دخلها وحميها كويس بشامبو وعقمها ومش هيحصل حاجة ان شاء الله
دى روح وعالمها كله هو شقتك .. وياريت توديها العيادة البيطرية بالمرة عشان تتاكد
يمكن هى دى اللى تدخلك الجنة محدش يعرف !
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
ضميري بيوجعني جدا
عندنا قطة شيرازي هاف بيك من عمر شهر ونص
عمرها دلوقتي حوالي سنة
يوم عيد ميلاد المنتدي يوم الجمه 12 ابريل خرجت من ورانا من باب الشقة وقعدنا ندور عليها كتير جدا ومالقنهاش
يوم التلات الصبح ظهرت في العمارة
وطبعا قطط الشوارع قايمين بالواجب معاها
زوجتي طبعا حلفت ما تدخل البيت عشان عندنا طفلين 6 سنين و 8 سنين
بقت تموء مواء جوع وزوجتي صعبت عليها طلعتلها اكل وميه
طبعا قطط الشوارع كلوة منها مرة واتنين واحنا نحطلها اكل تاني
طبعا مرة خلتنا فاتحين الباب ودخل جري جوة
زوجتي طبعا جالها حالة هلع وفضلت تلف ورارها وطلعتها وبعد كدة عقمت الشقة كانها بتعقمنا من حرب بيولوجيه
القطة بتنونو على سلم العمارة ليل ونهار ودلوقتي بقالها 9 ايام برة
هي صعبانة عليا قوي
بس شايفها بدات تكتسب بعض صفات قطط الشوارع بس طبعا لسه هبلة ومش عارفة تتعايش
بنحطلها اكل بس بصراحة شكلها بقي يصعب عالكافر
هل علينا ذنب منها كدة ؟؟
زوجتي مبدئها الخوف على اطفلنا اهم من القطط
وانا مشفق على روح اشتريتها في يوم عشان افرح بيها عيالي وانا عارف ان لا حول لها ولا قوة
رقم العضوية : 130632
تاريخ التسجيل : 27Oct2012
المشاركات : 843
النوع : ذكر
الاقامة : Cairo
السيارة: Verna 07
السيارة[2]: 128
الحالة :
دخلها وحميها كويس بشامبو وعقمها ومش هيحصل حاجة ان شاء الله
دى روح وعالمها كله هو شقتك .. وياريت توديها العيادة البيطرية بالمرة عشان تتاكد
يمكن هى دى اللى تدخلك الجنة محدش يعرف !
رقم العضوية : 2207
تاريخ التسجيل : 17Sep2007
المشاركات : 6,188
النوع : ذكر
الاقامة : Cairo
السيارة: لايوجد
السيارة[2]: Nubira II 2004
دراجة بخارية: لايوجد
الحالة :
لو انت عايزها تانى ممكن تاخدها تحميها حمومه محترمه وتطلع بيها على مستشفى الشعب تطعمها وترجع بيها البيت عادى
لو مش محتاجها تانى برضه تحميها واديها لاى محل بيبيع قطط ببلاش وهو يتصرف فيها ويبقى استريحت من ذنبها
إذا لم تزد فى الحياة شيئاً كنت أنت زائداً على الحياة
)\\||//(-(@@)-----o00---(_)---00o----
Hany Abdelfattah
razini89 سابقا
رقم العضوية : 19638
تاريخ التسجيل : 20Sep2008
المشاركات : 3,094
النوع : ذكر
الاقامة : New Cairo
السيارة: ربنا كريم
السيارة[2]: Honda city 2008
دراجة بخارية: no
الحالة :
هون عليك يا صديقى العزيز
طبعا يا كيمو دى روح وعندك حق إنك تزعل علشانها وتصعب عليك
بس خلى بالك زوجتك عندها حق وخاصه ان القطه تقريبا بقت قطه شوارع
ومن الصعب او من المستحيل انها تعيش معاكم تانى وده حرصا على الاولاد
ومش هينفع الوضع ده انك تسيبها على السلم وتحط لها اكل لأنها عارفه البيت وهتدخل
ومش هتقدر تسيطر عليها ولا حتى على الاولاد
يبقى اعتقد افضل الحلول انك تاخدها لأى محل بيع حيوانات اليفه وتديهاله وتفهمه الموقف
علشان هو يتصرف اذا كان ممكن يكون عنده طريقه لتنضيفها او خلافه وتسيبها عنده
هو يبيعها او يتصرف فيها زى ما هو عايز وتبقى انت كده راضيت ضميرك وحافظت على صحه اولادك
والبديل التانى انك تاخدها بعيد عن البيت والمنطقه وتسيبها فى الشارع
بس ده حل صعب شويه وخاصه طالما انها قطه بيتى مش شوارع
وضميرك هيفضل تاعبك ومش هتستريح .
