الموضوع: عربيتي عينيها اتفقعت

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات
بعد التحية،
كفانا الله واياكم شر الطريق وحفظكم الله

طبعا زي ماهو باين من العنوان
عربيتي اتعورت

اميارح وانا راجع من الشغل بليل بقلب نور - حسيت ان الدنيا ضلمة وان في حاجة غلط
جيت ورا عربية راكنة وروحت مديها أختبار

صُعقت !!!

عربيني بعين واحدة

الحمد لله علي كل حال
بس انا عندي مشكلة

اللمبات اللي راكبة دي - كانت جايالي مع الكشافات (الفوانيس) لما اشتريت فانوسين استيراد
ومقاس اللمبات دي 55/60
وانا للأسف بحب التزم بشغل الفبريكة بتاع الخواجة
لأني كمان عارف اني لو زودت جهود اللمبات - دة ممكن يتسبب في حرق دراع النور

فتفكروا يا شباب، هلاقي لمبات بالمقاس دة في السوق؟؟؟
وهل لو لقيتها - هلاقيها اصلية ؟؟ زي تونجسرام واوسرام والماركات الحلوة بتاعة زمان دي ؟؟؟
ولا هلاقيها صيني وشهر ولا اتنين وهتتحرق ؟؟؟

انا الحمد لله بفضل الله - النور الواطي low beam شغال تمام - مشكلتي مع العالي high beam

ياريت اللي غير قريب يقولي جاب نوع ايه - وبلد المنشأ ايه ؟

ولكم مني جزيل الشكر ووافر التحية

والله المستعان
،
،