يا جماعة ساعدوني في حيرتي X1 Customized Order ولا 320i - تخيل انك مكاني في عربية زيرو

يا جماعة انا في حيره رهيبة جداً

اخر السنة دي هشتري عربية جديدة زيرو موديل السنة وقررت لازم تكون BMW ومعايا حتى 400 الف جنية بس نركب عربية حلوه تستاهل كل قرش اتدفع فيها ومندمش بعد كده واكيد مش هلاقي احسن من BMW عربيات ذات قيمة

طيب نيجي للاسباب اللي خلتني افكر في عربية جديده :

1- عايز عربية تشيل ناس معايا مش هقول للناس مش هنقدر نعدي المطبات وكده - X1
2- عربية تاخد بنزين 92 - معرفش الاتنين هياخدوا 92 ولا لأ - الدعم مش هيكون على X1 لانها 2000 سي سي لكن هستعمل الدعم بتاع عربيتي التانية 1400 فمش هيفرق الدعم نهائي
3- مين اقوى اداء ؟ ناس كتير قالت لي X1 بلا شك عربية معمولة علشان تستحمل الشوارع دي وبموتور 2000 سي سي
3- شكل الـ320 عاجبني جداً وبرضة X1 جميلة وشامخة وعظيمة وهي على الارض لكن في الشكل - 320 تكسب
4- اوبشنات وغيره انا كده كده الـX1 عامل تعديلات عليها ومركب لها كاميرا HD و سنسورات في كل مكان وفرامل يد زر كل شئ تمام

نييجي للسعر :

X1 Facelift بشكل "الفتيس الجديد" مع زيادة الاتي :

1- كاميرا HD
2- فرامل يد زر بدل من الذراع
3- مرايات ضم كهربا

السعر المقترح 364 الف جنية قابلة للنقص لما نروح ونحسبها كويس معاهم في البفارية

320i بدون اي تعديلات :

اخر سعر سمعته من واحد هو 384 الف جنية ولكن لم اسأل في البفارية عنها لكن هتظبط في المطبات

رأيكم مفيد ومهم جداً بناء على الـ5 نقط اللي بالاعلى
مع العلم ان X1 لسه نازل منها FACELIFT السنة دي يعني معاها فتره تتغير برضة زي الفئة التالته

انا لو مكانك هتوكل على الله و اشترى ال 320i طبعااا

فئه x فى بى ام ملهاش طعم و تحس انها عربيات بترقص على السلم
مش عارف انا ضح و لا اكمنى مبحبش العريسات العاليه
بس 320 طبعااااا

أنا كنت متابع معاك الموضوع الاولاني وكنت حاسس انك ممكن تتردد. طب هيه ال X1 فيها زينون؟ جربت تسأل في التوكيل لو ممكن تركب فيها موتور sDrive20 بدل sDrive18 وتاخد نفس اداء ال 320 بارتفاع ال X1؟

من ناحيه البنزين موتورين ال X1 وموتور 320 كلهم 2000 سي سي وفي الغالب مش هيبقى ليهم دعم وكلهم بياخدو 92 ورسوم الترخيص واحده

الشكل. ال 320 اشيك بس في المقابل انت محتاج الارتفاع 19 سم في X1 مقابل 14 في 320 طبعا 5 سم فرق شاسع يخليك تعدي أشد مطب ومعاك 4 في العربيه وانت مطمن.

بشكل عام الميزه في 320 هتكون المناورات لأنها سبور معموله للشد والشقاوه والميزه في X1 هيه الارتفاع والمشي في الطرق المكسره شويه وتركب فيها 4 معاك وانت مش قلقان من المطبات.

لو ال x1 فيها زينون وتركب عليها موتور sDrive20 تبقى اختيار أقوى من 320 بالنسبه للعائلات.

