الموضوع: حد يساعدني ضروري عشان حاسس اني اضحك عليا

المشاركة الأصلية كتبت بواسطة mazen234

انا ساكن في الهرم يعني تبع مرور فيصل
المهم اشتريت مكنه (فسبا) لسه مترخصتش والورق بتاعها عباره عن :
1- عقد البيع بتاع المعرض باسم الراجل برضه
2- جواب من الشركه الهندسيه للصناعات طبعا ده باسم الراجل هغيره لاسمي
3- شهاده بيان ومكتوب عليها موجها الي مرور السلام ومتسجل فيها بيناتات الفيسبا

كده في ورق ناقص؟؟؟؟
وهل ينفع اسجل تبع مرور فيصل عادي ولا ايه؟؟؟ ولو مينفعش اعمل ايه في شهاده البيانات دي وهي شهاده البيانات دي هي الافراج يعني؟؟!!
معلش اخوكم جديد في حوار الموتسيكلات ده

معلش علشان نفهم بس .. انت اشتريتها من صاحب المعرض نفسه ؟؟
ولا اخدتها من واحد اشتراها من معرض والفيسبا طلعت باسمه ؟؟

المشاركة الأصلية كتبت بواسطة dxt

معلش علشان نفهم بس .. انت اشتريتها من صاحب المعرض نفسه ؟؟
ولا اخدتها من واحد اشتراها من معرض والفيسبا طلعت باسمه ؟؟

انا مشتري المكنه من واحد اشتراها من المعرض بس هو مكنش لسه رخصها يعني معلقش نمر اصلا فابالتاكيد الورق باسم الراجل اللي اشتراها من المعرض

المشاركة الأصلية كتبت بواسطة magic_rock

بص يا سيدى الفاضل انا هجبلك من الاخر عشان متلفش حولين نفسك المفروض حضرتك بتدى الراجل صاحب المعرض صورة بطاقة ليك وبتكتب عليها المرور اللى حضرتك تابع ليها ومرور السلام دا انت مش تبعو ونصيحة من اخ ابعد عن مرور السلام حتى لو باى شكل اوسخ مرور على مستوى المحافظة كلها كل حاجة برشاوى وزحمة ومواظفين مقولكش يعنى المهم انت تقول لصاحب معرض انا عايز ورق يروح على المرور اللى انا تابع ليها وانك مش تبع مرور السلام عشان مدبش مشوار وخلاص تجيب شهادة بيانات موجهة للشهر العقارى علشان تروح تحول من توكيل الى عقد بيع لنفسك عشان دى هتاخدها معاك المرور ومهمة جدا وبعدين فين صورة الافراج عشان اصل الافراج بيروح المرور مرور الدراسة الاول عشان دى الام وبعد كدة بيروح المرور اللى انت تابع ليها وحضرتك بتقول عقد البيع بتاع المعرض باسم الراجل برضه ازاى دى قولو انا عايز توكيل يحق ليك البيع والترخيص ومعروفة كل دا باسمك انت والورق يروح المرور اللى انت تابع ليها عشان صاحب معرض دا بيشتغل نفسو وهيريح دماغو وانت تلف حولين نفسك روحلو وقولى قالك اى وانا هبقة اقولك ازاى ترخص ف المرور وتحت امرك ف اى حاجة .....مصطفى

شكرا للردك بس انا احب اوضح حاجه انا مشتري المكنه مستعمله بس معلقتش نمر لسه يعني صاحبها اللي اشتراها من المعرض مرخصهاش وانا اشتريتها منه فابالتالي الورق باسمه
الورق عباره عن عقد البيع بينه وبين المعرض ده
وجواب من الشركه الهندسيه للصناعات باسم الراجل اللي انا مشتريها منه بالتاكيد
وفي شهاده كده مكتوب عليها شهاده بيان افراج جمركي فيها بينات المكنه كامله وفيها برضو موجه الي مرور السلام فانا مش عارف اصلا الشهاده دي هو واخدها من ضمن الورق بتاع المكنه من المعرض اساسا ولا دي جايبها منين
يعني اللي عاوز افهمه انا لما هرخصها باسمي كاني اول مشتري بروح بأيه المرور (مرور فيصل) وهل هحتاج شهاده البيان دي ولا بروح بالجواب فقط بعد تغييره باسمي ولو هروح بشهاده البيان دي ايه قصه موجها الي مرور السلام (ازاي اخليها مرور فيصل)
وشكرا جزيلا ليك

والراجل ده معمليش توكيل اصلا ياجماعه انا مجرد اني دفعت الفلوس ليه وخت الورق ده وكتبت عقد علي ورقه عاديه خالص عشان المكنه اصلا معلقتش نمر فاهعمل توكيل بأيه؟؟؟؟