بريليانس سبلندور 2008 فابريكة كاملا للبيع... حالة ممتازة

**جيفارا** · 13-05-2013 07:05 PM

سيارتي بريليانس سبلندور منيوال 1600 سي سي موديل 2008 لونها فيراني ميتاليك فابريكة برة وجوة بالكامل بدون خبطات او حتى ردة ع البارد

المواصفات :
تكييف جبار-باور ستيرينج- سنترلوك- 4 زجاج كهرباء-كاسيت سي دي اصلي بريليانس-كسوة جلد في قطيفة بيج-فرامل abs and ebd - 2- ايرباج 2-انوار ف الدواسات والابواب الربعة والصالون تضئ مع فتح الابواب رووووووووعة- موتور ميتسوبيشي 1600 انجكشن-كاوتش جود يير الماني
من الفبريكة205/55/16- خمسة جنوط سبور اصلي مقاس 16 بوصة-تم تغيير الزيوت والفلاتر وطقم السيور بالكامل اصلية-استبن بالجنط لم يلمس الارض..

العداد 42 الف كيلو ( عملت منهم الفين فقط)-رخصة سارية حتى اخر ديسمبر القادم-شاريها بتوكيل من المالك الاول( لواء مهم جدا بسلاح المدفعية كان راكنها ف جراج الفيلا بمصر الجديدة لوحدها وده اللي خلاني اشتريها انه كمان جابها وهو سنه ستين سنة من الزيرو يعني مبيركبهاش الا للسفر والرحلات والمشاوير الاسرية وكل ولاده كبار وراكبين كلهم اوبل واوكتافيا والتعبان فيهم راكب سوبارو !!!)
مرور القوات المســـــــــــــــــــــ ـــــــــــــــــــــلحة بمصر الجديدة روكسي...

سبب البيع بدون تريقة من فضلكم..
الخوف الشديد من الحســـــــــــــــــــــ ـــــــــــــــــــــــد !!!
لاني بفضل الله ونعمته عندي غيرها 3 عربيات... ومن ساعة ما جبتها وانا شايف الغل بعيد عنكم ف عيون ناس كتير ... ففكرت ابيعها جديا واقولهم المكانيكي عمل بها حادث وبتتصلح ف التوكيل مثلا !!!

هناك بعض المصروفات البسيطة جدا لمن يرغب ف الشراء بجدية...
لذلك نويت اذا بعتها عرضها على 71000 جنيه مع امكانية التفاوض المحدود بما يرضي الله عز وجل..
استعمال طبيب اطـــــــــــــــــــــــ ـــفال..المراسلة ع الخاص لمن يرغب.. المعاينة النزهة من جسر السويس..
السيارة سليمة تماما في العفشة ( هي عفشة بي ام دبليو تصميم بورش على ما اذكر) عفشة مزدوجة
ثباتها غير طبيعي بمستوى الباسات والبي ام بلا مبالغة... الموتور ممتاز جدا.. التكييف جبار...
صالون واسع للغاية وعلى عيني افكر ابيعها بس خايف من حسد الناس عافانا الله واياكم..

**mona_881** · 13-05-2013 09:46 PM

ياراجل تبيع العربية بعد 2000 كيلو عشان خايف من الحسد امال اللي جايب زيرو يعمل ايه

ماتقرالها المعوذتين ولا تحطلها خرزة ههههههه

وبعدين سوري يعني مانت برضه في وسط الكلام حسدت الراجل وولاده كمان اللي راكبين اوكتافيا وسوبارو ومقلتش ماشاءالله ولا حاجة هههههه
خليها علي الله

**hugan** · 13-05-2013 09:53 PM

موفق في البيع

**جيفارا** · 14-05-2013 02:40 AM

المشاركة الأصلية كتبت بواسطة micho_881

ياراجل تبيع العربية بعد 2000 كيلو عشان خايف من الحسد امال اللي جايب زيرو يعمل ايه

ماتقرالها المعوذتين ولا تحطلها خرزة ههههههه

وبعدين سوري يعني مانت برضه في وسط الكلام حسدت الراجل وولاده كمان اللي راكبين اوكتافيا وسوبارو ومقلتش ماشاءالله ولا حاجة هههههه
خليها علي الله

عموما انا مش خايف من الحسد كشعور
انا بالفعل اتاذيت ف بيتي وعربيتي وعربية مراتي عشان كده خفيت العربية التالتة تماما...
وخايف اتاذي ف عيالي...
ده حقيقي ... حاكم العربيات زي النسوان... ليها قرف ( بكسر القاف)
وعافانا الله واياكم من الحسد وشره...

**A.ELgamaL** · 14-05-2013 09:40 AM

انا ممكن اشتري منك يا استاذ جيفارا
انت مش حاطت اي تليفون اكلمك علية انا رقمي 01221154272 كلمني واقبلك اشوفها وربنا يوفق

**وائل رفيق** · 02-06-2013 06:39 PM

الزميل العزيز العضو / جيفارا
تحية طيبة

أولا: ربنا يحميك ويحمي اسرتك من الحسد
ثانيا،: بفكر جديا في تغيير سيارتي الهيونداي وبفكر في بريليانس ومحتار بين الموديلات وكنت امبارح في التوكيل في طريق النصر وسألت علي سبلندور وجالينا وعرفت ان التوكيل وقفهم من 2013 ولقيت v5, fsv, frv
ثالثا: أنا جاد في الشراء وخاصة أن ناس كتير شكرت في هذه السيارات وممكن أشوف السبلندور اللي مع حضرتك بس كنت اتمنى لو كانت أتوماتيك أرجو الرد أو الاتصال علي موبايلي 012203284106

تحياتي