تصدق كمان ان ال sDrive20 بالرغم من انه أقوى من ال sDrive18 بس استهلاكه للبنزين أقل لترين لكل 100 كيلو داخل المدينه؟ كده الموضوع يستاهل تغلس على البافاريه وتشوف فرق السعر كام (لو ينفع) وتبقى خدت أداء ال 320 بارتفاع ال X1 وتبقى تديني لفه يمكن أجيب واحده انا كمان :D

اقتباس:

---

المشاركة الأصلية كتبت بواسطة 2CODE

يا جماعة انا في حيره رهيبة جداً

اخر السنة دي هشتري عربية جديدة زيرو موديل السنة وقررت لازم تكون BMW ومعايا حتى 400 الف جنية بس نركب عربية حلوه تستاهل كل قرش اتدفع فيها ومندمش بعد كده واكيد مش هلاقي احسن من BMW عربيات ذات قيمة

طيب نيجي للاسباب اللي خلتني افكر في عربية جديده :

1- عايز عربية تشيل ناس معايا مش هقول للناس مش هنقدر نعدي المطبات وكده - X1

ال x1 من ورا اضيق من ال 320 بفرق ملحوظ يعني في الاخر الاتنين زي بعض
ال 320 عيبها المطبات الغبيه و ال x1 مش هتاخد ناس طوال او مليانين

2- عربية تاخد بنزين 92 - معرفش الاتنين هياخدوا 92 ولا لأ - الدعم مش هيكون على X1 لانها 2000 سي سي لكن هستعمل الدعم بتاع عربيتي التانية 1400 فمش هيفرق الدعم نهائي

ال 2 بره الدعم و الاتنين بياخدو 92

3- مين اقوى اداء ؟ ناس كتير قالت لي X1 بلا شك عربية معمولة علشان تستحمل الشوارع دي وبموتور 2000 سي سي

اعتقد الاداء متساوي فرق الباور رايح في الوزن
بس اكيد ال x1 حماله قسيه اكتر

3- شكل الـ320 عاجبني جداً وبرضة X1 جميلة وشامخة وعظيمة وهي على الارض لكن في الشكل - 320 تكسب

متفق معاك
و ال x1 بحسها حريمي شويه

4- اوبشنات وغيره انا كده كده الـX1 عامل تعديلات عليها ومركب لها كاميرا HD و سنسورات في كل مكان وفرامل يد زر كل شئ تمام

الاوبشنات دي في ايدك انت
كله بتمنه

نييجي للسعر :

X1 Facelift بشكل "الفتيس الجديد" مع زيادة الاتي :

1- كاميرا HD
2- فرامل يد زر بدل من الذراع
3- مرايات ضم كهربا

السعر المقترح 364 الف جنية قابلة للنقص لما نروح ونحسبها كويس معاهم في البفارية

320i بدون اي تعديلات :

اخر سعر سمعته من واحد هو 384 الف جنية ولكن لم اسأل في البفارية عنها لكن هتظبط في المطبات

مفيش السعر ده علي ما اتذكر
ال premium ب 26X
و ال luxury ب 295

رأيكم مفيد ومهم جداً بناء على الـ5 نقط اللي بالاعلى
مع العلم ان X1 لسه نازل منها FACELIFT السنة دي يعني معاها فتره تتغير برضة زي الفئة التالته

---

بص انا لو منك
هجيب 316 special order بالاوبشن اللي عايزها و المتور ال 170 حصان (اسمها 320 efficiency package) و ابقي مسكت العصايه من النص

او هروح بعيد و اجيب ال audi a5 sport pack

زود 65 الف و هات x3. فرق شاسع

اقتباس:

---

المشاركة الأصلية كتبت بواسطة horas3000

بص انا لو منك
هجيب 316 special order بالاوبشن اللي عايزها و المتور ال 170 حصان (اسمها 320 efficiency package) و ابقي مسكت العصايه من النص

---

انا كنت داخل أقول نفس الرأي ده..
أنا لو مكانك بختار هفكر في الـ316 وش.. العربية فيها كل حاجة الواحد ممكن يحتاجها.. ناقصها بس الزينون فممكن أجيبها special order..
مش عارف مليش أنا في المواتير الكبيرة.. و دلوقتي مع المواتير التربو فخلاص مش محتاج أكتر من الـ1.6
الـX1 مبحسهاش بيمر خالص الحقيقة.. حاسسها عربية غلطة من بي أم..
الـ320 حلوة أوي طبعاً بس أنا بفضل المواتير الصغيرة أكتر.. بس لو أنت شغال معاك فأختياري هيروح للـ320..

