نقل ملكية وتجديد رخصة

**dandashx** · 12-05-2013 03:16 PM

السلام عليكم،

رخصة العربية بإسم "تامر"، تامر عامل توكيل ل "حسين"، وحسين عامل توكيل ليا.

الرخصة هتنتهي 2/6/2013 وطالعة من مرور مدينة نصر.

المطلوب:
1- أنقل ملكية العربية بإسمي.
2- أجدد رخصة العربية سنتين.
3- أنقل العربية لمرور مصر الجديدة.

ملحوظة، لما اشتريت العربية مكنش فيها شنطة اسعافات ولا مثلث عاكس، والنمرة اللي ورا متبهدلة جدا، مخبوطة وحصلها استعدال كزا مرة لحد ماتشوهت (معرفش بتتغير ولا لأ).

عايز حد من أهل الخبرة يقوللي بالترتيب ايه الخطوات اللي اعملها، واحدة واحدة، وياريت يقوللي كل حاجة هتكلف قد ايه. العربية رينو كليو 2003 - 1200 سي سي

وجزاكم الله خيراً

**megadeath** · 13-05-2013 08:46 PM

بص يا سيدى الخطوات :
1 - بيع و تسجيل بالشهر العقارى انت البائع و انت المشترى و هتدفع تقربيا 900 جم
2* تطلع على مرور م نصر تجيب شهادة مخالفات
3- تطلع على مرور مصر الجديدة و معاك العربية و تسحب ورق الفحص و نقل الملكية و بعدين مرور مصر الجديدة حيظلب منك تروح مرور م نصر للمطابقة و بعدين ترجع على مرور م الجديده تخلص باقى الاجراءات و تدفع الضربية و التامين الاجبارى و تستنى شوية تحت التنده لغاية لما يطلعلك التصريح المؤقت ب6 شهور

بس خلاص piece of cake معلش استحمل الروتين

**dandashx** · 14-05-2013 12:35 PM

المشاركة الأصلية كتبت بواسطة megadeath

بص يا سيدى الخطوات :
1 - بيع و تسجيل بالشهر العقارى انت البائع و انت المشترى و هتدفع تقربيا 900 جم
2* تطلع على مرور م نصر تجيب شهادة مخالفات
3- تطلع على مرور مصر الجديدة و معاك العربية و تسحب ورق الفحص و نقل الملكية و بعدين مرور مصر الجديدة حيظلب منك تروح مرور م نصر للمطابقة و بعدين ترجع على مرور م الجديده تخلص باقى الاجراءات و تدفع الضربية و التامين الاجبارى و تستنى شوية تحت التنده لغاية لما يطلعلك التصريح المؤقت ب6 شهور

بس خلاص piece of cake معلش استحمل الروتين :zb_sor1[1]:

شكرا للتوضيح المختصر. بس يعني ايه "تصريح مؤقت"؟

**dandashx** · 14-05-2013 01:01 PM

المشاركة الأصلية كتبت بواسطة megadeath

بص يا سيدى الخطوات :
1 - بيع و تسجيل بالشهر العقارى انت البائع و انت المشترى و هتدفع تقربيا 900 جم
2* تطلع على مرور م نصر تجيب شهادة مخالفات
3- تطلع على مرور مصر الجديدة و معاك العربية و تسحب ورق الفحص و نقل الملكية و بعدين مرور مصر الجديدة حيظلب منك تروح مرور م نصر للمطابقة و بعدين ترجع على مرور م الجديده تخلص باقى الاجراءات و تدفع الضربية و التامين الاجبارى و تستنى شوية تحت التنده لغاية لما يطلعلك التصريح المؤقت ب6 شهور

بس خلاص piece of cake معلش استحمل الروتين :zb_sor1[1]:

أنا هستأذن من الشغل، واطلع عالشهر العقاري عشان أنفذ الخطوة رقم 1.
بس انت متأكد إنهم في الشهر العقاري مش هيطلبوا مني حاجة اجيبها من المرور؟؟؟ يعني آخد معايا العقود والتوكيلات وصور ليها والفلوس وبس؟؟؟

**megadeath** · 14-05-2013 04:27 PM

المشاركة الأصلية كتبت بواسطة dandashx

شكرا للتوضيح المختصر. بس يعني ايه "تصريح مؤقت"؟

ده عبارة عن رخصة بتكون سارية لمدة من 3 الى 6 شهور بتمشى بيها لغاية ما الملف بتاعك يوصل مرور مصر الجديدة و بعد كده تطلع الرخصة النهائية بباقى فترة الترخيص

المشاركة الأصلية كتبت بواسطة dandashx

أنا هستأذن من الشغل، واطلع عالشهر العقاري عشان أنفذ الخطوة رقم 1.
بس انت متأكد إنهم في الشهر العقاري مش هيطلبوا مني حاجة اجيبها من المرور؟؟؟ يعني آخد معايا العقود والتوكيلات وصور ليها والفلوس وبس؟؟؟

المطلوب كل التوكيلات و الرخصة اصل و صورة و بطاقة حضرتك اصل و صورة