شارع 302 المعادي

**nochoice** · 14-05-2013 03:11 PM

السلام عليكم

كنت عايز اعرف اروح ازاي شارع 302 المعادي او مساكن ضباط المعادي
وانا إن شاء الله هاجي صحراوي من اسكندريه

**mohamed_selim** · 15-05-2013 12:35 PM

بعد ما تعدى البوابات خليك طوالى هتعدى من تحت المحور و تكمل هتلاقى نفق تنزله و تكمل هتوصل للدائرى تعدى من تحته و تاخد اول مطلع يمين هيلف بيك كانك دخلت شمال من اتجاهك الاصلى
هتمشى حوالى 3-4 كيلو هتلاقى يفط للمريوطيه تخش يمين (خلى بالك ان من بعد ما تطلع الدائرى انت هتاخد تانى مخرج .... و بين الاول و التانى 200 متر مش كتير يعنى بس المخرج اللى هتاخده كانه دخله يمين على نفس الارتفاع بتاعك مش منزل لتحت) ... هتاخد الوصله دى و هتمشى فيها طوالى و هتلاقيها فى اخرها بتلف بيك و مكمل على الدائرى و هتعدى النيل و تمشى شويه و هتلاقى يفط لمنزل الاوتوستراد تنزلها .... هتكمل حاجه بسيطه على الاوتوستراد هتلاقى نفسك عديت من تحت كوبرى مشاه خش بعديه فى البطىئ كده المفروض انت عند مساكن الظباط و قريب من شارع 302 بس اسال هناك بقى على المكان بالظبط

**_hema** · 16-05-2013 08:33 PM

استكمالاً لوصفه الاخ الفاضل

شارع 302 بالقرب من مودرن اكاديمى وحضرتك هتزل منزل المعادى الجديده وهيكون محطه شل على يمينك قبل النزول خليك يمين فى يمين لغايه ماتوصل الى محل ابو غالى للاسماك وعنتر الكبابجى على يمينك وهيكون على شمالك مسجد الرحمه عنتر الكبابجى مسايك ناصيتين شارع النصر مع شارع 306 حضرتك هتدخل 306 يمين وعند المرور القديم ( اللى اتحرق فى الثوره) بعد منه شمال فيه تعديه للطريق ادخل فيها او لو حضرتك سألت الكشك اللى امام المرور عن شارع 302 هيدلك لانه خلف شارع 306 وطبعا انا خايف اقول لحضرتك ادخل شمال من بعد الكشك اللى امام المرور تتوه جوه فى الشوارع

تحياتى لحضرتك