الطريق من إسكندرية للعين السخنة ؟؟

**a_hmed** · 02-05-2013 05:09 AM

أنا طالع العين السخنة إن شاء الله من إسكندرية ... عايز أعرف الطريق بالتفصيل .. أنا دخلت على google maps لقيت الطريق 370 كيلو تقريبا .............. أمش صحراوى و أدخل من محور 26 يوليو منه للكورنيش و منه للمحور و بعدين طريق العين السخنة

شوية أستفسارات:

1- الطرق ديه كويسة فى السفر و أمان ولا ايه النظام ؟؟؟
2- وأيه نظام اللجان فى الطرق و الرادارات ؟؟؟
3- يا ريت حد يشرح الطريق شرح تفصيلى ؟؟؟
4- الاماكن الى جوة القاهرة الى هعدى عليها زحمة ؟؟؟ و لو زحمة امتى بتبقى كويسة مش زحمة أوى ؟؟؟

يا ريت حد يجاوبنى على الاسئلة بسرعة وشكرااااااا

**shawkylotfy** · 02-05-2013 06:45 AM

بالنسبة للطريق استخدم خرايط جوجل واحفظة كويس قبل ما تطلع
بالنسبة للجان وارادارات امشى سليم يحتار عدوك فيك
بالنسبة للطرق خليك عاقل ومتجريش علشان ممكن تلاقى مطب الاهالى عملينوا كدة عشوائى وخلاص فى طريق سريع وتاكلة انت ويعطلك فى حتة مقطوعة وكمان خلى باللك من الكلاب الى بتعدى الطريق مرة واحدة لو خبطت كلب هيدمرك الراديتر ويعطلك فى حتة مقطوعة بردة
بالنسبة للزحمة اكيد فى حتت فى الطريق هيبقى فيها ذاحمة لو طالع بالميجان واتزنقت بيها فى زحمة ومشغل التكيف عينك على الحرارة او طفى الكباس لغايت السكة تفتح علشان العربية ما تسخنش.

متجريش
ورحلة سعيدة انت رايح بردة حفلة منير ؟

**شاهين - بنز** · 02-05-2013 09:31 AM

1- الطرق ديه كويسة فى السفر و أمان ولا ايه النظام ؟؟؟

أنا أضمنلك إسكندرية الصحراوي لكن طريق السخنة ممكن يكون أقل أمانا شوية

2- وأيه نظام اللجان فى الطرق و الرادارات ؟؟؟

بص حضرتك حتصفر عداد العربية عند بوابات إسكندرية وحتقابل الردارات الثابتة عند الكيلوهات الآتية :
10 . 32 . 84 . 124 . 151
وعند الكيلو 160 حتكون وصلت بوابات القاهرة أما طريق السخنة مفيهوش رادارات قفل عدادك واستمتع

3- يا ريت حد يشرح الطريق شرح تفصيلى ؟؟؟

حضرتك بعد أما تعدي بوابات القاهرة حتفضل مكمل على طول وحتعدي من تحت المحور وتفضل مكمل لحد أما تقابل نفق وطلعة الدائري يمين النفق حتطلع إنت اليمين عشان تمسك الدائري وحتفضل ماشي 10 كم تقريبا لحد أما تلاقي يافطة دائري المعادي يمين إللي هي بعد نزلة الهرم على طول وحتفضل ماشي 20 كم تقريبا لحد أما تلاقي يافطة العين السخنة يمين يعني حضرتك مش مضطر تنزل القاهرة خالص كله من بره بره

4- الاماكن الى جوة القاهرة الى هعدى عليها زحمة ؟؟؟ و لو زحمة امتى بتبقى كويسة مش زحمة أوى ؟؟؟

لو ماشي في وقت ذروة حتقابل زحمة بسيطة في أول الدائري مش حتاخد ربع ساعة
ولو في أي استفسار أحنا في الخدمة

