الموضوع: خلاص زهقت و قربت اتجنن اجيب انهى عربيه فى دول يا رجاله ؟

السلام عليكم
انا عارف انى عملت مواضيع كتير و مقارنات لحد ما زهقت و زهقت الناس منى :b4_611:
بصو يا شباب انا معاى فورد اسكورت 99 و الحمد لله العربيه زى الفل و مش مزعلانى فى اى شئ و بسافر بيها و و اعمل كل الى انا عايزه بس انا عايز اشترى عربيه جديده ولا فيها زيت و لا شحم و لا وقفه عند ميكانيكى و ريح دماغى انا كان معاى جين 2 قبل الفورد بس بعتها لظروف و الحمد لله الحال احسن دلوقتى
انا بدور على عربيه متوسطه الحجم يكون ثباتها كويس و فيها عوامل امان و صيانتها موجوده و اعاده بيعها معقول يعنى ان مش حبيع لا بعد 4 سنين مثلا ان شاء الله بس مش عايز اخصر نص تمن العربيه مثلا

الى انا فكرت فيها كالاتى
1- فيات جراند بونتو اوتو ب 120 فيها ايرباج و اى بى اس و العربيه شكله كويس و شيك
2-نيسان تيدا هاتش 125 نفس موصفات الامان فى الفيات و محرك اكبر
3-تيوتا ياريس ب 132 حاسس انهم كتير الصراحه ممكن اجيب بالمبلغ ده لينيا زى الفل
4-كيا ريو ب 124 بس مفهاش اى عوامل امان خالص
5-هيونداى اى 30موديل 2011 زيزو منيول ب 105و كنت عملت عنها موضوع قبل كده

دلوقتى انا فى حيره شديده اخلى عربيتى و اصبر و طبعا زى ما الكل عارف ان الاسعارفى زياده كل يوم و لا اجيب ايه من دول ؟؟؟؟؟؟

المشاركة الأصلية كتبت بواسطة aliabdo

انا بس ملاحظ ان كل الناس فى مواضيع و مشاركات كتير بترجح التيدا مع ذالك نادرا لما تشوفها فى الشارع ليه بقى ؟

هو قبل زيادة اسعار العربيات كان فيه كذا بديل للتيدا
انما بعد زيادة الاسعار اتوقع للتيدا انتشار كبير
لان دلوقتى اللوجان الاتوماتيك الزيرو ب 95500
والتيدا ب 120 الف اول فئه سيدان وفيها اتنين ايرباجز وفرامل abs+ba+ebd
وخاماتها كويسه وواسعه من جوه
ومرايات ضبط كهرباء وايمو بلايزر
وهيه عربيه يابانى تقفيل مكسيكى
ومزادتش غير 5000 الاف بس
ولو قارنا عربيه فيها نفس الاوبش ن زى الريو هنلاقى ان الريو دلوقتى الهاى لاين مش اقل من 145 الف وهي عربيه جميله طبعاً ولا غبار عليها

وبالنسبه للتيدا نفس الاوبشن اللى فيها هى اللى فى الصنى بس خامات التيدا افضل من الصنى بكثير

وبالتالى التيدا سعر مقابل قيمه وغير مبالغ فى سعرها
زمان كان عندك السيراتو والالنترا بسعر التيدا انما دلوقتى السيراتو والتيدا سعرهم لو هتجيب نفس الاوبشن اللى فى التيدا مش اقل من 170 الف