لو موضوع العلو ضرورى بالنسبه لك يبقى الموضوع محسوم مش محتاج تفكير مفيش داعى تحير نفسك , يعتمد على الطرق اللى بتمشى فيها

هاتقدر تستغنى عن العلو يبقى f30 من غير تفكير

وفكرة ال 316 سبيشال اوردر جامده جدا زى ماقالوا الشباب

اقتباس:

---

المشاركة الأصلية كتبت بواسطة Ahmed_Adham

تصدق كمان ان ال sDrive20 بالرغم من انه أقوى من ال sDrive18 بس استهلاكه للبنزين أقل لترين لكل 100 كيلو داخل المدينه؟ كده الموضوع يستاهل تغلس على البافاريه وتشوف فرق السعر كام (لو ينفع) وتبقى خدت أداء ال 320 بارتفاع ال X1 وتبقى تديني لفه يمكن أجيب واحده انا كمان :D

---

وليه لأ نجرب انا معايا رقم واحد من المبيعات هناك اخدته لانه اتصل بيا موبايل لان المكالمة طولت ومن نضافة التعامل قال لي متتكلفش كتير (الراجل تلاقيه قال كفاية اللي هتدفعه) واتصل بيا

هجرب النهاردة او بكرا اتصل بيهم ونشوف موضوع الموتور هيفرق كام فلوس

اقتباس:

---

المشاركة الأصلية كتبت بواسطة MIVEC.A92

زود 65 الف و هات x3. فرق شاسع

---

الـX3 بـ520 الف جنية :alien42:

اقتباس:

---

المشاركة الأصلية كتبت بواسطة dede_dodo88

انا كنت داخل أقول نفس الرأي ده..
أنا لو مكانك بختار هفكر في الـ316 وش.. العربية فيها كل حاجة الواحد ممكن يحتاجها.. ناقصها بس الزينون فممكن أجيبها special order..
مش عارف مليش أنا في المواتير الكبيرة.. و دلوقتي مع المواتير التربو فخلاص مش محتاج أكتر من الـ1.6
الـX1 مبحسهاش بيمر خالص الحقيقة.. حاسسها عربية غلطة من بي أم..
الـ320 حلوة أوي طبعاً بس أنا بفضل المواتير الصغيرة أكتر.. بس لو أنت شغال معاك فأختياري هيروح للـ320..

---

انت شوفت الـX1 على الطبيعة ؟ ده أسد والله أسد واقف على الارض حاجة كده هضبة وعظيمة من اول ما تشوفها بسم الله ما شاء الله فعلاً يعني - غريبة اوي تقريباً حضرتك مشوفتهاش

اقتباس:

---

المشاركة الأصلية كتبت بواسطة horas3000

بص انا لو منك
هجيب 316 special order بالاوبشن اللي عايزها و المتور ال 170 حصان (اسمها 320 efficiency package) و ابقي مسكت العصايه من النص

او هروح بعيد و اجيب ال audi a5 sport pack

---

اقتباس:

---

و ال x1 بحسها حريمي شويه

---

X1 حريمي ؟ لأ طبعاً مفيش SUV حريمي نهائي دول اخرهم Picanto

اقتباس:

---

المشاركة الأصلية كتبت بواسطة Hosam_Optrawy

لو موضوع العلو ضرورى بالنسبه لك يبقى الموضوع محسوم مش محتاج تفكير مفيش داعى تحير نفسك , يعتمد على الطرق اللى بتمشى فيها

هاتقدر تستغنى عن العلو يبقى f30 من غير تفكير

وفكرة ال 316 سبيشال اوردر جامده جدا زى ماقالوا الشباب

---

انا كنت بسأله برضه في البفارية على 316I قال لي اوعي تقارن الـX1 بـ316 دي فئة اعلى

هتقارن X1 تقارنها بـ320 وده اللي خلاني اسألكم بين x1 و 320 لان البفارية قال لي انت كده نزلت بالفئة لو هتقارن بين x1 و 316

ثم اني سألته هو ممكن بعد كام سنة اشوف الـX1 بموتور 1600 ؟ قال لي لايمكن الحجم ده يمشي بـ1600 حتى لو عملنا مليون تربو ليه ده فرق Capacity الموتور مش احصنته

للاسف فعلاً موضوع المطبات فارق جداً معايا - انا عربيتي التانية لسه جديدة موديل السنة لكن للاسف سيدان

ومش عايز اكرر نفس الغلطة وانا معايا العيلة كلها في البي ام لان لو سمعت صوت البي ام على مطب يمكن انزل اموت اللي في الشارع مش هيكفيني عربيات الشارع كله

ملحوظة : احساسك وانت بتعمل Special Order كأنك حاسس انك بتعمل تورته عيد ميلادك :grin54: