اللوجان مش عايزه تدور

**faragelo** · 07-05-2013 11:48 PM

بعد ما عملت صيانة ال 40000 كم. فجأة تانى يوم الصبح جيت أدور العربية ما دارتش والعداد اتصفر...بطلت و دورت تانى برده مادرتش...تالت مرة دارت....روحت الشغل وجيت و لسة نفس الحوار.....أخدت الافوميتر و روحت أقيس الفولت لاقيت الاتى:
1- قرأة الافو و العربية مش دايرة كانت 15 فولت على البطارية
2- قرأة الافو و العربية دايرة (نتيجة الدينامو) كانت 17 فولت

ممكن حد يقوللى فين المشكلة....مع العلم

كلمت التوكيل و قاللى ده عيب بطارية ...بس طبعا من غير ما يشوفها...فانا عايز اتأكد انه مش عيب دينامو......مع العلم انهم غيروا البوجيهات فى الصيانة دى واكيد طبعا فكوا كابل البطارية السالب

**hassaan** · 08-05-2013 12:02 AM

حصل معايا نفس المشكلة النهاردة والتوكيل قالي انو عيب بطارية برضو روحت لكهربائي سيارات قالي لا دة عيب مارش لازم يتنظف او يتغير ... لم اشوف اروح بكرة التوكيل او هروح لكهربائي سيارات تاني علشان اتاكد

**medo_fam** · 08-05-2013 12:09 AM

زقها وجرب او خد وصله من بطاريه تانيه او شيل البطاريه واشحنها على زنجر عند اى كهربائى
وجرب لو دارات يبقى خو عيب بطاريه
وانا لسه حاصله المشكله دى عندى وطالما بتقول ان العداد صفر يبقى بنسبة 95 % عيب بطاريه

**faragelo** · 08-05-2013 12:39 AM

هو طبعا العداد بيتصفر......

بس يا جماعة ماحدش علق على القرايات اللى انا كاتبها....هل هى مظبوطة؟؟؟؟؟

**georgedada82** · 08-05-2013 02:09 AM

العدادات صفرت يبقي الكهربا فصلت خالص لدرجة ان حتي الكمبيوتر معندهوش كهربا ليحتفظ بالبيانات ... بنسبة مؤكده هي بطارية

**faragelo** · 08-05-2013 03:44 PM

طيب ماهو الفولت اللى بتخرجه البطارية عالى ...يبقى إزاى نامت!!!!!

**mohmmedzohier** · 08-05-2013 07:15 PM

المشكله اللى عندك دى ان البطاريه نامت بس

قصه القريات دا عيب الدينامو شحنه زياده وبيبوظ البطاريه

تصفير العدادت دا غريب اوى لان العيب دا عندى ولما روحت التوكيل مستغربين اوى ومعملوش حاجه

على فكره لو شيلت كابلات البطاريه وحطتطها تانى العدادات مش بتصفر ولما قولت للتوكيل كدا قالى لازم تصفر ولما دخل للمهندسين جوه قالولوه لا مش بتصفر

وفى واحد معانا عنده القصه دى وراح الميكانكون العرب وقالوا حلينها بس معرفش من ايه

وواحد تانى دور العربيه وطفها مرتين العدادات اتصفرت

+ انى بلاقى عداد السرعه وعداد rpm فيه نتشه بيبفى على 100 مثلا ينزل 90 ويعلى تانى على 100فى لحظه

نصيحه خلى بالك التوكيل عايز يقلب وخلاص

يعنى يلصم لحد ما تطلع من الضمان وبعد كدا هيقولك العيب الينامو

الاستراد بس 1000 جنيه

ياريت تقولنا عملت ايه ولو روحت التوكيل قولهم على تصفير العدادت دا وقولهم دا من قبل قصه البطاريه

وربنا يسهلك

**hassaan** · 08-05-2013 08:51 PM

علي فكرة انا كلمتهم علي تصفير العداد والساعة كمان اتعملها ريسيت قالي 90% بطارية ... وفهمتة لو بطارية تنام خالص والمرايا الزجاج لونها اخضر مش اسود برضو مفادنيش قالي لازم تيجي التوكيل فيا ريت اللي يوصل لحل يفهمنا

**Land_Cruiser** · 08-05-2013 09:06 PM

رأيي اكشف علي اليطاريه عند بتاع بطاريات امين و هو هيجرب مع تشغيل الانوار و مع الضغط علي دواسه البنزين و يشوف لو فيها ربع ضارب مثلا و لا سليمه فلو كانت سليمه ابقي روح التوكيل ساعتها أما لو كانت في طريقها للتلف ابقي اشتري واحده زيها او نفس الامبير من بتاع بطاريات مش التوكيل لأن السعر في التوكيل مبالغ فيه بلاشك و ده في كل التوكيلات مع ان البطاريه مفيهاش فن و بتيجي بضمان لوحدها يعني ملهاش دعوه بالعربيه و بالتوفيق