سيارة في حدود 130 ألف؟

**K_Elkhawaga** · 19-04-2013 04:49 PM

السلام عليكم ورحمة الله وبركاته

أنا كنت بدور على عربية في حدود 130 ألف مثلًا، لو حاجة مستعملة يفضل إنها تكون جديدة نسبيًا (بعد 2008)، بفضل الأوروبي (وممكن الياباني) بشكل عام، خاصًة الhatchback، لكن باب الإقتراحات مفتوح.

الاستخدام حيكون شخصي بشكل عام، بالتالي مش محتاج حاجة كبيرة بالضرورة، بس محتاج حاجة تكون شبابية نوعًا ما، ويكون ثباتها كويس (بمعنى إن سواقتها تكون ممتعة).
عوامل الأمان زي الABS والEBD أساسية بالنسبة لي، وده سبب استبعاد حاجات كتير من الكوري.

بعض الحاجات اللي فكرت فيها:

Volkswagen Golf 6 1.6 (مستعملة): مش متأكد لو حقدر ألاقيها في حدود الميزانية دي.

Ford Fiesta 2011~2012 (مستعملة): نادرة شوية، معنديش فكرة إيه نظام التوكيل بتاعها.

Toyota Yaris 2013 (جديدة): كمالياتها كويسة جدًا، وأعتقد إنها حتكون اعتمادية، لكن في أحسن الأحوال معتقدش إنها حتكون أحسن من الأوروبي بشكل عام.

Audi A3 2008 (مستعملة): نادرة شويتين، معنديش فكرة إيه نظام التوكيل بتاعها، حتكون عاملة كيلومترات كتير شوية، لكن في النهاية Audi.

بعض الحاجات المستبعدة بالنسبة لي:

Fiat Punto 2013 (جديدة): أعتقد موتورها ضعيف نسبيًا، حتى بالمقارنة بحاجات تانية في نفس فئتها.

Nissan Tiida 2013 (جديدة): شكلها مش بيعجبني، حتى الfacelift اللي لسه حينزل السنة الجاية مش داخل دماغي أوي، وثباتها معنديش فكرة إيه نظامه.

مستني إقتراحاتكم، وآسف على الإطالة.

**S O P H O S** · 19-04-2013 05:55 PM

اختار ياريس هتشباك
طبعا هي مش زي الاوروبي لكن جديدة فيها عوامل امان توكيل معقول
مفيش مشاكل فالفتيس مثلا ذكرت اعتمادية بشكل جيد كتويوتا
مجرد رأي فقط ..

**monamize4** · 19-04-2013 08:01 PM

المشاركة الأصلية كتبت بواسطة K_Elkhawaga

السلام عليكم ورحمة الله وبركاته

أنا كنت بدور على عربية في حدود 130 ألف مثلًا، لو حاجة مستعملة يفضل إنها تكون جديدة نسبيًا (بعد 2008)، بفضل الأوروبي (وممكن الياباني) بشكل عام، خاصًة الhatchback، لكن باب الإقتراحات مفتوح.

الاستخدام حيكون شخصي بشكل عام، بالتالي مش محتاج حاجة كبيرة بالضرورة، بس محتاج حاجة تكون شبابية نوعًا ما، ويكون ثباتها كويس (بمعنى إن سواقتها تكون ممتعة).
عوامل الأمان زي الABS والEBD أساسية بالنسبة لي، وده سبب استبعاد حاجات كتير من الكوري.