فاقترح عليك الحل الاول وربنا يجازيك خير
علاء الشناوى
رقم العضوية : 73956
تاريخ التسجيل : 27Jun2010
المشاركات : 2,407
النوع : ذكر
الاقامة : القاهرة
السيارة: ميتسوبيشى لانسر 2005 خليجى
السيارة[2]: دايو نوبيرا 2002 sx
دراجة بخارية: عجله فيرارى صينى :)
الحالة :
اقترح عليك اقتراح انك تحميها حمومه محترمه و توديها مستشفى بيطرى يدوها تطعيمات
خصوصا ان دى روح و القطه نفسها متعلقه بالبيت عندك و اكيد الاولاد متعلقين بيها برضه
رقم العضوية : 125621
تاريخ التسجيل : 04Jun2012
المشاركات : 861
النوع : ذكر
الاقامة : مصر الفيوم
السيارة: انت اكيد بتهزر ياعم انت
السيارة[2]: مفيش حاجه بعيده عن ربنا
دراجة بخارية: لا
الحالة :
ممكن حضرتك تدويها لدكتور يكشف عليها ويعقمها
وترجع زي مكان
كانك بتدخل عربيتك المغسله ترجع احسن من الاول
اللهم أفتح لي بابَ رزقاَ حلالاَ طيباَ مباركاً فيهِ . يارب
رقم العضوية : 133617
تاريخ التسجيل : 17Jan2013
المشاركات : 63
النوع : ذكر
الاقامة : المنصورة
السيارة: لنسر
السيارة[2]: ريتمو
الحالة :
نصيحتى ليك بصفتى كنت من مربين القطط لاكثر من مرة :
لو حضرتك عايز ترجع القطه دى تانى بيتك ( وطبعا فى وجود حاله الهلع منها ) احب اقولك ان الموضوع بسيط جدا . انت خايف من ايه ؟ براغيث ؟ جرب ؟ طفيليات ؟
كل دة حله بسيط . وديها لاى دكتور بيطرى او حتى صيدلى بيطرى يشوفها لو حامل ولا لأ . لو طلعت مش حامل هتعمل الاتى : 1- حميها بصابونه كبريت واوعى الميه تيجى فى ودنها وتسيب الصابون عليها 4 دقائق وتكون الميه سخنه مش فاترة لا ازيد من الفاترة ( طبعا مش سخنه قوى بس الحركه دى هتلاقى القطه هاديه جدا فى الاستحمام ومش هتخاف من الميه ومش هتخربش ) . 2- فى امبولات ( مش حقن دة لوسيون بييجى فى امبولات زى اللبوس كدة ) الامبولات دى بتفتحها وتضع لها 7 نقط فى منطقه الكتف عن طريق تفريق الشعر للوصول للجلد الفعلى والتنقيط كل نقطه فى مكان لكن كل الاماكن فى منطقه ما بين الكتفين والرقبه . النقط دى اسمها ( ريفوليوشن 25جنيه ) او ( بارس 15 جنيه ) ودة بييجى من اى صيدليه بيطريه او عيادة . و النقط دى بقى بتقضى نهائيا على البراغيث وبيضها والجرب وكل الطفيليات الاخرى حتى ديدان البطن لمدة سنه كامله . ما تنساشان كل دة لو طلعت مش حامل .
لو طلعت القطه حامل : 1- الدش المحترم بصابون الكبريت مرة كل اسوع لغايه 4 اسابيع . 2- شراء طوق مضاد للبراغيث دة تقريبا ب 40 جنيه وبيقعد 4 شهور تقريبا . 3- اعطاء مضادات الطفيليات فى صورة شراب يخلط مع الاكل ( لو طلعت حامل خلى البيطرى يكتب لك مضاد الطفيليات دة )
وفى كلتا الحالات استخدم مطهر ومنظف فى ارجاء البيت وخاصه السجاد وابقى امسح الاركان بممسحه ( شراشف ) مضاف اليها الجاز او الكلور . وبلاش المبيد خاصه فى وجود اطفال وقطط .
فى الاجمال المشكله مش صعبه قوى كدة . بصراحه انا مش عايز اقطع قلبك اكتر من كدة لكن احب اصارحك ان القطه لو حامل خليك عارف انها عايزة تدخل عندك لان بيتك هو الامان بالنسبه ليها ولو هتختار مكان تولد فيه يبقى بيتك . هى ماغلطتش هى ربنا خلقها علشان كدة ( تستكشف كل شئ وتبحث وتتكاثر ) دة مخلوق مش مكلف . فاهمنى ؟
رقم العضوية : 9428
تاريخ التسجيل : 23Apr2008
المشاركات : 556
النوع : ذكر
الاقامة : Tanta
السيارة: لا يوجد
السيارة[2]: Elantra HD 2007
دراجة بخارية: لا يوجد
الحالة :
كريك باشا ً ........ عامل إيه وأخبارك إيه ؟
أنا متابعك دايما , ويا رب تكون إنت والأسرة الكريمة بالف خير !!!
نيجي بقى لموضوعنا .....
أنا تعرضت للموقف ده من عدة سنوات ....
كنت جايب قطين في البيت عندي للولاد ....
مع إني ما بطيقش القطط انما تعمل إيه بقى !!!
