الموضوع: موضوع المساعدين الاماميين

متابع

أنا لسه مغير المساعدين الاتنين للرينو سانديرو بتاعتي من شهر كده
غيرتهم في التوكيل وكان الواحد ب 950 جنيه ( الأصلي بتاع الشركه علي كلام التوكيل يعني )

المهم انا برده سألت بره وكده ولقيت واحد بتاع قطع غيار رينو مشهور في المنصوره عندنا عنده ال2 مساعدين فرنسي علي كلامه برده ب 750 جنيه
قمت اتهبلت بقي وكلمت المهندس بتاع التوكيل هو صديق ليا يعني عن قرب وزعقت معاه
قالي ياباشا مش ممكن . هات المساعدين اللي انت أخدتهم مننا الصبح (القدام يعني ) وتعالي عدي عليا دلوقتي وهنروح سوا للراجل ده ولو طلعوا أصلي زي اللي ركبوا في العربيه أنا هاخدهم وأحاسبك أنا

وفعلا عديت عليه ورحنا للراجل .
المهندس : عندك مساعدين رينو سانديرو ؟؟
الراجل : أيوه
المهندس : أصلي ؟؟ فرنسي يعني ؟؟
الراجل بكل تهكم : أخش أجيبلك الخواجه من جوه !! ولا أوريك امضاء الراجل علي المساعد يعني . بقولك فرنسي
قاله أنا المهندس فولان الفولاني سينيور سيرفيس بروفيدر شركه رينو مصر . فرع العبور
الدكتور مقدم شكوي في الشركه عندنا بخصوص موضوع المساعدين اللي ركبو في عربيته والشركه بعتتني من مصر علشان أحقق في شكوته
الراجل : وشه جاب ألوان وقال اتفضل ياباشا اتفضل
المساعدين اللي عندي تصنيع فرنسي بس طبعا مش رينو واستيراد مصري تعالي شوف
طبعا الكرتونه مكتوب عليها بالعربي وكلام فارغ كده
قالي هات كده يادكتور الكرتونه اللي معاك
لقيتها كلها بالفرنساوي ومكتوب originale de Renault وكده
وراها للراجل قاله لاء طبعا ياباشا ده بتاع بلاده زي الي نازل في العربيه انما اللي عندي تقليد واستيراد وكده

طبعا الحوار دخل علي الراجل .................... علي طول

أنا بصراحه استريحت وهديت وقعدت أتأسف للمهندس زميلي وكده

بس فعلا مش هتلاقي عمرك الأصلي غير عند التوكيل . وهو أغلي من سعره شويه علشان موضوع ال10 في الميه ضرايب دي


برجاء حسن انتقاء الالفاظ حفاظا على واجهة المنتدى ومنعا لتطبيق العقوبات
مشرف ساحة الاوربي
أ2

ياباشا الكرتونه مكتوب عليها أساسا بالعربي
يعني هي فرنسا هتنزل مساعدين بكرتونه مكتوب عليها بالعربي ؟!!
خلاص يعني !!