الموضوع: الفرق بين فلوينس خليجي كوري وفلوينس تركي مصري الشكل الجديد 2013

نصيحتي ليك اشتري عربية في منها في مصر عربيات كتير
وخليك مع عربية اجيالها ماشية في مصر ...

المشاركة الأصلية كتبت بواسطة ashrofa72

احلى تحية لاحلي منتدي...
الفكرة اني مازلت متردد في موضوع شراء رينو فلوينس الفيس لفت الجديد 2013 الخليجي كوري حيث انني خايف من موضوع ان العربية مختلفة في مصر وخايف اخد القرار واندم فى مصر من ان العربية مختلفة وقطع الغيار والكلام ده رجاء من اللى عنده معلومات عن تشابة قطع الغيار فى العربيتين يقولى على معلومة مفيدة قبل اتخاذ قرار الشراء حيث اننى مقيم في الخليج....
وطبعا في عربيتين اخرين فى المقارنة ( اوبل استرا 2013- وفورد فوكس 2013- سكودا اوكتافيا 2013) رجاء المساعدة فى افضل وحدة فى الثلاث عربيات دول من حيث قطع الغيار وتكاليف الصيانة فى مصر.....
لان انا نفسي اركب اوروبي بس عاوز اتخد القرار الصح..... وشكراً جزيلاً

السلام عليكم اخوك جمال شغال فى السعودية واشتريت فلوانس خليجى منذ شهرين الفيس القديم لان الجديد نزل بعد ما اشتريت وانا بشترى عارف ومتاكد ان الفيس ليفت اللى نازل فى مصر هو نفس الموتور والفتيس اللى معانا هنا فى الخليج كل اللى هيكون مختلف هو الاكصدام الامامى فقط وده حتى ممكن يتغير بالشبة والفوانيس بتاعته والعربية مش هتندم انك اشتريته وخصوصا ان سعرها ممتاز بالخليج كمان لو انت قاعد شوية فى الخليج على الاقل حتى لما ضمان السيارة يخلص يبقى متقلقش لما تنزل مصر اى مركز صيانة يقدر يشتغل فيها لانها ماتور وفتيس التيدا لاتقلق وتوكل على الله

[QUOTE=ashrofa72;3874951248]اولا اهلا وسهلا بيك يا استاذ جمال
ثانيا بصراحة انا عجباني الفلوينس جدا فيها مميزات مش موجودة في باقي العربيات الاوروبي
ثالثا يا ريت تقولي يا استاذ جمال عن التكيف ايه اخباره واداء العربية بشكل عام خاصة اني انا معايا ياباني وشكرا
رابعا انا موضوع اختلاف الشكل ده اللي مخوفني[/QUO
اهلا بيك ياباشا فعلا العربية ممتازة واوبشن جامد وبالنسبة للتكيف ممتاز جدا ميفرقش بالنسبة لى عن اليابانى انا هنا ركبت نيسان التيما وكرولا وكامرى وياريس ميفرقش حاجة عنهم لانه زى ما قولتلك هنا الموتور والفتيس والتكيف يابانى بتاع النيسان التيدا وحسب معلوماتى السنة دى الفيس ليفت اللى نزل مصر هو نفس الموتور والفتيس اللى بينزل الخليج واعتقد مادام الماتور والفتيس هو بتاع نيسان يبقى اكيد التكيف كمان بتاعهم هو اللى نزل مصر اما بالنسبة لاداء العربية الحاجة الوحيدة اللى تتعبك لو انت حابب السرعة هى فى طلعتها وحشة بطيئة لحد ما تجيب ال60 وبعدها العربية بتختلف معاك كليا وتحس انها عربية تانية خالص والتسارع بيبقى ممتاز والعربية ماشاء الله قوية على الطريق وتحس انك مطمن وانت بتجرى وثبات ممتاز وفرامل فوق الممتازة انا جربتها مرتين فى موقفين مختلفين وكنت على سرعة عالية العربية مخذلتنيش ووقفت بطريقة ممتازة تخيل نفس الموقف حصلى مع الكامرى العربية موقفتش وزحفت بيا وكنت هلبس فى اللى قدامى وعلى اخر لحظة كسرت على اليمين
ربنا يوفقك وابقى طمنا عليك

لاتشترى هذة السياره فالشكل مختلف تماما . كبوت واكصدام وفوانيس جنب وامامى ورفرف وشبكه اماميه وبعدين الجمارك بقت عاليه والسيارات هنا تتخبط وهى واقفه تجيب لها غيار منين ومحدش دائم فى السعوديه النهارده هناك بكرة تكون هنا . خليك فى الحاجات ال التصميم فيها واحد . والعربيات هناك غاليه لما تحسبها بهدف تستوردها لمصر ومالك اول يغرمك لوحدة 3000 ريال دة غير النقل والشحن . اشترى مستعمل وتعالى بلدك اشتريها زيرو اى عربيه

الكلام دة مش مظبوط الفوانيس والرفارف واحدة والاكصدام الجيد ممكن يركب على القديم ودة اساسا مبدأ كلمة فيس ليفت ان ممكن حاجة تتغير فى الشكل انما ممكن تركب على الشكل الى قبله .... بدليل فى السبق فى المرسيدس كان يقول موديل 90 معدل 94 دة معناه ان موتور او سبكة او العتب العريض الى نزل فى 94 صاحبها ركبه فى عربية موديل 90......... وشكرا ويارب اكون افدتك

المشاركة الأصلية كتبت بواسطة raedegypt

لاتشترى هذة السياره فالشكل مختلف تماما . كبوت واكصدام وفوانيس جنب وامامى ورفرف وشبكه اماميه وبعدين الجمارك بقت عاليه والسيارات هنا تتخبط وهى واقفه تجيب لها غيار منين ومحدش دائم فى السعوديه النهارده هناك بكرة تكون هنا . خليك فى الحاجات ال التصميم فيها واحد . والعربيات هناك غاليه لما تحسبها بهدف تستوردها لمصر ومالك اول يغرمك لوحدة 3000 ريال دة غير النقل والشحن . اشترى مستعمل وتعالى بلدك اشتريها زيرو اى عربيه

مع احترامى لحضرتك كلامك مش مظبوط العربية كلها واحد ما عدا الاكصدام الامامى فقط بالشبكة لكن الفوانيس حتى واحد ومن مسئولى الصيانة نفسهم اكدوا ان الاكصدام اللى نزل هنا او فى مصر الشكل الجديد يركب عليه ابعاد السيارة لما يحدث فيها اى اختلاف وحكاية مالك اول كل تكاليفها لم تتعدى 1000 ريال وده عن تجربة فى شهر فبراير الماضى يعنى من ثلاثة اشهر والمثل قالك اسأل مجرب ولا تسأل طبيب ياريت تكون دقيق فى المعلومة وحكاية التكاليف والجمرك ده بيختلف على مدة عمله وبقائه فى السعودية يعنى انا مثلا مش هنزل السيارة الا ان شاء الله بعد 5 سنوات وده هيعملى خصم جمارك مقداره 30% من قيمة جمركها اللى هو هيكون 65% من قيمتها وهنا قيمتها 58000 ريال احسبها حضرتك وشوف العربية فى مصر بحوالى 170000 جنيه