مطلوب راى مجرب

**mzein** · 05-05-2013 06:41 PM

اطيب التمنيات بشم نسيم سعيد وبداية موسم الصيف

انا عاوز مساعدتكم فى اتخاذ قرار شراء سيارة من دول

- تويوتا 2007
- النترا 2010
- بى ام 318 موديل من 2003-2005

على فكرة كلهم اتوماتيك والحالة جيدة جدا و اسعارهم متقاربة جدا بالنسبة ليا

انا كنت راكب لانسر كريستالة وما عملتش معايا اى غلطة وكنت مراعيها كل حاجتها اصلى من المصرية ومركبتش فيها قطعة غيار مش بتاعة بلدها وده نفس اللى هيحصل فى اللى هشتريها

بالمناسبة انا فى وسط الثلاثينات و الاحتياجات للسيارة مشواير اسرة بس كتير شوية ممكن فى اليوم اعمل 180كم ومابتزيدش عن مرتين فى الاسبوع وسفر ممكن 3-4 مرات فى السنة كلها مسافات لاتزيد عن 500كم رايح جاى .

انا عاوز راى ناس مجربة الموديلات دى وتعرف مزايها و مشاكلها ولكم الاجر والثواب لانى مش ناوى اغير تانى قبل 4سنين .

**aliabdo** · 05-05-2013 09:00 PM

عن نفسى ارشح لك البى ام و برضو التيوتا كويسه جدا بس فى الغالب حتكون 1300سى سى و الى يفرق بين الاتنين الحاله و السعر بس اعتقد الالنترا صعب تتحط بين الاتنين دول فى المقارنه من البدايه و ربنا يوفقك

**hanyabc18** · 05-05-2013 09:20 PM

السعر كام

**mzein** · 06-05-2013 12:44 AM

شكرا ليك انا ميال للتويوتا

بس حضرتك ممكن توضحلى انت رشحت البى ام قبل التويوتا على اساس ايه من فضلك

**aw2100** · 06-05-2013 01:37 AM

ال bmw افضل سيارة فى الثلاثة عربية فاجرة وثبات على الأرض وقوة شاسية مصفح وصاج تقيل وتسارع مالوش حل الالمانى وبس افضل من العربيات الكورى واليابانى وبصراحة اللى ماركبش عربية المانى ماركبش عربيات وتعمل tuneup للعربية وتجنيط ومبروك مقدما !!

**4fun14** · 07-05-2013 09:27 AM

البى ام الموديلات دى لا تقبل المقارنه طبعا
لكن مستغرب انك بتقول الاسعار متقاربه فالبى ام 318 ف الموديلات دى لن تقل عن 130 الف
عموما من الظلم تقارن اى عربيه بالبى ام