افيدوني يا خبراء الكريستالة وفهموني....بالله عليكم..

**جيفارا** · 29-04-2013 09:31 PM

ماتور 1.8 gsr اتوماتك ... بيركب ف لانسر كريستالة... هل ده بتاع الميراج؟؟؟؟
ايه المعلومات عنه؟
صوته... اداؤه.... سحب البنزين ...
ده عبارة عن ايه لو سمحتم؟؟؟؟

هل هي دي امكانياته فعلا؟؟؟؟؟؟؟؟؟؟؟؟؟؟؟
Maximum Power: 190HP At 6,000rpm
Maximum Torque: 250Nm At 3,750rpm
190 حصان؟؟؟؟؟
طب لو قدامي كريستالة محطوط فيها الموتور ده متسقط... وفتحة سقف عمولة ... وعفشة سبور...
اشتريها ولا الشغل ده يخلي اعادة بيعها وحش..؟؟؟؟

**جيفارا** · 29-04-2013 09:41 PM

الامكانيات دي طلعت التربو مش العادي.....

**M.Elgergawy** · 29-04-2013 10:26 PM

بص ياباشا العربية طبعا جميله ولقطه بس لو كان فيها موتور 1500 2 كامه كنت انا اخدتها على طول بس الفكرة ان زوزا حاطط الموتور ده عشان بقاله فتره ومش بياع اوي وهو نفسه قال ان حاجته قليله وغير متوفرة انما هي كعربية طبعا هتكون وهم السنين والموتور 145 حصان من الاخر هو مفضي ميراج امريكاني في لانسر 97 بموتور 1800وعلى فكرة موضوع الشقف ميعبش العربية لانها مغيره قشرة والفاهم كويس هيعرف كده حتى كان في مهندس هنا عامل فتحة سقف في جين 2 عند كريم وكان جايب سقف لانوس 2 يعني كمان مش بتاع الجين

**جيفارا** · 30-04-2013 12:01 AM

طيب يا فرحتي وانا راكب حاجة ملهاش قطع غيار....
طب يا باشا ممكن ياخد موتوره 1800 ده ويديني موتور 1500 2 كامة... او لو ينفع موتور لانسر بومة 1600... ويخصم الفرق...؟؟؟
ويا ريت تفهمني تغيير قشرة يعني ايه ؟؟؟
وانا شفت التقرير بتاع الجين... قلبه ميت قوي يعمل ف عربية زيرو كده...
ده انا معايا الكرستالة 14 سنة مش هاين عليا اركب جنوط !!!!!!

وبعدين انت سوسة قوي انك عرفت انها عربية زوزه....

**M.Elgergawy** · 30-04-2013 11:40 AM

الل عايز يركب لازم قلبه يكون جامد
وانا ولا سوسه ولا حاجه !!!
مصر كلها عارفة ان زوزا عامل عربية ميراج 1800 gsr

**emmer** · 30-04-2013 11:52 AM

[QUOTE=M.Elgergawy;3874961637]الل عايز يركب لازم قلبه يكون جامد
وانا ولا سوسه ولا حاجه !!!
مصر كلها عارفة ان زوزا عامل عربية ميراج 1800 gsr [

وانا واحد منهم

**د.أبونضال** · 30-04-2013 12:09 PM

وأنا كمان عارف من قبل ما يعملها كمان لما عمل إعلان وعايز عربية بخمسة وثلاثين ...والعربية ما شاء الله تحفة ... هو كله فكر يبيع ويروح ياخدها ولا إيه .. أصل أنا كمان فكرت

**د.أبونضال** · 30-04-2013 12:12 PM

نسي أقول لك نصيحتي .... ممكن تاخدها وتمشي بالموتور لغاية ما يقرفك غيره ... وبعدين ما فيش حاجة مالهاش قطع غيار على الإنترنت ومواقع الشراء الإلكتروني والغاوي هيركن العربية ويستنى قطعة الغيار على ما تيجي من أمريكا

**yousefsemsem** · 30-04-2013 05:45 PM

العربيه ديه شوفتها علي الواقع امبارح بس من بعد لبعيد هي بسم الله ماشاء الله لو بتفكر فيها ماتتاخرش عن شراها وبعدين قطع الغيار روحله وهو هيجبهالك الا اذا ماعرفش مكنش هيعملها اللي بيخليه يعمل الايفو وبعدين ربنا يبارك في اللي هياخدها عربيه مش هيتسفر عليها جنيه حته للمبه متجدده من كله ومش هيلاقيها حتي ب55 زي ما هو عارض
اما عن موضوع فتحه السقف انا ناوي اعمله باذن الله ومافهوش خوف وكنت بفكر كمان اعمله زي ما زميلنا عمله في الجين تو بس قولت قشره احسن وباذن الله اعمله وربنا يباركلك في العربيه ديه لو خدتها