المهم أنا كنت حريص معاهم جداً وبطعمهم وخلافه , وكنت بحاول اتقي الله فيهم يمكن أكثر من ولادي !!!
وكنت بجيبلهم أكل مخصوص وحلويات مع ولادي , وإيه !!! , الأنواع اللي بيحبوها موش اي حاجة والسلام
بدأو يبهدلوا الشقة ويقطعوا الفرش بتاع الصالون والسفرة وكده يعني .
مشيت واحده فيهم واديتها لأخويا إداها لواحد صاحبه بيربي قطط .
المعلم التاني بقى { الحاج تيكو } فضل مشرف عندي وكنت بصراحة بحبوا قوي لأنه كان غلبان ومالوش في الشراسة .
أي خناقة كان بيتعمل معاه الصح بكل سهولة
المهم يا سيدي ربنا رزقنا ولقينا المدام حامل !!!
وطبعاً عملنا التحاليل اللازمة والمفاجأة طلع عندها فيروس القطط !!!
والدكتور حذر بشدة من وجوده مع التخوف طبعاً من وجود الفيروس مع الحمل !!!
أنا بيني وبينك كنت حتجنن , طبعاً صحة مراتي خط أحمر .....
والأفندي ده لو سيبته حيتبهدل !!!
ده اتتربى في بيتي يعني لا يعرف ياكل ولا يشرب ولا يتعامل غير بنظام معين .... وإنت اللي عملت فيه كده !!!
لا يعرف ياكل من زبالة ولا يتخانق ولا الأفلام دي !!!
يعني إبن ناس بجد موش هزار ...
عايز أقولك لما كنا بنخرج كان بيبقى مرعوب وماسك في الولاد زي البيبي اللي بيستنجد بأمه .
طيب ده حسيبه في الشارع ازاي !!!
المهم عشان مطولش أكثر من كده فضلت أدور على أي حد ياخذه لم أنجح وفضلت يوميين سايب حالي كله وبلف الدنيا عشان ألاقي حد ياخده ويكون أمين عليه ويتقي الله فيه , لغاية لما ربنا كرمني ولقيت واحد أثق فيه أحسبه موش حيهينه أو يبهدله , والله تعالى أعلى وأعلم .
خد بالك حديث الرسول عليه الصلاة والسلام الذي أخرجه الشيخان عن ابن عمر رضي الله عنهم( عذبت امرأة في هرة حبستها حتى ماتت فدخلت فيها النار , لا هي أطعمتها وسقتها اذا هي حبستها, ولا هي تركتها تأكل من خشاش الأرض ) .
وفي رواية أخرى( دخلت امرأة النار في هرة حبستها فلا هي أطعمتها ولا جعلتها تأكل من خشاش الأرض ) .
أنا بصراحة عندي حساسية شديدة في المواضيع اللي زي دي .
أخيراً لا أنصحك بتربية حيوانات أليفة من أصله .
والقطة اللي عندك حاول بكل ما أوتيت من قوة أن توفر لها من يعتني بها بعيد عنك
وللجميع خالص الشكر والتقدير !!!
تحياتي
وفوق كل ذي علمِ عليم
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
اشكركم جزيلا من كل قلبي
دلوقتي زوجتي قريت كل المشاركات
وبرضه رافضه انها تدخل نهائي
ولا حتي عشان احميها
والقطة مابتسمعش كلام حد غير زوجتي
يعنل لو حاولت امسكها سهل تخربشني جدا
فما بالكم بحما بعد 9 ايام برة
وهي غالبا غالبا حامل
والاسوء بتوقع شعر كتير وده اللي خوف مراتي منها قوي خاصة عشان كنزي بنتي
ايه العمل
رقم العضوية : 110437
تاريخ التسجيل : 15Aug2011
المشاركات : 816
النوع : ذكر
الاقامة : Cairo
السيارة: Camry Highbrid 2011
السيارة[2]: Persona Elegance
دراجة بخارية: ---
الحالة :
خدها وديها عند اول صندوق زبالة تشوفه فى منطقة خلاف اللى انت فيها وسبها ،
انت حاسس بذنب ليه ؟!! هو انت حبستها ولا منعت عنها الأكل والشرب!!
وبالمناسبة القطط اللى بتتربي فى البيت ، المفروض يتعمل لهم عملية علشان موضوع الخلفه دة
مينفعش حد يربي قطة وميعملش العملية دي لها ، لأنها مش هتبقي طبيعية وهتعوز تتجوز كل شوية :d
ولو فى بلد اجنبي دي مخالفة وضد حقوق الحيوان.
المهم بعد كدة كل ما تفكر تشتري قطة ، اتبرع بثمنها لأي حد فقير. ومفيش قطط تاني تدخل البيت ^^.
لا إله إلا أنت سبحانك ، إنى كنت من الظالمين
اللهم إغفر للمؤمنين و المؤمنات الأحياء منهم و الأموات
لا إاله إلا الله عدد ما كان وعدد ما يكون وعدد الحركات والسكون
المفضلات