الموضوع: الحمد لله الموتور رزع برجاء المساعده يا رجالة العصابه

المشاركة الأصلية كتبت بواسطة فادى محمد

وعليكم السلام ورحمه الله وبركاته..
فداك ياباشا ماتزعلش نفسك..
-شخص عند واحد واتنين وتلاته
-لو الترزيع اللي من تحت ده كان
بييل او سبيكه او كرنك اوعي تغير او تخرط
شيل الموتور وحط واحد استيراد 1600 ايكوتك
وهتنبسط جدا م اداؤه ..
-هتشتريه من غير المغذيات لان اللي عندك هتركب
وعلي نفس الفتيس بتاعك الf16
-كنت سالت من اسبوع علي اسعار المواتير
ال2000 سي سي السي دي اكس =4500ج فاضي
ال1800 سي سي =4000ج فاضي
ال1600 الحقيقه ماسالتش بس هيبقي قريب من الرانج ده
الاسعار دي من المنصوره والمواتير وارد استراليا
-استني بقي الرجاله يقولولك تشتري منين في القاهره

تسلم يا استاذ فادي علي الرد السريع ربنا يخليك يارب

هو في 1600 ايكوتك ؟؟

وعاوز ترشحولي موتور يكون اداؤه كويس جدا واقتصادي يعني قطع غياره موجوده واقتصادي فالبنزين

وصعب بالنسبه ليا اشخص عند كذا واحد لان وانا راجع من عند الميكانيكي الصوت عالي اوي التخبيط والترزيع ومره وحده فصلت يعني بدوس بنزين راحت هاديه زي ميكون مش واخده غيار بس ما بطلتش وبعدهامشيت وحده وحده لحد البيت

والميكانيكي بيقولي دي بطيخه مقفوله هنفتح والي فيها هيتعمل وطبعا سألته العمره اقل حاجه قلي 3000 جنيه لو مش هنصرف عليها

ف ايه رأيكم ؟؟

اوعى تحاول تصلح ، ده خراب بيوت وضياع للوقت والفلوس
كان عندي مشكلة في فتيس الميجان ، وسألت عن احسن واحد في تصليح الفتيس ، قاللي هيكلفك 4000 جنيه تصليح ، في حين ان الفتيس المحترم استيراد كان ب 3500 فقط ، والتصليح اصلا مش مضمون
ارمي ياباشا ورا ظهرك وهات استيراد
عندنا صنايعية ما شاء الله مش فالحين غير في لبس السلاسل الدهب

المشاركة الأصلية كتبت بواسطة sherif moneer

استاذ فادي الاسعار دي عند مين في المنصوره؟
انا لسه مغير ماتور ل 1600 ايكو الصوابع مش البلاطه وجايبه ب 6500 وارد يابان عامل 40 الف كيلو
وال1800 ب 6500 بلاطه وال2000 ب 6000 والاسعار دي عند الدكتور
وال1600 صوابع عند الدكتور من 3500 ل 5000 علي حسب الحاله والاسعار عند البحقيري نفس الكلام و وليد حماد قالي علي الماتور الصوابع ب7000 و احمر سمير قالي عليه ب 7500 ونجمة اوبل ف الحسينيه قالي الماتور السي دي اكس ب 10500
عند الدكتور نص قدام كامل 1800 بالطابلوه والكلسونه ب 13500

الاسعار دي غاليه جدا انا الميكانيكي قاللي
4600 بالمصنعيه موتور 1600 اسود بيقولي حاله زيرو وكده بس مش واثق فيه مش عارف ليه بياع كلام

ياريت يا جماعه تقولولي اعمل ايه وتنصحوني معلش عشان عاوز اخلص الموضوع ده داخل علي امتحانات كمان اسبوع

انا لسة راجع دلوقتى حالا من الحرفيين والصبح قبل الصلاة كنت فى الوكالة
خلينا فى الحفيين عشان المواتير فى الوكالة لا تسر عدو ولا حبيب

العاييدى وما تعرفش تتكلم معاه الموتور الـ 2000 ايكوتيك بـ 8000 جنية كامل بالفتيس والكنترول وفحمة الكونتاكت فقط مش ايمبولايزر كامل
عند الفولى الموتور 2000 ايكوتيك بدون اى حاجة 4000 جنية بس هايديلك طقم ادارة كامل

وطبعا سالت كل الناس هناك من اول الشارع لاخرة
المحصلة ان تمنه 7000 جنية بالفتيس والموتور كامل بجميع ادوات التغذية وطبعا مجموعة ادارة والكنترول وضفيرة الكنترول

انما الموتور الاسود مش موجود نهائى لا 1600 ولا 2000 وكولة خلع من اللى بيسقط مواتير وبيخدوة بسعر كويس حسب شطارتك
انما لو هتاخد المكنة بس من غير فتيس هاتبقى حوالى 4000 جنية بالتركيب عندهم