الموضوع: استفسار عن شوية حاجات في لانسر 98

المشاركة الأصلية كتبت بواسطة ahmed_mega

السلام عليكم ورحمة الله وبركاته

يا جماعة انا كان عندي مشكلة في اويل سيل الكرنك وتم تغيير بواحد تاني بس للاسف مش اصلي ودلوقت بيجيب بس ترشيح بسيط والمهندس اللي غيرلي الاويل سيل قالي ادام العربية مابتجبش زيت تحتها خلاص هو ترشيح طوال مدة الزيت وعمرها ماعملت كده
فكنت عاوز اعرف اجيب الاويل سيل الاصلي منين واقرب مكان ليا لاني من الشرقية وقاعد ف الشروق
وعاوز اجيب طقم سلك بوجيهات اصلي اجيبه منين؟
والمشكلة الاكبر ان العربية نتشت معايا وفجاة راحت جاية واقفة ومش راضية تدور المهم طلعت الموبينة وجريت العربية وهي مركونة اية افضل حل ليا اغير موبينة دلوقت ولا اسبراتير كامل ب 900 جنيه استيراد مع العلم ان الموبينة عملتها معايا قبل كده وغيرت الموبينة بس وطلعت الاصلية
اية دلوقت سبب حرق الموبينه المتكرر ده انا معرفش السبب مع اني محافظ على الصيانات ديما في وقتها ياريت تفيدوني يا جماعة انا حيران وبدات ازهق من العربية واللي بيحصل معايا ده
ومتشكر جدا

بالنسبة لأويل سيل الكنك انت تقصد انهو واحد الامامي ولا الخلفي ؟

لو الامامي فهو ب 50 جنية تقريبا و موجود عنده ورشة المتخصصون او في توكيل قليوب او في الرواس اللي في العبور بس هات رقمة الاول من الدليل و اتصل اسأله

لو الخلفي فهو ب 200 جنية و هتفك الفتيس


بالنسبة لمشكلة الموبينة : انت بترد علي نفسك من غير ما تاخد بالك

يعني ايه !!

يعني انت سلوك البوجيهات اللي عندك يا اما تعبانه يا اما مش اصلي و بالتالي بتحرق الموبينة

طيب هتلاقي سلوك اصلي فين ؟

في نفس الاماكن اللي قولت عليها فوق

طيب الموبينة اتحرقت منك هتعمل ايه دلوقتي ؟

اعمل زي ما انا عملت و خد الاسبيراتير في ايدك و اطلع علي الاميرية ورشة المتخصصون و هيغيرولك الموبينه فقط بواحدة استيراد و يسيبولك الاسبيراتير زي ما هو و يختبروا الموبينة قبل ما تمشي

بكاااااااام ؟ ب 200 او ب 250 جنية بالتركيب

والله اعلي و اعلم