لمن يريد تركيب اجهزة انذار او gps

**avalanshoon** · 13-05-2013 01:49 PM

معلومة جديدة عرفتها من التوكيل وانا بحجز لصيانة الـ 10000
كنت ناويت اركب انذار في التوكيل ومش فارقة السعر علشان الضمان

ولكن للاسف اتصدمت لما عرفت ان الضفيرة هتخرج من الضمان برضوا حتى ولو ركبته في التوكيل

وكمان الراجل قاللي ان أي اضافة في السيارة هتخرجها من الضمان حتى لو تم عملها في التوكيل

100 فل

**ahmed_m_ashraf** · 14-05-2013 06:06 AM

مش عارف ليه حاسس إن إللي قالك اكلام ده في التوكيل بيفتي .. أو بيخوفك عشان متركبش حاجة وميوجعش دماغة.

**avalanshoon** · 14-05-2013 10:49 AM

المشاركة الأصلية كتبت بواسطة ahmed_m_ashraf

مش عارف ليه حاسس إن إللي قالك اكلام ده في التوكيل بيفتي .. أو بيخوفك عشان متركبش حاجة وميوجعش دماغة.

اللي قال لي الكلام ده الراجل بتاع الحجز في التليفون ولما استغربت قال لي اسأل اي حد من مهندسين الصيانة وأن هي دي سياسة التوكيل
وعلى العموم انا رايح يوم السبت ان شاء الله وهاتأكد هناك

**gebreel** · 14-05-2013 07:47 PM

اي كلام و فتي ... بس انا لازلت شايف سعره في التوكيل مبالغ فيه بصراحة

**blackhorse123** · 14-05-2013 11:10 PM

لا ياجماعه الكلام مظبوط وتمام
بس اللى هيخرج من الضمان مش العربيه كلها لا دى الضفيره فقط يعنى لو ركبت جهاز الانذار بره الضفيره خرجت من الضمان لو حصل فيها مشكله بعد كده لكن اى شغل ميكانيكا مفيش مشاكل انت جوه الضمان عادى جدا

انا كنت مركب جهاز انذار وباركنج سنسور ولا حد اتكلم معايا وكنت بروح اعمل صياناتى عادى جدا
اما بخصوص الانذار هيلغى الايموبليزر لاااااااااااااااااااااااا ا
جهاز الانذار بعيد عن الايموبليزر تمام وليس له علاقه به

**ahmed_m_ashraf** · 15-05-2013 04:08 AM

طيب لما هو الموضوع كده ليه أنا أروح أركب حاجة ب 300 جنيه لما ممكن أركبها بره ب 100 مثلا طالما النتيجة واحده وهي خروج الضفيرة من الضمان. مثلا أنا ركبت الباركينج سنسور بنفسي من غير ما أدفع ولا مليم وبنظاقة متناهيه متفاديا الصناعية إللي ممكن ميعملوش الشغل بالنظافة إللي كنت عايزها في حين إني كنت هدفع مش أقل من 300 جنيه لو ركبته في التوكيل.

نصيحة مني لصاحب الموضوع، لو لقيت الموضوع كده لما تروح وفر فلوسك ودور على صنايعي نظيف يغملك الشغل بأقل من نصف مصنغيه التوكيل وعلى فكرة هما في ابتوكيل مش خارقين يعني هما في الآخر صنايعية برضو يعني مش هيعملو إختراع.

**gebreel** · 15-05-2013 09:38 AM

يا جماعة التركيب في التوكيل مبيطلعش لا ضفيره ولا اي حاجة من الضمان العكس هو اللي يعمل لو حصلت مشكلة

**avalanshoon** · 15-05-2013 01:23 PM

المشاركة الأصلية كتبت بواسطة ahmed_m_ashraf

طيب لما هو الموضوع كده ليه أنا أروح أركب حاجة ب 300 جنيه لما ممكن أركبها بره ب 100 مثلا طالما النتيجة واحده وهي خروج الضفيرة من الضمان. مثلا أنا ركبت الباركينج سنسور بنفسي من غير ما أدفع ولا مليم وبنظاقة متناهيه متفاديا الصناعية إللي ممكن ميعملوش الشغل بالنظافة إللي كنت عايزها في حين إني كنت هدفع مش أقل من 300 جنيه لو ركبته في التوكيل.

نصيحة مني لصاحب الموضوع، لو لقيت الموضوع كده لما تروح وفر فلوسك ودور على صنايعي نظيف يغملك الشغل بأقل من نصف مصنغيه التوكيل وعلى فكرة هما في ابتوكيل مش خارقين يعني هما في الآخر صنايعية برضو يعني مش هيعملو إختراع.

بالتأكيد لو الحكاية كده مش هاركب حاجة طبعا في التوكيل

بس بصراحة عيب اوي ان لو اي حاجة اتركبت في التوكيل تخرج العربية من الضمان اومال هو اسمه توكيل ليه

ويفرق ايه كده عن اي ورشة ميكانيكي