الفلوس اللى تتدفع فيها ... الاول كنت بفكر فى بيكانتو او i10 بس سعرهم زاد اوى ....

**S O P H O S** · 19-04-2013 03:56 PM

عندك حق بعد زيادة العربيات الصغيرة
يبقي مفيش عربية هتشباك مناسبة غير الياريس والريو
واميل للياريس واستهلاك بنزين هيكون جميل وعربية معروف صناعتها ايه
والله اعلم ..

**mabxx** · 20-04-2013 09:12 PM

في رأيي ممكن تفكر في نيسان تيدا هتشباك .... عربية مميزة وسعرها فيها وتستحق كل قرش تدفعه... ولو مش مناسبة لحضرتك ... قدامك كيا ريو عربية ممتازة برضو بس السعر هوه اللي أوفر شوية
Good Luck

**SAWA1SAWA** · 21-04-2013 10:57 AM

من خلال قرأتى فى المنتدى التيدا أحسن وكفتها ترجح قليلا عن اليارس بس المشكلة إن هينزل منها جديد 2014 وهتختلف عن الموجودة حاليا للأفضل طبعا ولكن السعر وميعاد النزول غير معلوم

**4fun14** · 22-04-2013 09:25 AM

عند الاسره عربيه ياريس 2010 سيدان طبعا
للاسف مش بحبها ..مش ثابته على الطريق عكس التويوتا عموما والفتيس بتاعها مش عاجبنى ده غير الصالون الضيق طبعا وبفضل عليها النيسان صنى!
اعتقد فعلا زى ما الزملاء نصحوك التيدا افضل..ورايى انك تجيب الشكل الحالى قبل مالجديد ينزل لانه نزل فى الدول العربيه وسعره مرتفع مش هيقل ف مصر عن 150 الف

**SAWA1SAWA** · 25-04-2013 05:44 PM

كمان الفيات لينيا أحسن من اليارس

**S O P H O S** · 25-04-2013 06:02 PM

لو موضوع الثبات مهم فالتيدا هتشباك ثابتها مش عالي عالسرعات المرتفعه بردوا
والياريس الجديدة هتكون افضل من السيدان كثبات
مجرد رأي ..

**hisham2111** · 26-04-2013 05:06 PM

العبد لله مهاه ياريس 2013 الفئ قبل الكاملة ان جبت بالعربية 192ومعرفتش ازود عشان الهواء كان جامد استهلك العربية من غير حرق اسطورة ولا مقارنة بعربيات الى فئتها العربية وسعة فحت من جوا انا برضوا مش عارف ازاى عالية جدا والعفشة قوية يعنى معايا 4 وانا ومبتحكش فى اى مطب برضو مش عارف ازاى المشكلة ان شنطتها صغيرة بشكل غير عادى انا الغطى بتاع العربية بحطوا فى شنطتو بياخد نص الشنطة معملتش صيان ال5 الاف عشان افيدك فى اسعار قطع الغيار بس العربية دى فى فئتها محدش افضل منها غير الفورد فيستا وبس اكرر ا فيستا وبس

**S O P H O S** · 26-04-2013 05:16 PM

المشاركة الأصلية كتبت بواسطة hisham2111

العبد لله مهاه ياريس 2013 الفئ قبل الكاملة ان جبت بالعربية 192ومعرفتش ازود عشان الهواء كان جامد استهلك العربية من غير حرق اسطورة ولا مقارنة بعربيات الى فئتها العربية وسعة فحت من جوا انا برضوا مش عارف ازاى عالية جدا والعفشة قوية يعنى معايا 4 وانا ومبتحكش فى اى مطب برضو مش عارف ازاى المشكلة ان شنطتها صغيرة بشكل غير عادى انا الغطى بتاع العربية بحطوا فى شنطتو بياخد نص الشنطة معملتش صيان ال5 الاف عشان افيدك فى اسعار قطع الغيار بس العربية دى فى فئتها محدش افضل منها غير الفورد فيستا وبس اكرر ا فيستا وبس

لو مفيش تعب يا باشا
لو تقدر تعملنا تقرير كامل عن العربية مصور او حتي من غير صور
يكون فيها تقيم منك لنقط العربية زي الثبات والسحب والتكيف والعفشة والبنزين الـــخ
لان في ناس كتيرة بتسأل عن العربية ولحد دلوقتي مفيش اي تقيم للعربية فقسم تويوتا
والعربية ليها اثنين فنفس الفئة الريو والتيدا ولودخلت قسم نيسان او كيا هتلاقي اكثر من موضوع
عن تقيم العربية انما فتويوتا مفيش تقيم للياريس وده بيخلي الي بيفكر فالعربية
بيقول ده لسه جديدة ومنعرفش عنها شئ
اتمني ان ده ميكنش فيه تعب لحضرتك ولكن الغرض منه افادة الاعضاء فتويوتا
تحياتي ليك ..

**SAWA1SAWA** · 26-04-2013 05:55 PM

المشاركة الأصلية كتبت بواسطة s o p h o s

لو مفيش تعب يا باشا
لو تقدر تعملنا تقرير كامل عن العربية مصور او حتي من غير صور
يكون فيها تقيم منك لنقط العربية زي الثبات والسحب والتكيف والعفشة والبنزين الـــخ
لان في ناس كتيرة بتسأل عن العربية ولحد دلوقتي مفيش اي تقيم للعربية فقسم تويوتا
والعربية ليها اثنين فنفس الفئة الريو والتيدا ولودخلت قسم نيسان او كيا هتلاقي اكثر من موضوع
عن تقيم العربية انما فتويوتا مفيش تقيم للياريس وده بيخلي الي بيفكر فالعربية
بيقول ده لسه جديدة ومنعرفش عنها شئ
اتمني ان ده ميكنش فيه تعب لحضرتك ولكن الغرض منه افادة الاعضاء فتويوتا
تحياتي ليك ..

كلام حضرتك عين العقل وفعلا محتاجين تقرير كامل فيها
أكيد هيخلى الواحد يحطها فى اعتباره ويعرفها أكتر
لأن قلة أخبارها وتجارب الأعضاء وكمان تفضيل غيرها عليها فى مشاركات سابقة ظلم العربية فى المنتدى ويمكن هى احسن