الموضوع: هل العربيات فيها روح -ماحدش يتريق

ايوه عربيتي فيها روح شريره لما بتغضب مبترحمش
واكلتها المفضله العربيات ١٦٠٠ ---بس طبعا بعيد عن الروح الاشد شر فيsir

المشاركة الأصلية كتبت بواسطة SAMEH_FOUAD

مانت بتأكلها فعلا , البنزين دة اية مش اكل للعربية عشان تتحرك

فعلا بتاكل بنزين و بتشرب ميه و بتحبس بالزيت

المشاركة الأصلية كتبت بواسطة abou-yahia

معتقدش فيها روح

لاكنها ليها كينونه

بمعني الخشب نفسه مفيهوش روح لاكن لما يتصنع منه تربيزه

اللي هيه معموله من الخشب اصبحت بذاتها شئ ليه كينونه

حقول علي فهم ليه لحاجه

واتمني حد متعمق يفسرها اكتر دينيا

في سوره الكهف : (فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لاتَّخَذْتَ عَلَيْهِ أَجْرًا )

الجدار هنا ليه ذاتيه وليه كمان اراده فعل

الجماد بيكون ليه ذاتيه لما يكون شيئ

هذا فهمي

وشكرا

بس فعلا فيه بعض الجوامد بيختلف استجابتها للاوامر طبقا للظروف المحيطه
عربيتي التيوتا القديمه مثلا - كنت كل لما اتكلم عن العربيات الجديده و انا راكبها الاقيها تانى يوم تعطل - و اعطال غبيه
الحكايه دى حصلت بجد معايا 5 او 6 مرات لغايه لما بعتها

المشاركة الأصلية كتبت بواسطة canner

انا بتاعامل مع العربية بتاعتى على انها كائن حى بالفعل و مسميها فسدقة و كل يوم الصبح بقولها صباح الخير يا فسدقتى و بالليل تصبحى على خير يا فسدقة و متهيألى كتيييييييييييييييييييير جدا بيعملوا كده و خصوصا المصريين علشان العربية عندنا بتيجى بطلوع الروح فبتبقى عزيزة على الواحد و بيسميها و بيكلمها و ناقص يأكلها كمان

انا بعمل زيك بالظبط - بس مسميها المعلم عتريس العتره

المشاركة الأصلية كتبت بواسطة speed_magnum

افتكر عربيتنا البيجو 504
كنا بنسافر بيها العريش واسكندريه وبور سعيد باستمرار وعمرها ما زعلتنا في يوم
ويوم لما والدي باعها ...... و للمره الاولي من يوم ما جت تعطل وما ترضاش تدور ... فعلا علي مدي سنوات عمرها ما هانتنا كانت المره الاولي اللي تعمل فيها كده
ما هي العشرة مش سهله يا جماعه

نفس موديل عربيتنا برضه - اللى يوم وفاة والدى عداد السرعه بقى بيترعش و العربيه بقيت متلته مره واحده
هى 504 كلها كده لا ايه
بس اخويا لما حب يبيعها بعد وفاة والدى انا اللى رفضت و بعت عربيتي و اخدتها انا - اصلها عشره 30 سنه برضه علشان كان والدى جايبها زيرو