صلحت الكلاكس بعشرين جنيه

**DR/WAFEK** · 11-05-2013 07:40 PM

انا معايا لوجان 2010 من سنتين كده الكلاكس باظ رحت لميكانيكى قالى الدراع بايظ والمفروض يتغير المهم كنت لسا فى الضمان ورحت غيرته وكان ايامها ب 1200 ج بدون الضربيه طبعا انا انبسطت انه اتغير فى الضمان ولكن كنت زعلان انه لو باظ بعد الضمان هدفع مبلغ كبير المهم فعلا بعد ما الضمان خلص ب3 شهور لقيته بدا يعلق وشويه شويه باظ تانى اضايقت وقلت انا حخلى الكهربائى يطلعلى زرار برضه فى اى حته الكهربائى قالى كتاوت ومش عارف ايه المهم حسيت انه حيلعب كتير رحت سالت عليه بره التوكيل لقيت الاستيراد 300 جنيه والجديد ب 1050 تلاقيه وصل 2000 ج فى التوكيل المهم سالت المحل على كهربائى وصفلى واحد رحت قلتله ان الكلاكس باظ منى كذا مره وصلحته علشان ميطمعش لو عرف يصلحه المهم الموضوع طلع اهيف من الهيافه فك الزار بحاجه زى ابره وكان فى حاجه تحت الزمنبلك لحمه بسلك لحام وركبها تانى البتاع بسم الله ما شاء الله رجع زى الفل والراجل خد 20 ج والسلام عليكم حبيت انقلكم الموضوع ده علشان لو باظ التوكيل او اى ميكانيكى منصبش عليكما

**ahmedbakr50** · 13-05-2013 01:01 AM

الله عليك
أنا عندى نفس المشكلة والضمان برده خلص من 3 شهور
ممكن حضرتك تشرحلى واحدة واحدة إزاى الزرار إتفك عشان كنت هعمل حادثة كذا مرة بسبب عدم تجاوب الكلاكس معايا
ومش عارف أعمل إيه