الموضوع: صيانة 10 الاف - واستفسارات

أنا نسيت الموضوع - وافتكرته دلوقتي - قولت اشوف ليكون بعافية ولا حاجة - الاقي فوق 50 مشاهدة ومحدش عبرني بتعليق صغير - طب كفاية ال خمسة لتر - دي نقطة واضحة - أما من رد - اما من مجيب :) :)

المشاركة الأصلية كتبت بواسطة sh_sunsea

لسه عامل صيانة ال 10 الاف في الميكانيكيون العرب وفي نقاط كتير حبيت اتأكد منها علشان هارجعلهم تاني

اولا- انا واخد 5 كيلو زيت - 4 + 1 - واللتر الي لوحده ده اساسا ب 85 غير ال 10% ضريبة - وكانت اجابتهم ان الاوتوماتيك بتاخد زيت اكتر - الكلام ده صحيح ... !!!

ثانيا - تكلفة الصيانة اجمالا 625 جنيه - رغم غالي جدا ومبالغ فيه جدا بالنسبة لصيانة زي العشرة تعتبر في النهاية بتغير زيت يعني ... !!!

ثالثا - الزيت حاسس انه مالوش لون خالص على مقياس الزيت ولا اللون الذهبي العادي - هل ده علشان مقياس زيت اللوجان اساسا اصفر ولا ممكن في مكان زي الميكانيكيون العرب يغشوا ...!!!

رابعا - حاسس انهم معملوش تربيط عفشة - الفرامل واضح انها متربط عليها - بس العفشة لم اشعر بتحسن فيها

خامسا - لم يتركوا في العربية علب الزيت او فلتر الزيت او اي قطع غيار تم تركيبها

سادسا - سؤال للعلم بس ولغرض في نفس يعقوب - اذا حبيت أغير الماتور بعض عمر طويل - بيتكلم كام تقريبا - خارج التوكيل طبعا

أولاً: معايا مانيوال، فمش عارف كمية الزيت اللى بتاخدها العربية الاوتوماتيك.

ثانياً: افتكر ان الصيانات الفردية كنت باعملها بأقل قليلاً من 500 جنيه.

ثالثا: ما أظنش انهم بيغشوا

رابعاً: وارد انهم ما يكونوش ربطوا العفشة ، ما هو ماحدش شايف حاجة ، أنا فى آخر صيانة اتأكدت انهم مابصوش على التيل لأن رباط غطا الجنط ما اتفكش من مكانه ولازم علشان يفكوا الكاوتش يقصوا الرباط ده.

خامساً: هم بيسيبوا فى العربية بس فلتر الهوا والبوجيهات لما بتتغير.

سادساً : مش عارف

المشاركة الأصلية كتبت بواسطة egyzizo

أولاً: معايا مانيوال، فمش عارف كمية الزيت اللى بتاخدها العربية الاوتوماتيك.

ثانياً: افتكر ان الصيانات الفردية كنت باعملها بأقل قليلاً من 500 جنيه.

ثالثا: ما أظنش انهم بيغشوا

رابعاً: وارد انهم ما يكونوش ربطوا العفشة ، ما هو ماحدش شايف حاجة ، أنا فى آخر صيانة اتأكدت انهم مابصوش على التيل لأن رباط غطا الجنط ما اتفكش من مكانه ولازم علشان يفكوا الكاوتش يقصوا الرباط ده.

خامساً: هم بيسيبوا فى العربية بس فلتر الهوا والبوجيهات لما بتتغير.

سادساً : مش عارف

شاكر جدا ردك الكريم

وتعليقا على النقطة الرابعة - طالما الوضع كده - ليه بيرفضوا انك تدخل مع عربيتك تشوف الي بيحصل فيها

يوم السبت اللي فات مغيرنلي في التوكيل 5 لتر
و التكلفة الاجمالية 610 جنيه و بدون فاتورة تفصيلية و بدون اي اهتمام بعكس صيانة ال 5000 المجانية كانوا مهتمين جدا
هما بيغلوا الاسعار و الاهتمام بيقل ولا ايه !