honda civic 2013 or toyota corolla 2013

**doratos** · 13-05-2013 04:57 PM

honda civic 2013 or toyota corolla 2013

which one to choose?

**kazamodia** · 13-05-2013 10:43 PM

civic

Honda is the best Japanese car manufacturer

**superb** · 13-05-2013 10:52 PM

مع احترامى لكل الأراء .. كل عربيه فيها ما يميزها بس بدور لا تخلو من العيوب ..

هوندا ..
من ناحية المحرك فهى اقوى هورس باور على الأرض .. best WHP
يابانيه و بنظره مستقبليه ..

عيوبها :
واطيه قوى مع مطبات مصر و شكلها الخارجى مش شايف فيه حاجه غير لعب فى الهبل عالجبل
العربيه من جوا تنبهر بيها اول متركبها من كمية الشاشات الديجيتال و الحاجات دى .. بس اخرك نص ساعه و تحس انك زهقان من الأنتريور

تويوتا :
الشكل يعتبر فى الفيس ليفت معقول كتيير
العلو افضل من السيفيك
السياره من الداخل اظن فى الهايلاين صالونها حلو و جميل و بالنسبه لقطع الغيار تويوتا و هوندا زى بعض بس يمكن الهوندا اعلى حاجه بسيطه و القطع مش متوفره زى التويوتا ( ناتج عن الأنتشار طبعا )
المحرك مقبول جدا و استهلاك الوقود فى الأتنين حلو و التويوتا موفره فى الناحيه دى و الهوندا مش هفتى معرفش بصراحه

**mohammed dodda** · 14-05-2013 05:56 PM

CIVIC is better ofcourse , but as we're in egypt i guess COROLLA would be your appropriate choice

**amgomaa** · 14-05-2013 11:38 PM

انا معايا سيفيك 2012 وكنت زيك بقارن بينها وبين الكورولا واخترتها لكذا سبب من ضمنهم ان الهوندا فيها vsa ستاندرد فى كل الفئات (برنامج التبات الالكترونى ) الكنبه الخلفيه الارضيه بتاعت العربيه مستويه فاللى قاعد ورا بيقى مستريح اكتر وكمان العفشه مالتى لينك الفتيس خمس سرعات فى الهوندا وفى الكورولا اربعه فاعتقد هيوفر اكتر فى البنزين وكمان السيفيك فيها مثبت سرعه اساسى فى كل الفئات اما مميزات الكورولا انك بسعر اول فئه فى الهوندا ممكن تجيب الهاى لاين الكورولا العربيه فيها فتحة سقف مالتى فنكشن مرايات ضم
سبويلر خلفى واعتقد المقارنه فى الشكل الاتنين اوحش من بعض شكلهم تقليدى وان كان شكل الكورولا هيتغير السنه الجايه بس الهوندا هيقعد شويه و استخير الاول

**hany63** · 15-05-2013 09:49 PM

المشاركة الأصلية كتبت بواسطة superb

مع احترامى لكل الأراء .. كل عربيه فيها ما يميزها بس بدور لا تخلو من العيوب ..

هوندا ..
من ناحية المحرك فهى اقوى هورس باور على الأرض .. Best whp
يابانيه و بنظره مستقبليه ..

عيوبها :
واطيه قوى مع مطبات مصر و شكلها الخارجى مش شايف فيه حاجه غير لعب فى الهبل عالجبل
العربيه من جوا تنبهر بيها اول متركبها من كمية الشاشات الديجيتال و الحاجات دى .. بس اخرك نص ساعه و تحس انك زهقان من الأنتريور

تويوتا :
الشكل يعتبر فى الفيس ليفت معقول كتيير
العلو افضل من السيفيك
السياره من الداخل اظن فى الهايلاين صالونها حلو و جميل و بالنسبه لقطع الغيار تويوتا و هوندا زى بعض بس يمكن الهوندا اعلى حاجه بسيطه و القطع مش متوفره زى التويوتا ( ناتج عن الأنتشار طبعا )
المحرك مقبول جدا و استهلاك الوقود فى الأتنين حلو و التويوتا موفره فى الناحيه دى و الهوندا مش هفتى معرفش بصراحه

