المصيبه الكبرى من دايمون ابو رواش

**szaghloul** · 08-05-2013 05:01 PM

السلام عليكم
استكمالاً لموضوع مركز دايمون ابو رواش اتضح ان المهندسين مش عرفين سستم عمل جهاز الانذار ولا الفيوز بتاعه فين والفنيين كتر خيرهم هم اللى عارفين والمشكله لما تسأل الانذار مش بيشتغل وهو على اعلى حساسيه يقولوا اصله عايز خبطه جامده يعنى علشان يشتغل عايز قطار يخبط العربيه طب عايزين نسكته يقولك افتح الاول وبعدين اقفل يعنى الحرامى يخبط العربيه فانت تفتح يخش وبعدين تقفل عليه مصيده محترمه تمنها 144 الف جنيه . وبعد مناهده وقرف قالو خدو الفلوس بس من غير المصنعيه علشان الناس تعبت فى التركيب والفك وكام مصنعيه 300جنيه لا والف لا مش حاسيب المركز ده الا لما اخد حقى وانا نازل القاهره اعمل محضر بحماية المستهلك وقسم الشرطة التابع ليه المركز وحارفع قضية مستعجله عليهم اللى مش عارفين يجيبو اجهزه محترمه ويارتنى كنت جبت عربيه تانيه كامله وبسعر اقل والماركات كتير بس اهى مره وعدت.........

**manfromegy** · 08-05-2013 05:23 PM

بص ياباشا الجهاز نوعه جمني و إيطالي و موديله 822 أعتقد و الجهاز نفسه عند توكيل كلاريون او أدريان ب 800 جنيه )حسب ما كان مكتوب في المنتدي في موضوع تاني) الجهاز بيشتغل علي حساس صوت مش حركه و بيبقي راكب في ناحية الشمال تحت التابلوه و كدا كدا المشكله في ابو رواش ان الفنيين هناك زي الزفت عموما الجهاز مش وحش بس خلي باللك الحساسات بتشتغل الترا سونيك مش حساس حركه

**a_arazik** · 08-05-2013 09:04 PM

الجيمني من الاجهزة المحترمة جدااااااااااااااااااااااا اااااااااااااااا

**szaghloul** · 08-05-2013 11:18 PM

الاصدقاء الاعزاء
فعلا الجهاز جيمنى ايطالى ولكنه لايعمل مع الخبطات او الصوت الا اذا خبطت العربيه بشده وهو على اعلى حساسيه وبعدين ابنى اتحرك بالعربيه من اول الهرم (نصر الدين) الى اول شارع العريش والجهاز بيضرب لوحده الى ان سكت بعد مشاكل مع الناس على الطريق عموما الجهاز رجع وبالمصنعيه بس المشكله ان التوكيل بيفرض عليك نوع واحد وبيرفض انك تجيب جهاز من بره وهو يركبه والجمينى مع انه كويس بس الفنيين خلوه عقيم ومزعج دون داع .
وشكرا لمساهمتكم

**ahhazem** · 09-05-2013 11:14 AM

انا اسمع ان الجهاز اللي عندهم ده اسمه ابجريد مش جيميني
وكمان قالولي انه اسباني ومعمول مخصوص للعربيه وبتحجزه ويجيبوهولك بالطلب وبياخد تركيب ٤ ساعات
طب هما قالولك تمنه كام؟

**szaghloul** · 09-05-2013 03:02 PM

المشاركة الأصلية كتبت بواسطة ahhazem

انا اسمع ان الجهاز اللي عندهم ده اسمه ابجريد مش جيميني
وكمان قالولي انه اسباني ومعمول مخصوص للعربيه وبتحجزه ويجيبوهولك بالطلب وبياخد تركيب ٤ ساعات
طب هما قالولك تمنه كام؟

الجهاز جمنى وتمنه 990 تقريبا ومصنعيه 300 وضرايب ودمغه اجمالى 1400 وده لان فيه تخفيض اما الاسبانى ده فى اى موكز وباكام

**szaghloul** · 09-05-2013 03:04 PM

المشاركة الأصلية كتبت بواسطة ahhazem

انا اسمع ان الجهاز اللي عندهم ده اسمه ابجريد مش جيميني
وكمان قالولي انه اسباني ومعمول مخصوص للعربيه وبتحجزه ويجيبوهولك بالطلب وبياخد تركيب ٤ ساعات
طب هما قالولك تمنه كام؟

الجهاز جمنى وتمنه 990 تقريبا ومصنعيه 300 وضرايب ودمغه اجمالى 1400 وده لان فيه تخفيض اما الاسبانى ده فى اى مركز وبكام

**ahhazem** · 12-05-2013 09:43 AM

المشاركة الأصلية كتبت بواسطة szaghloul

الجهاز جمنى وتمنه 990 تقريبا ومصنعيه 300 وضرايب ودمغه اجمالى 1400 وده لان فيه تخفيض اما الاسبانى ده فى اى مركز وبكام

الجهاز اللي بقولك عليه كان في توكيل دايموند ابورواش
وكان ساعتها قالولي ١٣٥٠ بكل الضرايب والمصنعيه
علشان كده انا بسأل هما فعلاً غيروه والا كل المواصفات اشتغاله وبقولوا اي كلام للناس وخلاص
وممكن يطلع في الاخر لا ايطالي ولا اسباني اصلاً !!!!!

**SALAH ELDIN** · 13-05-2013 09:56 AM

فى صيانة الالف سألت علية فى نفس المركز بتاع دايموند ابو رواش دة
قال لى المهندس انة جيمنى بالتركيب عامل 1200 عشان علية عرض
-- بصراحة انا اصلا كنت قارى الموضوع بتاع حضرتك وقافل من التركيب هناك
فما ركبتش

**Dragon78** · 13-05-2013 10:25 AM

معقوووووووووووووول كل ده حصل معا حضرتك :o

ده انا كنت مستني يجيلي فلوس عشان أروح أركب جهاز الإنذار الإيطالي ده .. عشان مش واثق في أي أجهزه صيني في السوق

وعلى فكره أنا اللي كنت قايل هنا في المنتدى على اني لقيت الإنذار جيمني ده في توكيل كلاريون وسعره ساعتها كان 700 بالتركيب .. ( بس ممكن يكون غلي دلوقتي) .

وانا الفتره دي كنت باسأل في التوكيل عشان لو ينفع أجيبه من بره واركبه في التوكيل عشان الضمان لكن قالولي ماينفعش ومره تانيه قالولي ركبه انت بره ولو ماحصلش مشكله في الضفيره هايبقى الضمان شغال عادي .

بس بعد اللي سمعته ده يبقى كده الصنايعيه في التوكيل مش عارفين يركبوا الجهاز كويس .. معقوووووووووول كده !!!

ع العموم كويس ان حضرتك رجعته واخدت فلوسك .. وياريت لو في اي حد من الأعضاء ركب الجهاز برضه سواء في التوكيل أو بره يفيدنا عشان نشوف هانعمل ايه .