الموضوع: كيا سيفيا 2001

يا رجالة السيفيا معروض عليا كيا سيفيا 2001 بسعر 42000 عندي سؤالين بعد اذنكم الاول هل السعر ده عادي ولا ايه انا شايف ان معظم العربيات في رينج 45000
ثانيا ديه هتكون اول عربية و انا خايف من ابعادها لان ابعادها كبيرة فهل هتكون كويسة ولا اشوف حاجة اصغر زي الابيزا و البولو و شكرااا جدااا

حضرتك اهم حاجة هي حالة العربية

موتور - فتيس - عفشة - دواخل فابريكة - فرش داخلي - الكماليات شغالة ولا فيها مشاكل - كهربة العربية مظبوطة ولا محتاجة شغل

اما بالنسبة للسعر انا شايف انه مناسب لان الكل بيطلب سعر مبالغ فيه شوية بس دا يعتبر السعر الحقيق ليها

وموضوع الابعاد دا ملوش اي لازمة خالص حضرتك اي عربية هتركبها رجلك هتاخد عليها وعلى سواقتها مش هتفرق 128 من الانترا او كورولا ف كل الاحوال انت هتحس بابعاد العربية بعد اقل من اسبوع دا لو انت بسوق جديد انا لو بتسوق من زمان يكفيك مشوار واحد بس وتاخد على العربية

ومن راي السيفيا احلى بتكير من البولو والابيزا عربيات كيا حلوة جدا ف قطع الغيار والاسعار واعادة البيع وعمر الموتور والعفشة

اتوكل على الله وخلص فيها بس بعد ما تكشف عليها