عاوز راى حضراتكم فى افيو 2008

**shshtawy** · 30-04-2013 08:37 AM

عاملة 52000 الف كيلو كاوتش بحاة جيدة الصالون كويس مفيهوش شى غير شوية تظبيطات مش رشة لابرة ولا جوة
بس فيها زيت من فوق التكيهات ومرشح جامد بس انا لقيت المسامير بتاعت وش التكيهات مهوية واكيد هى السبب
انا عاوز رايكم بس هل النوع دا او الموديل دا بيبقى كورى ولا تقفيل مصرى
واية رايكم فى السعر 55000 الف

**zicooo2008** · 30-04-2013 11:08 AM

الاخ الكريم السلام عليكم ورحمة الله وبركاته
اولا استخير المولى عز و جل و تو كل عليه
ثانيا اعتقد ان موديل 2008 كورى و بعدين تقدر تتاكد من المرور من خلال شهادة الافراج الجمركى المجودة فى الملف الخاص بالعربية - روح الوكيل او اقرب مركز صيانة معتمد للكشف على السيارة بالكامل و رفعها للتاكد من سلامة الشاسية و المكونات الاخرى .
ثالثا انا حاسس ان السعر مغالى فيه شويه خاصة ان العربية بقالها سبع سنين انت ممكن تحط الملغ ده فى سيارة جديدة من خلال التقسيط المباشر و ليس البنكى و هتلاقى معارض كثيرة مثل رينو او غبور العربية المجراند عاملة حوالى 80000 الف ممكن تدفع المبلغ ده و تقسط مباشر مع غبور بفايدة حوالى 9 % و ده يجوز و الله تعالى اعلى واعلم و عربية جميع الكماليات و انظمة فرامل و مكونات و دى مش دايع لقدر الله تعالى و لكنه لانى ما بفضلش المستعمل لانى ما بضمنش استعمال حد .
و الله تعالى ولى التوفيق

**shshtawy** · 30-04-2013 01:53 PM

منا سهل اخش فى الجديد بس مش عاوز اخش فى قصص تامين وقرف وحوارات ومش عاوز اخش فى فايدة البنوك لانها فيها شك وحرمانية

**nefary** · 30-04-2013 02:10 PM

في 2008 مصري
تعرفهم من بعض ازاي؟
سهلة جدا
المصري هتلاقيها مرايات كهربا و فيها مفتاح تعديل نور التابلوه و مخادع راس في الكراسي الخلفية و فرش الابواب قماش نفس فرش العربية
من ناحية الموتور هتلاقي الرادياتير الصغير

غير كده تبقى كوري
السعر على ما اعتقد ممتاز لو العربية سليمة . زميلي شاري 2009 مصري ب 60000 . فبريكة برة و جوة . و عاملة 80000 .
بالنسبة للترشيح ده مش حاقة تقلق . مجرد جوان او سليكون مع تحريق عالمسامير .
ركز بس على صوت العفشة . و خاصة من العجلة اليمين قدام مع المطبات لو صوتها عالي يبقى في مشكلة في الاسكترا .
غير كده كل المشاكل بسيطة

**shshtawy** · 04-05-2013 12:47 PM

المشاركة الأصلية كتبت بواسطة nefary

في 2008 مصري
تعرفهم من بعض ازاي؟
سهلة جدا
المصري هتلاقيها مرايات كهربا و فيها مفتاح تعديل نور التابلوه و مخادع راس في الكراسي الخلفية و فرش الابواب قماش نفس فرش العربية
من ناحية الموتور هتلاقي الرادياتير الصغير

غير كده تبقى كوري
السعر على ما اعتقد ممتاز لو العربية سليمة . زميلي شاري 2009 مصري ب 60000 . فبريكة برة و جوة . و عاملة 80000 .
بالنسبة للترشيح ده مش حاقة تقلق . مجرد جوان او سليكون مع تحريق عالمسامير .
ركز بس على صوت العفشة . و خاصة من العجلة اليمين قدام مع المطبات لو صوتها عالي يبقى في مشكلة في الاسكترا .
غير كده كل المشاكل بسيطة

اخد معايا عفشجى وميكانيكى علشان اريح دماغى ومش هنخسر حاجة