تعديل exhaust system للياريس

**myself112** · 25-04-2013 01:29 AM

عايز اعدل exhaust system بتاع الياريس , يا ريت لو حد يعرف تكلفته و مين احسن واحد بيعمل الشغل ده , يفيدنى .

و بالنسبة لو انا هشترى علبة شكمان حاليا و التعديل غالبا هيبقى بعد فترة , ايه مواصفات العلبة الى هجيبها ؟

**amrrashed** · 26-04-2013 07:31 PM

طب معلش انت عاوز تعمل كدة ليه

**Satan_satan** · 27-04-2013 08:44 AM

بيحسن من اداء العربيه بالنسبه للسحب .. علشان انت بتدى فرصه احسن للموتور انه يخرج ضغط الهواء اللى جواه .. بص هو موضوع كبير علشان تفهمه اكتر لازم تقرا عنه كتير

**Ahmod** · 27-04-2013 02:10 PM

انا عدلت ال Exhaust - Header Back

عند محمد لطفي في عين شمس كلفني 900 جنيه

المواسير عملتها 2 بوصة بس فيه ناس قالتلي انه الاحسن لو كنت عملتها 1.8

بالنسبة لتفاصيل التكلفة

العلبة الخلفية نوع جاسما ب 450 جنيه

فلتر في النص ب 200 جنيه

والباقي مواسير وتركيب وطبعا علبة البيئة اتشالت ومحتفظ بالشكمان القديم

وطبعا فيه تحسن في الاداء على السرعات المنخفضة والعالية !! عزم العربية بشكل عمومي زاد وتاثيرها بالوزن اصبح اقل والاحسن من كل ده انه يكاد يكون مافيش تاثير على استهلاك البنزين !!!

وطبعا لو عايز اداء احسن يبقى لازم تعدل ال Induction/Exhuast

اقصد انك تعدل ال Intake System بالاضافة لتعديل الشكمان عشان تاخد اداء احسن وطبعا الفرق محسوس وملموس

**bmya** · 28-04-2013 11:10 PM

احمود باشا يعني انت عدلت المواسير من بعد الهيدر لكن معدلتش الهيدر نفسه ؟
وركبت ديفل وبس كده؟ طيب الفلتر اللي في النص ده لزمته ايه ؟ والمواسير نوعها ايه مجلفنه ولا عاديه ؟
اصل انا سألت مصن شكمانات في الزقازيق قالي التكلفه هتبقى 450 مواسير مجلفنه من اول الهيدر للاخر طبعا غير بقه علبه الديفل
وكان بيقولي المواسير هتبقى 2.5 بيقولي اللي عندي 2 طبعا انا معايا سيريون مش ياريس بس انت عارف انهم اخوات بقه :)

**Ahmod** · 29-04-2013 04:17 AM

المشاركة الأصلية كتبت بواسطة bmya

احمود باشا يعني انت عدلت المواسير من بعد الهيدر لكن معدلتش الهيدر نفسه ؟
وركبت ديفل وبس كده؟ طيب الفلتر اللي في النص ده لزمته ايه ؟ والمواسير نوعها ايه مجلفنه ولا عاديه ؟
اصل انا سألت مصن شكمانات في الزقازيق قالي التكلفه هتبقى 450 مواسير مجلفنه من اول الهيدر للاخر طبعا غير بقه علبه الديفل
وكان بيقولي المواسير هتبقى 2.5 بيقولي اللي عندي 2 طبعا انا معايا سيريون مش ياريس بس انت عارف انهم اخوات بقه :)

اه يا باشا انا عدلت من بعد الهيدر لكن الهيدر نفسه سبته زي ماهو !!! لان فيه حساس الاوكسجين وفيه ناس كتير مابتعرفش تظبطه !! ؟ وبتلاقيه بهدلك استهلاك البنزين وكل شوية لمبة ال Check engine تنور !! فقلت مش مستاهلة

المواسير والله مش عارف نوعها ايه بس اعتقد عادية !!

انت لو السيريون 1.3 مستحييييل تكون بتنزل استوك بمواسير مقاس 2 بوصة و 2.5 بوصة اصلا ده كتير جدا على ماتور 1.3 او حتى 1.6

اخرك 2 بوصة مش اكتر من كدة !! ده انا فيه ناس قالتلي لو كنت عملتها 1.8/1.75 كان هتديلك اداء احسن !! ؟ هي اساسا استوك هتلاقيها 1.5 ان ماكنتش 1.25 !!!

الفلتر اللى في النص ده عامل زي كاتم الصوت هو فلتر فاضي ومجوف من جوة

وطبعا الديفل لازم علبة استيراد محترمة !! دور على حاجة Jasma / HKS حاجة نضيفة يعني عشان برضوا تظبطلك الكلام ويكون صوتها كويس مش ازعاج عمال على بطال

**bmya** · 29-04-2013 11:56 AM

انا برده مستكتر ال 2.5 دي اوي عشان كده نفضت للراجل ده
هو قالي في نوعين نوع عادي ب 350 ونوع مجلفن ب 450 معرفش بيهرتل ولا ايه

طيب اعرف منين قطر الماسوره الصح عشان معملش حاجه وتطلع مش تمام وتبوظلي عزم العربيه

**Ahmod** · 29-04-2013 12:08 PM

المشاركة الأصلية كتبت بواسطة bmya

انا برده مستكتر ال 2.5 دي اوي عشان كده نفضت للراجل ده
هو قالي في نوعين نوع عادي ب 350 ونوع مجلفن ب 450 معرفش بيهرتل ولا ايه

طيب اعرف منين قطر الماسوره الصح عشان معملش حاجه وتطلع مش تمام وتبوظلي عزم العربيه

ال 2.5 هتبقى كيبرة جدا !! حتى بالشكل مقارنة باللى هتكون راكبة عندك

لكن ازاي تقسيها فعليا مش عارف !!! بس الراجل اكيد مش هيخمك يعني مش هتقول هاتها 2 بوصة وهيجيبلك 2.5 !! ؟

هو اللى اانا اعرفه ان فيه مواسير عادية وفيه مواسير Stainless steel ودي بتبقى اغلى عشان بتتحمل الحرارة اكتر