الموضوع: مشكلة في الريداتير ارجو من الخبراء المساعدة

خلي ميكانيكي يبص عليها ممكن تكون السخونية أثرت على وش السليندر.

ممكن وش السلندر مش مطبع وفيه تسريب بسيط فدا بيخلي الزيت في المياه وبيكون عامل زي الطحينه بس ياريت تخلي عينك علي الحراره في كل مشاويرك وشكرا

المشاركة الأصلية كتبت بواسطة ramyayash

السلام عليكم ورحمة الله وبركاته
باختصار انا سيارتي كانت بتهرب ماء
ولما هربت ماء سخنت ووبعدين ضبطت مشكلة التهريب والحرارة ضبطت وخلاص
المشكلة الجديدة اني لما باجي افتح غطا الريداتير الصبح بحس ان في ماء بيروح علي اماكن فارغة وبسمع صوت
ولما بعبي ماء بلاقي طبقة دهنية ولو مسحتها علي منديل تلاقي لونها زي الصدا
وريحتها شبه زيتيه
تابعت الزيت يعتبر ناقص حاجة بسيطة
غسلت الريداتير والمشكلة هي هي
الموضوع ده له علاقة بجوان وش السلندر؟
علما بان لا في دخان ابيض بيطلع ولا السيارة بتشتكي من حرارة دلوقتي
احيانا بس لما باجي اشغل السيارة الصبح بحس كانها صوتها مكتوم وهبطانة واول ما ادوس بنزين او استنا ثواني الاربي ام يرفع عادي وتضبط
ايه المطلوب اني اعمله لاني شغلي 30كيلو من بيتي وبروح وارجع 4 مرات يعني كل يوم مش اقل من 120 كيلو وفي ظروف مناخية زي بتاعت السعودية

وشكرا واسف على الاطالة

تأثير الشفط اللى بيحصل الصبح ده دليل على أن دورة التبريد واخده هواء لازم الهواء ده يطلع وانت بتذود المياة وفى عده أماكن بيتاخد منها الهواء ده بتختلف على حسب العربيه وبتوع الرادياتير والميكانيكيه عارفنهم واحد مثلا بالقرب من كوعه الثرموستات وواحد عند مجموعه الخراطيم اللى داخله فى صدر الحوض ( الكابينه ) والتالت فى الرادياتير نفسه فى بعض السيارات انما موضوع تعريق الزيت فى الرادياتير كميه بسيطه حول زور الرادياتير ما تدلهاش اهميه هاتروح مع الوقت اما أذا زادت وتحولت مياه الرادياتير الى حاجه تشبه الطحينه يبقى فى مشكله فى جوان وش السلندر ناتج عن انك مره مشيت بالعربيه وهى سخنه جامد نتج عنه ان جوان وش السلندر ضرب وجايز وش السلندر نفسه يقفع ويحتاج خرط