فلتر زيت لبريليانس frv 1500

**sonson56** · 13-05-2013 04:21 PM

أعزائي و أصدقائي - اريد اسأل سؤال للملاك القدامي لبريليانس frv 1500 و اللى خرجوا من الضمان -لما بتيجوا تغيروا زيت ما هو النوع البدريل الذي لا يؤثر على سلامة الموتور من فلاتر الزيت ؟ انا سألت فى محطة بنزين الأمارات عن فلتر زيت بريليانس فقالوا لى ان فلتر التويوتا و اللانس بيركب عليها هل ده حقيقي ؟ بس انا خفت اعمل كده الا لما أسألكم و تفيدوني برأيكم
صديقى أ / مصطفى (مشمش ) و أ/ خالد عبد العزيز انتم عندكوا خبرة فى الموضوع ده يا ريت تفيدونى و انا بحاول الأتصال بكم لكن تليفوناتكم اتغيرت رقمى ( 01201991021 ) أرجو الأتصال
تحياتي

**جيفارا** · 13-05-2013 07:11 PM

ما اعرفه ان طقم السيور بيركب ميتسوبيشي اصلي عليها
لاني غيرت الاورجينال اللي كان راكب فبريكة ف السبلندور بتاعتي وكان طالع منقوش عليهم علامة ميتسوبيشي قدام عيني...

**Mostafa Hessen** · 16-05-2013 07:13 PM

انا اسف جدا جدا استاذ رضا
ومعلش على التأخير لعدم انتظام دخولى على نايل موتورز
بخصوص مشكلة حضرتك الموضوع بسيط ان شاء الله
الموتور هو موتور تويوتا 1500 الافانزا يعنى يركب عليه فلتر زيت التويوتا
وجمد قلبك مش حيحصل شئ انا عن نفسى بحط فلتر زيت ميتسوبيتشى بوما من زمان ومبشتريش من التوكيل وبجيبه ب 20 جنيه وبغيره مع كل تغيرة زيت وانا بحط زيت 5000 كيلو وبغير معاه فلتر وكمان بحط زيت تعاون ب 85 جنيه وده بسبب ان مصدر الزيت فى مصر واحد مهما قالو وحكيو والموضوع انا حسمته من زمان
عموما لو بتحط اى زيت ده امر يعتمد على الراحه النفسيه شيل او موبيل او ايا كان مسألة الفلتر حط فلتر تويوتا 1500 وان شاء الله مفيش اى مشكله
وفيه واحد بتاع قطع غيار كويس فى المقطم اسمه الهدى لو حضرتك فى الزلزال الشارع اللى قصاد حاتى البيبانى حتدخله حييبقى الهدى على يمينك ممكن تاخده من عنده وفيه واحد فى نفس الشارع بيغير زيت فى الناصيه المقابلة وعنده كل الزيت اللى انت ممكن تفكر فيه وبكده ممكن كمان ببساطه تروح تفضى الزيت وتاخد الفلتر تشترى واحد زيه وبكده حتبقى مطمن
وده تليفون الهدى
26654086 و 0122666721 اسمه عم شحاته
6 مساكن الإسكندريه امام شارع النقطه
وان شاء الله حكلم حضرتك وتحت امرك