مشكلة عويصة لانسر 1600 اتوماتيك 2008

**أبوعبدالرحمن** · 13-08-2008 01:41 PM

أهلاً بيكم يا شباب،،،

عندي سيارة لانسر 1600 اتوماتيك موديل 2008، دايما مش كان بيعجبني سحب المحرك، وبالأخص بعد تشغيل المكيف والأغرب إنك لما تزيد من سرعة السيارة فجأة تشعر بصوت المحرك وكأنه داخل مقصورة القيادة، استغربت شوية وقلت لعل كده الطبيعي،،،

لكن لما قمت بقيادة سيارة صني موديل 2005 وبرضه 1600 اكتشفت اختلاف قوي في المكيف وفي قوة المحرك على الرغم إن الاثنين 1600، والأغرب برضه إن المكيف في الصني ما شاء الله لا يقارن بالانسر إطلاقًا رقم واحد في صني يوازي 3 في اللانسر موديل 2008 يعني وكالة ولسه جديدة،،،

والسؤال هنا تحديدًا هل هذه المشاكل توجد في جميع سيارات اللانسر أم أنه يوجد عيب في سيارتي تحديدًا،،،

**AHMEDCAR** · 13-08-2008 01:49 PM

لا مش مشكله خالص عادى

**أبوعبدالرحمن** · 13-08-2008 02:05 PM

دانتا باين عليك شايل قوي من اللانسر،،،

كأنك بتقول دا جزات اللي يشتري لانسر،،،

هههههههههههههههههههههههه

**AHMEDCAR** · 13-08-2008 02:11 PM

لا والله انا مش عندى لانسر خالص بس ركبت بتاعه واحد صحبى 2007 فول اوبشن اوتوماتيك ر كبتها شهريين علشان كان مسافر و ركنها عندى و لاحظت اللى حضرتك بتقول عليه ده مع العلم انى معايا فير نا 2008 مانيوال بصراحه حسيت ان الفيرنا تطلع منه على طول فى معظم الغيارات بس على الطريق الانسر تكسب بالثلث من حيث الثبات و التجميع بعد ذللك

**مصراوي جدا** · 13-08-2008 02:28 PM

حضرتك ذكرت مشكلتين

الأولى خاصة بضعف التكييف والثانية بسحب العربية

بخصوص ضعف التكييف فده حله بسيط جدا وهو ان فلتر التكييف عاوز تنظيف وممكن حضرتك تعمله بنفسك زي اخونا العزيز الاستاذ اسلام شاهين ما شرح في الموضوع ده

http://www.nilemotors.net/Nile/showthread.php?t=3274

أما بخصوص سحب العربية فالمفروض ان العربية بمحرك 1600 يكون سحبها كويس جدا وبالتالي ربما العربية محتاجة صيانة - حضرتك موضحتش العربية عاملة كام كيلو وهل عملت الصيانات الدورية لها قبل كده ولا لأ (صيانة الألف والعشرة والعشرين)

**أبوعبدالرحمن** · 13-08-2008 04:15 PM

المشاركة الأصلية كتبت بواسطة مصراوي جدا

حضرتك ذكرت مشكلتين

الأولى خاصة بضعف التكييف والثانية بسحب العربية

بخصوص ضعف التكييف فده حله بسيط جدا وهو ان فلتر التكييف عاوز تنظيف وممكن حضرتك تعمله بنفسك زي اخونا العزيز الاستاذ اسلام شاهين ما شرح في الموضوع ده

http://www.nilemotors.net/Nile/showthread.php?t=3274

أما بخصوص سحب العربية فالمفروض ان العربية بمحرك 1600 يكون سحبها كويس جدا وبالتالي ربما العربية محتاجة صيانة - حضرتك موضحتش العربية عاملة كام كيلو وهل عملت الصيانات الدورية لها قبل كده ولا لأ (صيانة الألف والعشرة والعشرين)

أهلاً بيك مهندس طارق،،،

الصراحة أنت رجل المهمات الصعبة،،،

بالنسبة للمكيف فالسيارة جديدة وكالة أنا اشتريتها من شهر 11 اللي فات ومن ساعة ما أخدتها وهي كده وكأن الهواء ضعيف ومش بقوة باقي السيارات وبالأخص الصني،،،

بالنسبة لعدد الكيلومترات فالسيارة موديل 2008 وماشي بالضبط 24 ألف وعملت لها صيانة الألف والخمسة والعشرة والخمسة عشرة والعشرين في الوكالة،،،

ومع ذلك تبقى نفس المشكلة،،،

أقولك على حاجة تضحك أنا في مرة قرصت عليها عشان أشوفها هتعمل إيه الصراحة وقفت بسرعة بعد ما صعب عليه المحرك وصوته اتنبح والله لولا الملامة كنت طبطبت عليه الصراحة يا باشمهندس طارق صوت المحرك غير طبيعي - كأنه على قاعد على المقعد اللي جانبي،،،

ارجو أن تقبل مزاحي، وليس سخرية من السيارة أو أحد والله،،،

**شاهين - بنز** · 13-08-2008 05:03 PM

لو قصدك على الفتحات الوسطانية إللي هواها ضعيف فدا طبيعي في اللانسر (راجع هذا الموضوع)
وبالنسبة لصوت المتور برضه طبيعي ولاحظته في كل اللانسرات إللي ركبتها ولذلك لضعف العوازل

**شاهين - بنز** · 13-08-2008 07:31 PM

بس على فكرة تسارع العربية حلو

**nobody** · 13-08-2008 07:34 PM

على فكرة حضرتك أول واحد أشوفه يشتكي من تسارع اللانسر

يعني ناس تشتكي من الفرامل ماشي

الدريكسيون تقيل تمشي

الثبات مش أوي نعديها

لكن انها مش سريعة ده اللي مستحيل

أكيد حضرتك عندك مشكلة

ده فيديو من 0-100 في 11 ثانية بالضبط لانسر 1.6 أوتو

http://www.2shared.com/file/3177904/f617ed20/A004.html

المانيوال في 10 ثواني

-

الموضوع: مشكلة عويصة لانسر 1600 اتوماتيك 2008

LinkBack

أدوات الموضوع

عرض

مشكلة عويصة لانسر 1600 اتوماتيك 2008 - انشر الموضوع فى :

-

-

-

-

-

-

المواضيع المتشابهه

لانسر 1300 ولا نيو اكسنت 1600 اتوماتيك

مطلوب لانسر اسبورت اتوماتيك 1600

مطلوب سيارة لانسر فول اوبشن اتوماتيك 1600

معايا 65000 الف عايز لانسر 1600 اتوماتيك.......؟

بسرعه أختار الفيرنا 1600 اتوماتيك واللا النوبيرا 1600 اتوماتيك

الكلمات الدلالية لهذا الموضوع

المفضلات

المفضلات

ضوابط المشاركة