الموضوع: # تقرير بالصور لانسر بومة 2013 ستاندرد #

المشاركة الأصلية كتبت بواسطة dr.lancer

أكتر حاجة مضايقانى موضوع مافيش مؤشر حرارة و حطوا بدلهم اللمبتين دول و كمان مافيهاش إنذار!! ياترى ممكن فى صيانة الألف أطلب تركيب أنذار و لا أركبه عند أدريان؟

دعواتكم لى و أى سؤال أنا تحت أمركم.

أولاً ألف مبروك يا باشا علي العربية وربنا يديك من خيرها ويكفيك شرها وشر العين..
ثانيا لو العداد الجديد دا مفهوش مؤشر للحرارة, فانا بقولك وعن تجربة الأنسر مش محتاجة مؤشر حرارة..
ماشاء الله عليها قعدت معانا من 2007 ل 2010 مؤشر الحرارة دايما مظبوط عال نص. لا بيزيد شرطة ولا بيقل شرطة.. فمكنش ليها لازمة قد كدا.
إلا لو لقدر الله حصل حاجة في دايرة التبريد, ساعتها هتنور لك لمبة ف الطابلوة أن فيه مشكلة ف التبريد أو في سخونية, فمتقلقش من موضوع المؤشر دا مش هيضايق ولا يأثر ف حاجة.
لأني في خلال 3 سنين و6 سنين تانية ف عربية عمي بومة لحد دلوقتي المؤشر دايما عال نص, يعني مش بتبص له, كنا بنبص بس علي عداد البنزين اللي تحتيه لانه هوا اللي بيتحرك.
فتبديلة بلمبة تنور ف حالة حدوث تغير ف درجة الحرارة, فكرة مش بطالة.

العربية من أحلي العربية اللي ركبتها ف حياتي سواقة وجري وثبات وتحكم,
ربنا يبارك لك فيها,
وبخصوص الأنذار ممكن تركبة بس الأفضل في التوكيل متخليش حد يعك لك من برة
والانسر كلها بتنزل بأميوبليزر يعني مش هتدر من غير مفتاحها ومتقلقش من الناحية دي برضه انت مش محتاج أنذار في الغالب, بس لو حبيت تركب سرينة عليك وعلي التوكيل لو أغلي شوية بس العربية لسه جديدة ومتخليش حد يلعب لك فيها, وربنا يبارك لك فيها تاني..