الموضوع: ما يطلبه الاعضاء من تيم نيسان عند زيارة مودرن موتورز الثلاثاء القادم

المشاركة الأصلية كتبت بواسطة m.ghanem

اقولها لك يا صديقى بصراحة
انا لو حبيت اروح لمركز خدمة ما
شوف انا هاكون عاوز اية من المركز
عشان تعرف طلباتنا

اولا عاوز اعرف الطريق الية رقم واحد وازاى اميز الطريق

انت لو تقصد العنوان .. مودرن له فروع كتيرة فى مصر .. فرع ابو رواش بعد بنزينة الامارات اللى قبل كارفور مصر اسكندرية .. بتلاقى بنزينة الامارات وتكسر يمين بعدها مفيش 400 متر وبتلاقيه
وفى فرع فى الدقى .. عند مقار .. وعند المرور .. وفيه فرع عند الهايكستب .. وفى فرع فى اسكندرية فى الحضرة .. وفى شبين الكوم


ثانيا عاوز اعرف كيفية عمل الصيانة الدورية عندهم وامكانياتهم من الادوات لعمل الصيانة
الادوات تعنى الاجهزة التى تستخدم فى العمل ومدى تطورها لكشف العيب

ده حنعرفه بكرة باذن الله .. ونشوف تجهيزاتهم

ثالثا المشاكل الفردية مثل سمكرة /بوية/خلافة لاتكون فى الصيانة ولكن امكانيات المركز تعملها
طبعا هذا سيكون مجهود منكم ياريت تشرحة لنا ومدعوم بصور

حنحاول بقدر الامكان نصور كل اللى حنشوفه .. ولكن احنا مش حنجرب حاجة .. اللى بيجرب الصيانة والسمكرة وكل حاجة هو انتم .. وبنعرف ده وبنحكم عليه من تقاريركم .. اللى بنتمنى انكم مش تبخلوا علينا بيها

رابعا بالنسبة للاكسسوارى المتاحة عندهم عشان نتعرف عليها

اكيد باذن الله حنشوف الموضوع ده .. كدا كدا من فترة متكلم معاهم فى تجديد العرض للاكسسورات .. وهما متفهمين وموافقين .. فاضل بس نتكلم فى التفاصيل .. واكيد الخصم على الاكسسورات مش حيكون اقل من 15 % باذن الله
وحنعرف الاكسسورات اللى عندهم بكرة ايه .. ونبلغكم فيها فى موضوع منفصل

خامسا ما هى الميزات التى ستعطى لاعضاء نيسان نيل موتور

خصم على الاكسسورات .. وحنشوف حنقدر نعمل حاجة تانية ولالا .. بس غالبا حيكون صعب بس حنحاول

سادسا تكوين المبنى والاماكن الخدمية هناك والترفيهية لحد استلام العربية

هو مبدئيا اللى اعرفه ان فى مكان استقبال كبير مجهز بشاشات تليفزيون .. ولوح زجاج بتشوف فيه صيانة العربية .. وفيه انترنت .. وفيه كراسى مساج كمان

معلش لا تزهق منى اصلى انا كدة واضع نفسى جوة المبنى وبتخيل اللى عاوز اشوفه يعنى شكلكم هاتعملوا تقرير مفصل عن المركز

ان شاء الله ربنا يقدرنا ونجيب التفاصيل .. اما بقا التجربة العملية حتكون ليكم

اخيرا انا عارف ان دة مش سؤالك
انت عاوز تعرف اننا عاوزين اية من المركز من المشاكل

ارجو منك بالنسبة ﻷسؤال بتاع حضرتك
ما اعرفة والبعض يعرفة بدون القاء التهم
ساقولها بصراحة
البعض يعلم ان هناك بعض المراكز لا تعمل صيانة جيدة ولكن عندهم اكسسوارات للسيارة كويسه
عاوزين من حضرتكم تذيحوا الستار عن هذا القول بتقرير حيادى بالاضافة لسؤال هام ويمكن انتم تعلمونة وهو ان مراكز بتنمع بعض الاكسسورات عشان الضمان
ومراكز بتبيعها و لا تخرج من الضمان السيارة ويقال ان المركز يضمنها طب انا لو غيرتهم ورحت مركز لا يضمنها يبقى فى مركز يضمن واخر لا
عاوزين هو كدة اصلا فى مشكلة للسيارة او لا

اللى فهمتوا من استفسار حضرتك
موضوع الاكسسورات والضمات عليها انا اتكلمت فيه فى المشاركة السابقة لعضو سال سؤال بنفس الطريقة

اما بخصوص التقرير الحيادى وتفاصيل المركز والصيانات

اولا ومبدئيا .. صعب اننا نحكم على سير العمل من ناحية التجربة العملية .. لاننا مش راحين نعمل صيانة .. احنا رايحين نشوف سير العمل والاجهزة والمركز فاكيد الانطباع اللى حنشوفه مهما كان كويس او لا .. غير التجربة العملية

حضرتكم بقا اللى تروحوا وتجربوا بعد كدا وتشوفوا وتقولولنا الانطباع فى عمل الصيانات

لان ممكن اشوف مركز خدمة مجهز باحدث الاجهزة .. وارجع اكتب لكم .. وبعد كدا لما تروحوا تعملوا صيانة تلاقى ان الصيانة متمتش كويس .. فاوقتها حتقولولنا ايه ده .. انتوا قولته وقولته .. وهنا فى ناس بتمسك فى الكلام اوى .. وقاعدة بتتصيد وانتوا عارفين .. وحتقولولنا انتوا قولته ان المركز كويس وجميل وتمام .. وكلامنا دعاية

فا احنا دايما بنقول الصح ايه
انكم تجربوا وتقولوا .. وننقد ونشوف اى سلبية نقول عليها .. بدون تجريح واهانة واستهزاء بحد

عشان دورنا ودور تيم نيسان واى عضو محترم .. بيبلغ مركز الخدمة بالاخطاء اللى وقع فيها

وانا عن نفسى .. لو شوفت اى مركز خدمة اخطاء .. ولم يتم اصلاح الخطا مع العميل وكمان والاهم انه متعلمش من خطائه .. هنا انا حقف بشدة وبعنف

فلازم تعرفوا .. ان الزيارة دى عشان نشوف التطور اللى وصل له مودرن .. ونتكلم معاهم فى الايجابيات الحديثة والسلبيات الماضية .. وحننقلكم كافة التفاصيل والاحداث اللى حصلت معانا

وانتم بقا ليكم التجربة الميدانية باذن الله ونتابع مع بعض

اسف للاطالة
ولكن كما قلت لحضرتك هذا ما سوف افكر فيه لو حبيت اروح مركز لنيسان

الرد فى الاقتباس باللون الموف

تحياتى