كلامك دا مالوش غير معنى واحد ,,,,,,
فيات برافو
لو مش عايز تيربو يبقى ليون و لو مش عايز DSG يبقى C4 او فوكس hb

**DrAhmad** · 21-04-2013 11:04 PM

شوفلك اوبل استرا هاتشباك مستعمله

**Dr_MaTrix** · 21-04-2013 11:09 PM

يارس هاتش باك ما دام التيدا مش داخلة فى حساباتك

**احمد نظمي** · 21-04-2013 11:38 PM

دور علي كورولا 1600 سي سي 2008 ممتازة من كل شئ

**4fun14** · 22-04-2013 09:04 AM

انا كنت بدور فى رينج المبلغ اللى بتتكلم فيه واكتر عربيه داخله دماغى الاوبل فيكترا بس مشكلتى انى بقلق من المستعمل
وطالما عاوزها حاجه شبابيه ممكن تفكر فى الاوبل استرا عربيه ممتعه فعلا
بس ربنا يوفقك ف عربيه حالتها كويسه عشان متتعبكش ف مصاريفها

**K_Elkhawaga** · 26-04-2013 11:09 PM

المشاركة الأصلية كتبت بواسطة S O P H O S

اختار ياريس هتشباك
طبعا هي مش زي الاوروبي لكن جديدة فيها عوامل امان توكيل معقول
مفيش مشاكل فالفتيس مثلا ذكرت اعتمادية بشكل جيد كتويوتا
مجرد رأي فقط ..

المشاركة الأصلية كتبت بواسطة Dr_MaTrix

يارس هاتش باك ما دام التيدا مش داخلة فى حساباتك

هي ميزة الYaris بصراحة إنها حتبقى جديدة، لكن مع الأسف الإختيار صعب لأن لو قارنتها بالأوروبي مش حيكون في مجال للمقارنة، فيما عدا يمكن بعض الكماليات اللي عجبتني جداً فيها.

المشاركة الأصلية كتبت بواسطة monamize4

كلامك دا مالوش غير معنى واحد ,,,,,,
فيات برافو
لو مش عايز تيربو يبقى ليون و لو مش عايز DSG يبقى C4 او فوكس hb

الBravo تحفة بس مش حقدر على بنزين 95، في حل للموضوع ده؟
ممكن Leon فعلاً، عربية محترمة. هو في مشاكل في الDSG فيها؟
طب بالنسبة للMegane 3 إيه نظامها؟

المشاركة الأصلية كتبت بواسطة eng_ahesham

فيات لينيا الفئه الاولي
وفي تقرير هنا معمول في المنتدي بس عن الفئة الثانيه
http://www.nilemotors.net/Nile/324750-2013.html
وبالتوفيق ان شاء الله

جت في دماغي، بس أنا ميال للHatchback.

المشاركة الأصلية كتبت بواسطة DrAhmad

شوفلك اوبل استرا هاتشباك مستعمله

حتكون الشكل القديم مش كده؟

المشاركة الأصلية كتبت بواسطة احمد نظمي

دور علي كورولا 1600 سي سي 2008 ممتازة من كل شئ

هي كعربية ممتازة أكيد واعتمادية، لكن مش مناسبة لإحتياجاتي.

المشاركة الأصلية كتبت بواسطة 4fun14

انا كنت بدور فى رينج المبلغ اللى بتتكلم فيه واكتر عربيه داخله دماغى الاوبل فيكترا بس مشكلتى انى بقلق من المستعمل
وطالما عاوزها حاجه شبابيه ممكن تفكر فى الاوبل استرا عربيه ممتعه فعلا
بس ربنا يوفقك ف عربيه حالتها كويسه عشان متتعبكش ف مصاريفها

ربنا يوفق حضرتك كمان وتلاقي اللي إنت عايزه إن شاء الله.

متشكر جداً على مروركم وإقتراحاتكم، وآسف لو تعبتكم معايا.

**corolladestroyer** · 27-04-2013 12:02 AM

هو في اقتراح كده وانا شايفه احسن بكتير وهاتش باك زي ما انت عايز واروبي vw golf 5 عربيه مش قديمه
ومفيهاش لا dsg ولا تربو وتعليقها ممتاز جدا جدا ......وهاتش باك زي ما انت عايز واروبي وفي حدود الفلوس اللي معاك هتجيبها مرتاح