الموضوع: شوية استفسارات من وحوش النيسان

المشاركة الأصلية كتبت بواسطة mostafa.mahran

يا جماعة انا معروض عليا نيسان صنى 2009 مانيوال و بصراحة انا معرفش عنها اى معلومات و حاليا انا معايا اوبل استرا 2000 و عاوز اغير علشان تعبت منى خالص فكنت عاوز استفسر عن شوية حاجات

1-العربية ثباتها اخباره ايه
ممتاز
2- فى مصفحة تحت للكارتيرة ولا مفيش
تقريبا فيه مش متاكد صراحه
3- الموديل ده فيه ايرباج و abs ولا لأ
فيها اير باج واحد فى الex صالون واتنين فى السوبر صالون ويوجد بها abs
4- عداد الحرارة بمؤشر ولا لمبة بتنور
مؤشر
5- الاعتمادية و كترة الاعطال مع فرض الاهتمام و الصيانة المستمرة
عربيه اعتماديه جدا واعطالها قليله ومع الصيانه الدوريه والاهتمام فلن تشعر باى مشكلات
6- استهلاك البنزين اخباره ايه فى السفر و فى الزحمة
معقول
7-العفشة قوية و بتستحمل البهدلة ولا عادية
عفشتها ناشفه شويه مقارنه بالاوبل ولكن ذلك لانها عفشه رياضيه ومصممه لتلائم الطرق بتاعتنا
فالعفشه بتاعتها حماله وقويه لابعد الحدود عن سيارات كثيره وتستحمل
8-أسعار قطع الغيار غالية ولا متوسطة و التوكيل اسعاره مبالغ فيها ولا عادى
قطع الغيار اسعارها معقوله جدا فى المتوسط وغير مبالغ فيها وتوكيلها ممتااااااااز واسعاره عاديه
9-صاج العربية و الدهان و الاكصدامات بيستحملو ولا عاوزين عناية خاصة
بيستحملو والموديل ده صاجه معقول افضل من موديل 2013 بكتيير
10- الصنى ولا الاوبترا افضل مع الاعتبار انى همشى 200 كيلو يوميا فى طرق مش كويسة
صنى دون تفكيير هى الاختيار الانسب
11- العمر الافتراضى للموتور ممكن يوصل كام الف مع تغيير الزيت بدرى و السواقة الهادية
لا اعرف بالظبط العمر الافتراضى للماتور ولكن طالما حضرتك تحافظ على تغيير الزيت فى المواعيد والسواقه الهادئه اكيد هيكون عمره اكثر من 250 الف كيلو
بصراحة الاوبل استرا ممتازة معايا و زى الفل بس خلاص جابت اخرها و عاملة 296000 كيلو
وتحت امر حضرتك فى اى سؤال