مشكله في دوران العربية ارجو المساعده

**Ahmed_21583** · 24-04-2013 07:15 PM

السلام عليكم ورحمة الله وبركاته
ياجماعه انا الموضوع دا حصلي اكتر من مرة وبصراحه مزهقني من العربية جامد
المشكله ان العربية ساعات وعادة لما بكون مشغل التكيف اجي ابطل العربية بعد ما اطلع المفتاح من الكونتاكت وخلاص الموتور بيبطل تلاقي صوتها علي كانها هدور تاني وبعدها تبطل والصوت دا بيحصل مع رعشه كدا في العربيه وهي واقفه بعدها العربيه مدورش بالمفتاح ابدا لازم بالزق او اسبها لما تبرد خااالص يعني بعدها كدا ب ست سبع ساعات المهم روحت لميكاكنيكي قالي في مشكله في شاكوش الديلكو وغيرته بعدها العربيه بقت كوسه شويه لكن برضو حصلت تاني مش عارف المشكله دي من ايه
اسف علي الاطاله بس اللي قابل مشكله زي دي ياريت يفيدني

[justify]وشكرا لكم جميعا[/justify]

**محمد طايع** · 24-04-2013 07:28 PM

المشكله الى بتحصل معاك بعد ما تبطل العربيه معناها ان الكهربا عاليه ( كهربة الأسبراتير )
شوف ميكانيكى تانى يكون كويس وخليه يظبطلك الكهربا ولو فيه مشكله فى الأسبراتير يعالجها

**Ahmed Amin** · 24-04-2013 07:51 PM

ف الغال مشكلة كهرباء زي ما أستاذ محمد قال,, كمان ممكن تكون سخونية أبداً بالكهرباء وبص عال رادياتير ودورة التبريد.
ولو مؤقتاً عايز تبطلها من غير ما تسمع الصوت دا والرعشة دي لحد ما تحل المشكلة
لما تركن وتيجي تبطل العربية لو مانيوال أركن عادي وقبل ما تشيل المفتاح من الكونتاك
وانت ممور العربية دوس دبرياج وأديها الغيار التاني أكنك هتطلع بيها ودوس فرامل كويس أوي بعدين شيل دبرياج مرة واحدة.
هتبطل منك من غير حركة الرعشة دي ولا احساس انها هتدور تاني المتعب دا.. ;)