مين اللي قال لحضرتك ان العربيه واطيه ؟
الجيل التاسع اعلى عربيه في فئتها ولا كلمة واطيه هتفضل لازقه في العربيه ده ناقص الناس تقول واطيه و قليلة الادب
و لعلمك معايا الجيل اللي قبله و العيله كلها بتركب و لا الهوا مع الاعتراف ان ٢٠٠٧ و ٢٠٠٨ اوطى سنه بس برضه مش للدرجه
نرجع تاني للسيفيك ال ٢٠١٣
حضرتك سوقتها بنفسك؟ انا سقتها لمدة ساعه و كنت مبهور بالعدادات احلى من اللي معايا مية مره و مزهقتش خالص بصراحه و العربيه فيها تجهيز اساسي ثبات اليكتروني عشان متعملش حركة ديل السمكه نتيجة انها عليت و ياما حوادث في عربيات تانيه غير مجهزه بالنظام ده و ربنا يسترها على الجميع
ممكن طبعا نقول غاليه او من ناحية الشكل القديمه احلى بس حضرتك جيت على احسن حاجه و قلت عليها انها عيوب

**S O P H O S** · 17-05-2013 09:22 PM

هو السيفيك احلي طبعا
بس الامر فالاخر حسب طلباتك ايه

**maio_do** · 31-05-2013 08:04 PM

الموضوع دا انا لسه كنت هعمله

الهوندا شكلها الجديد مش عاجبنى القديم احلى

الكورلا شكلها حلو ومميز كمان بس طبعا محدش يختلف عن الكبير السيفيك

**FrozenFire** · 15-06-2013 06:38 PM

إسمحولي إني أدلي بدلوي في هذا الموضوع
مبدئيا أنا مش معايا السيفيك، أنا معايا السيتي ولكن ليا خبرة كبيرة بالسيفيك
وواحد قر يبي معاه الكرولا الجديدة الخليجي

أنا حقارن بين السيتي اللي هي أقل من السيفيك حتى والكورولا

أولا الموتور
أنا 1500 أي في تك وبطلع من قريبي في أي ظرف وأي مكان وأي سرعة
ولا مرة ولا مرة قدر يطلع مني

إحتكاك العربية بالمطبات
في أخ فاضل قال إن الكرولا أحسن من السيفيك في المطبات. وده غير صحيح. الكرولا سيئة جدا في المطبات مش حقول إنها أسؤأ من السيفيك ولكنها مش أحسن خالص

الكنبة الخلفية
الكرولا ضيقة جدا جدا جدا من ورا. السيتي أوسع بمرااااااااااااااااحل منها. أنا في عربيتي ببقى ظابط كرسي السواق على طولي (وأنا طويل) وبرجع أقعد ورا مرتاح جدا وفي مسافة بين رجلي والكرسي الأمامي وده عكس الكرولا تماما.
أنا ركبت السيفيك كذا مرة والسيفيك أوسع في الكنبة بمراحل من الكورولا

الإنتريور
فرق شاسع بين الإتنين لصالح السيفيك. تحس إنك راكب عربية موديل متقدم فعلا. لكن الكرولا عادية جدا. دا حتى السيتي شكلها سبور وشيك عن الكورولا.

إلثبات على الطريق
أنا مش حشكر في ثبات السيفيك اللي مش محتاج حد يتكلم عنه.

إستهلاك البنزين
أعتقد إن الإتنين متقاربين

الإعتمادية
الإتنين ياباني وإعتماديين

الشكل الخارجي
إنت وزوقك وراحتك

يارب قدرت أكون لخصت ببساطة شديدة الفرق بين الإتنين

وربنا يسرك الموضوع والسلام ختام