**شاهين - بنز** · 02-05-2013 09:44 AM

معلش نسيت أضيف وحضرتك راجع إسكندرية بعد أما تصفر البوابات حتقابل الردارات الثابتة عند الكيلوات 24. 55. 77. 113
وأحيانا قليلة بيبقى في رادارت متحركة عالصحراوي
ودي رسمة تقربية للطريق إللي حمشي عليه وحتلاقيني معلمه بالأزرق

**احمد نظمي** · 02-05-2013 10:21 AM

متابع

**moh_elnahas** · 02-05-2013 11:01 AM

شكرا على المعلومات
و طمعا فيكم ممكن اطلب طلب

لو مسافر من اسكندريه الى السويس

**a_hmed** · 02-05-2013 03:36 PM

المشاركة الأصلية كتبت بواسطة shawkylotfy

بالنسبة للطريق استخدم خرايط جوجل واحفظة كويس قبل ما تطلع
بالنسبة للجان وارادارات امشى سليم يحتار عدوك فيك
بالنسبة للطرق خليك عاقل ومتجريش علشان ممكن تلاقى مطب الاهالى عملينوا كدة عشوائى وخلاص فى طريق سريع وتاكلة انت ويعطلك فى حتة مقطوعة وكمان خلى باللك من الكلاب الى بتعدى الطريق مرة واحدة لو خبطت كلب هيدمرك الراديتر ويعطلك فى حتة مقطوعة بردة
بالنسبة للزحمة اكيد فى حتت فى الطريق هيبقى فيها ذاحمة لو طالع بالميجان واتزنقت بيها فى زحمة ومشغل التكيف عينك على الحرارة او طفى الكباس لغايت السكة تفتح علشان العربية ما تسخنش.

متجريش
ورحلة سعيدة انت رايح بردة حفلة منير ؟

شكرا يا باشا على الرد و انا فعلا طالع حفلة منير بس بالجيتز ان شاء الله عشان الميجان فيها حبت مشاكل ..... و موضوع اللجان ده عشان الفيميه فقط :)

**a_hmed** · 02-05-2013 03:39 PM

المشاركة الأصلية كتبت بواسطة شاهين - بنز

أنا أضمنلك إسكندرية الصحراوي لكن طريق السخنة ممكن يكون أقل أمانا شوية

بص حضرتك حتصفر عداد العربية عند بوابات إسكندرية وحتقابل الردارات الثابتة عند الكيلوهات الآتية :
10 . 32 . 84 . 124 . 151
وعند الكيلو 160 حتكون وصلت بوابات القاهرة أما طريق السخنة مفيهوش رادارات قفل عدادك واستمتع

حضرتك بعد أما تعدي بوابات القاهرة حتفضل مكمل على طول وحتعدي من تحت المحور وتفضل مكمل لحد أما تقابل نفق وطلعة الدائري يمين النفق حتطلع إنت اليمين عشان تمسك الدائري وحتفضل ماشي 10 كم تقريبا لحد أما تلاقي يافطة دائري المعادي يمين إللي هي بعد نزلة الهرم على طول وحتفضل ماشي 20 كم تقريبا لحد أما تلاقي يافطة العين السخنة يمين يعني حضرتك مش مضطر تنزل القاهرة خالص كله من بره بره

لو ماشي في وقت ذروة حتقابل زحمة بسيطة في أول الدائري مش حتاخد ربع ساعة
ولو في أي استفسار أحنا في الخدمة

الف شكر يا باشا على المعلومات ديه :)

**شاهين - بنز** · 02-05-2013 03:51 PM

الف شكر يا باشا على المعلومات ديه :)

العفو تحت أمرك وhave fun في السخنة

شكرا على المعلومات
و طمعا فيكم ممكن اطلب طلب

لو مسافر من اسكندريه الى السويس

بعد إذن صاحب الموضوع
حضرتك حتمشي نفس الطريق إللي ذكرته فوق بالضبط الفرق الوحيد إنك بدل ماحتنزل نزل السخنة من على الدائري حتكمل عالدائري بعدها وبعد 13 كيلو تقريبا حتلاقي نزلة طريق السويس وحتلاقي يافطة كبيرة طبعا قبلها