تعديل اتجاه بوابه الهواء في الفليشيا

**aw2100** · 19-05-2013 05:36 PM

المشاركة الأصلية كتبت بواسطة المنسي

انا بقى لاغى الوصلة المعدن اللى جاية من فرن الشكمان وواصلة للعمة فمش محتاج تعديل بس برده هعمل علشان اشوف هل فى فرق هيحصل ولا لا

انا كنت لاغى خرطوم السخن بس لما فتحت البارد من العمة وقفلت السخن اللى من حوض الموتور حتحس بالموتور بقى حاجة تانية وخصوصا وانت ماشى فى الزحمة لغاية 80 ك اما فى السرعات العالية ماحستش بفرق كبير !!

**I.ABUBAKR** · 19-05-2013 08:54 PM

المشاركة الأصلية كتبت بواسطة aw2100

انا كنت لاغى خرطوم السخن بس لما فتحت البارد من العمة وقفلت السخن اللى من حوض الموتور حتحس بالموتور بقى حاجة تانية وخصوصا وانت ماشى فى الزحمة لغاية 80 ك اما فى السرعات العالية ماحستش بفرق كبير !!

طبعا في السرعات القليله فرق السحب واضح

وفي السرعات العاليه برده في فرق كويس والتجميع بقي اسرع

كنت مسافر من يومين ووصلت لـ 140كم بسرعه ومكنتش واخد بالي
وكمان الدواسه كان لسه فيها كتير بس الطريق الزراعي مساعدش اني ازود اكتر من كده

**المنسي** · 19-05-2013 09:24 PM

المشاركة الأصلية كتبت بواسطة aw2100

انا كنت لاغى خرطوم السخن بس لما فتحت البارد من العمة وقفلت السخن اللى من حوض الموتور حتحس بالموتور بقى حاجة تانية وخصوصا وانت ماشى فى الزحمة لغاية 80 ك اما فى السرعات العالية ماحستش بفرق كبير !!

ماهو انا يعتبر لاغى السخن اللى جاى من فرن الشكمان وعلى العموم اول ما افضى هافتح البارد واجرب وابقى اقول التجربة وصلت معايا لايه

المشاركة الأصلية كتبت بواسطة i.abubakr

يا استاذ منسي انت كده برده بتدخل للموتور هواء من حوض الموتور
وبرده ده درجه حرارته اعلي من الهواء الجوي بشويه حلوين

عامه جرب مش هتخسر حاجه ولو ملقتش تحسن يبقي ارجع للوضع القديم
ويايت لو عدلت تبقي تقولنا ايه الاخبار

ان شاء الله افضى واجرب وربنا يسهل واقول لكم عملت ايه

**EngAhmedSayed** · 20-05-2013 03:43 PM

الموضوع بسم الله ماشاء الله
يعتبر حاجة الناس مش وخداها بالها منها الصراحة بعد ما قريت الموضوع و فتحة الهواء البارد الصراحة العربية فرقة فى التجميع
و له ان شاء الله اشوف الفرق مع عمل السرفيس الكامل للموتور بس انا مش شايف فى فرق على السرعات العالية
هو بس بتفرق فى الطالعة و مفيش تنتيش و الموتور بالبلدى كده مش بيفرهد
مشكووووووووور
على تقديمك للموضوع
ربك المستعان

**aw2100** · 21-04-2014 10:19 PM

باعيد رفع الموضوع ده لاهميته بالنسبة للاعضاء الجدد اللى ماشافوش الموضوع ده ومعملوش التعديل ده فى عربياتهم والفرق الكبير فى اداء موتور الفليشيا بعد فتح الهواء البارد للموتور واحنا داخلين على الصيف !!!!