عايز الكل يركز و هو بيقول رأيه (بيجو 508 - سيتروين ds5)

**Mohamed said** · 03-05-2013 08:12 PM

اولا السلام عليكم . يا جماعه انا ناوى ان شاء الله اجيب عربيه خلال الكام شهر اللى جايين دول و بصراحه محتار اوى مابين العربيتين دول و داخلين دماغى اوى و عايز اللى يفضل واحده على التانيه يقولى ليه و عايز اعرف اخبار التوكيل ايه و يا ريت يا جماعه مايكونش سماعى عشان احنا اغلبية معلوماتنا سماعى. انا عايز عن تجربه. انا استخدامى للعربيه بسيط لان شغلى بره مصر(شهرشغل و شهر اجازه) و بركبها للزيارات و الفسح و المشاوير والسفر و كده. انا معايا التريوس موديل 2008 و عامله معايا 65000 كم فى 6 سنين . شباب محدش يقولى زود و هات بى ام او مرسيدس عشان ده اخرى و كمان محدش يقولى مستعمل عشان مش بحبه. التركيز ثم التركيز ثم التركيز يا شباب دى فلوس ناس. و مشكورين يا شباب على الرد مقدما.

**Mohamed said** · 05-05-2013 11:47 AM

ايه يا جماعه . هو انا جبت سيرة عربيتين مش موجودين فى مصر و لا ايه!!!!

**kazamodia** · 05-05-2013 12:05 PM

البيجو .. كرأي فقط

**horas3000** · 05-05-2013 02:24 PM

هو كعربية ال ds5 طبعا

لكن كتوكيل و انتشار ال 508

**Mohamed said** · 05-05-2013 03:58 PM

انا عملت تست درايف لل ds5 و بصراحه كده كانت حاجه وهميه وعفشتها جميله جدا متحسش بالتكسير بتاع الشوارع و عربيه من جوه و بره قمه فى الشياكه و خاماتها من جوه ممتااااازه بس انا بصراحه خايف انها تكون عربيه فافى اوى يعنى و متستحملش معايا. مش عارف الصراحه. عايز حد يغير الفكره ديه و يطمنى انها عربيه تستحمل.

**mohamed76** · 05-05-2013 04:28 PM

انا شخصيا ما جربتش ولا واحدة فيهم ومرة واحدة بس شوفت البيجو فى الشارع
بس يرجح الستروين عشان هى كومبكت اكتر من البيجو
رغم انى عارف انه لو الحجم مهم يالنسبة ليك هيكون البيجو نمرة واحد
وفى اعادة البيع الاتنين مش عالين بس بسبب الحجم و الشنطة هتكون الافضلية برضه للبيجو

**mohamed76** · 05-05-2013 04:40 PM

انا شخصيا ما جربتش ولا واحدة فيهم ومرة واحدة بس شوفت البيجو فى الشارع
بس يرجح الستروين عشان هى كومبكت اكتر من البيجو
رغم انى عارف انه لو الحجم مهم يالنسبة ليك هيكون البيجو نمرة واحد
وفى اعادة البيع الاتنين مش عالين بس بسبب الحجم و الشنطة هتكون الافضلية برضه للبيجو