عملت حادثة امبارح

**cheetos10** · 20-04-2013 04:46 PM

السلام عليكم

امبارح و انا راجع من جراند مول المعادى و بعدى المزلقان واحد جاى بميكروباص طاير و قاطع الشارع دخل فى نص العربية المهم دخل فى البابين اليمين و طبعا الباب الى قدام خد النصيب الاكبر و الزجاج بتاع الباب اتكسر علينا دلوقتى روحت للسمكرى هيعمل هو البابين بس بعدها مش عارف هروش البابين ولا الجنب كله ؟ و لو حد عارف سعر الزجاج بتاع الباب بكام ياريت يقولى و لو فيه حد كويس بيبيع يبقى كتر خيره العربية اوكتافيا 2000
لو حد يعرف يقدر السمكرة الدهان يتكلفوا كان ياريت بس يقولى

فى انتظاركم و السلام عليكم

**dr.hazem** · 20-04-2013 05:38 PM

الحمد لله على السلامه ...
انصحك متعملش شغل غير في ورشة نايل موتورز في الحرفيين عشان ترجع العربية باذن الله زي ما كانت

تحياتي

**mo7a_mo7a** · 20-04-2013 05:43 PM

الف سلامة علي حضرتك
كويس انها جت علي قد كده
بالنسبة للزجاج ممكن تجيبه من دكتور جريش او استيراد وانا افضل الاستيراد استعمال الخارج لانه الاصلي مع الغلم ان زجاج دكتور جريش ممتاز برضو لكن مش زي الاصلي طبعا
اما بالنسبة للسمكرة فهي حسب الشغل وكتقدير مبدئي حوالي 300 سمكرة و 300 رش و 400 بوية ومستلزمات
تقبل تحياتي

**sakr_skoda** · 20-04-2013 06:36 PM

الف حمدالله على سلامتك وربنا يعوض عليك....*

المهم كانت عاوز اقولك ايه رئيك لو كنت تسال عن البابين استيراد فى بور سعيد ممكن التكلفة تزيد شوية بس حتركب بابين فبريكة بالزجاج وياريت كمان لو نفس لون العربية....*