الموضوع: احدث طريقه للسرقه الوضوء

الواحد بعد كدة يعمل زى بوحه ( يجيب سلسله كبيرة وقفل ويربطها فى عامود النور ) .
انا بحمد ربنا ان ما عنديش عربيه جديدة او غاليه يعنى الحمد لله الفيات 125 وربنا يدمها نعمه ويحفظها من الزوال .
انا اعرف واحد جارى صحى من النوم الصبح ونازل مالقاش عربيته ( كيا سيراتو برنجانى تحفه ) مش عارف تمنها كام بس طبعا تفصل 7 او 6 من عربيات متواضعه تانيه كانت راكنا جمبها . المهم عمل محضر وخلاص . وبعد اسبوعين الناس كلموة وقالولوا لو عايز عربيتك تدفع 40 الف جنيه . وبعد فصال ومشاورات فى التليفونات استمر لحوالى شهر ونصف قالوا له جهز 20 الف وخليهم معاك واحنا هنتصرف . وفى يوم لاقاهم بيتصلوا بيه وبيدوله ميعاد كمان نصف ساعه على طريق سريع ( شكلهم مراقبينه لانهم كدة عرفوا انه اتصرف وجاب فيات 132 يقضى بيها نفسه ) وفعلا نزل بسرعه واخد واحد معاه وراح . كلموة على الموبايل وقالوا له انزل من عربيتك وكلمنا وانت بتكلمنا اهو عربيتك هتعدى من جنبك . وفعلا عربيته عدت من جنبه بمتر واحد وهما معاة على التليفون . قالوا له اصبر عربيتك هتلف فى اول دوران وهتبقى تعدى الشارع وتاخدها و بسرعه لاقى عربيه تانيه وقفت ونزل منها ناس ( بالسلاح ) بيطالبوة بالفلوس . قالهم لما تيجى عربيتى هددوة بالسلاح وقالوا له احنا لو مش عايزين نرجع العربيه مكناش كلمناك . اداهم الفلوس وطلعوا جرى وهو واقف يستنى عربيته تلف فى اول دوران وتيجى الناحيه التانيه من الطريق . ومن ساعتها وهو بيستنى .
العربيه و 20 الف جنيه . ودلوقتى راكب الفيات 132 بقاله 6 شهور .
ربنا يسترها معانا كلنا . بس اللى يزعل ان فى اوروبا والدول المتقدمه لما يبقى فى فيديو زى دة بيبقى سهل التعرف على الجناة . يعنى انا عرفت اننا بندور على اتنين ( الطول والهيئه والجسم كان ظاهر ) وكمان واحد فيهم شعرة طويل والتانى بيلبس كاب ستايل احمد بدير ( flatcap ) وبيشرب سجاير ( وكمان ممكن تكبير الصورة على شاشات وبرامج خاصه ) وعارفين انه فى شارع كذا يبقى ندور على حبسجيه وبلطجيه الحتت دى واللى ليهم سوابق سرقه سيارات . وكدة . وكمان ممكن رفع بصمات من على الكولدير مثلا .
لكن دة مش فى مصر . هو انت عايز النيابه والمباحث تتحرك وييجى خبير بصمات بجلاله قدرة علشان سرقه سيارة مواطن عادى ؟ تمنها كام يعنى 20 الف ؟ طز . هو احنا هنعين لكل حرامى ضابط مباحث ؟ كبر مخك .
للأسف هو دة الوضع الحالى .

اشكال عايزه الحرق والله , نفسى اقفش عينه من دول :@:@

حسبي الله

فعلا ما بيتوضاش دا بيستحمى على بيشرب ميكس كده لزوم مراقبة الطريق لغاية ما يفضى