الموضوع: حسب فهمي - اللي بيدخل لعبة الفوركس حتما هيخسر كل فلوسه اللي دخل بيها

السلام عليكم


أنا عندي معلومات قليلة عن شركات الفوركس اللي بتساعدك في التجارة في الذهب عن طريق الإنترنت

فيه شركة اتصلوا بي كتير وفضلوا يشرحولي - وأحمد الله أني لم أنزلق في هذه اللعبة الجهنمية



الموضوع ببساطة - انت بتشترك بمبلغ ولنقول ألف دولار

يعطوك الصلاحية لكي تشتري ذهب بعشرات أضعاف المبلغ ده - ولنقل مائة ضعف - يعني تشتري ذهب بمبلغ 100 ألف دولار

1- لو الذهب سعره رفع هينصحوك بالبيع عند حد معين وانت لك حرية القرار

هنقول إن الذهب رفع 1 % - وانت قررت تبيع - ده معناه إن معاك 1000 دولار اللي دخلت بيهم - و 1000 دولار مكسب ( اعتبر إن عمولة الشركة داخلة ضمن المكسب علشان سهولة الحساب )

الإحتمال الأكبر إنك هتستمر وهتدخل معاملة تانية بالمبلغ كله ( 2000 دولار )



2- في حالة انخفاض سعر الذهب - سواء انت كنت داخل بألف دولار في البداية - أو داخل بالفلوس والمكسب ( 2000 دولار ) - وفي الحالتين هتكون النتيجة كالتالي: -

لو الذهب نزل شوية صغيره إما إنك تبيع بالخسارة والشركة تسترد فلوسها وانت تاخد ما تبقى من فلوسك بعد خصم الخسارة والعمولة اللي بتتاخد منك في كل معاملة سواء بيع أو شراء وسواء كسبت أو خسرت

أو إنك تنتظر يمكن الذهب يرفع - لكن لو الذهب نزل لحد معين يمثل خطورة إنك ممكن تخسر أكتر من فلوسك - في هذه اللحظة الشركة هتبيع بالنيابة عنك علشان تضمن استرجاع فلوسها ( انت داخل بألف لكن عامل معاملة ب 100 ألف - يعني انت ليك ألف والشركة ليها 99 ألف دولار )


ففي الحالة دي - لو الذهب نزل 0.75 % ( أقل من 1 % ) - الشركة هتقوم بالبيع مباشرة - طبعا انت عامل معاملة ب 100 ألف - والخسارة هتبقى 750 دولار وعمولة الشركة قول 250 دولار - يعني كده أصبح رصيدك " صفر " وكل سنة وانت طيب


ونفس الطريقة لو انت داخل ب 2000 دولار - هيخلوك تعمل معاملة ب 200 ألف دولار - والخسارة هتبقى 1500 دولار والعمولة 500 دولار وبردو رصيدك هيصح " صفر "





يعني في أي معاملة كبيرة ( وده عادة اللي بيحصل لأنهم بيطمعوك جدا ويشجعوك إنك تعمل معاملة بعشرات أضعاف رصيدك الحقيقي )

لو كسبت - ما فيش مشكلة

لو خسرت ( سواء داخل بأصل المبلغ أو بأصل المبلغ + المكسب من المعاملة السابقة " وده غالبا اللي بيحصل مع كل الناس لأنك أول ما تلاقي نفسك كسبت بتتشجع إنك تدخل بملغ أكتر " ) - في الحالة دي هتخسر كل الفلوس اللي دخلت بيها

ويبعتولك شهادة تقدير على حسن التعاون


يعني انت هتستفيد من اللعبة دي في حالة واحدة فقط - إنك تكسب ما تخسرش - وأول ما تكسب تروح ساحب المكسب بره وما تدخلهوش في العملية " وده غالبا مش هيحصل "

أما في أي معاملة خاسرة هتشاهد عبارة ( Game Over )



الكلام يتاعي ده صحيح ولا أنا فاهم خطأ



وعندي سؤال للي جرب الموضوع ده - هل ممكن تخسر وكمان يبقى عليك ديون الشركة تطالبك بيها وتقاضيك عليها كمان - ولا أقصى ما يمكن خسارته هو أصل المبلغ وفقط



تحياتي للجميع







.

الفكرة كلها انك بتبقي سمسار ... الشركة عاوزة تبيع الاسترليني قدام الين ب 153.4 ( عمولة الشركة بتبقي في فرق سعر البع عن الشراء ) الشركة بتيقي مغطيةنفسها بالفلوس اللي انت دفعتها و علي حسب انت في رصيدك قد ايه ممكن يغطي الخسارة طول ما الاسترليني بيقع و لو لسة الاسترليني بيقع لحد ما فلوسك مش هتغطي بيقفل العملية

لكن لو الاسترليني طلع الشركة ملهاش فيه ... حتي لو وصل السعر ل 200

الفوريكس مش لاي حد الموضوع كعلم وخبرة ممكن تكتسب في وقت قليل

اللي مش ممكن يكتسب هو الانضباط و التحكم في النفس ...

لما يجي عليك وقت وتلاقي نفسك بتحلم ان فيه يابانيين قاعدين بيشدوا في الرسم البياني لفوق و ان الانجليز قاعدين بيشدوا لتحت و تصحي من النوم جري تشوف السعر وصل كام ..... اعرف انك مينفعش تشتغل في الفوريكس