تقرير جميل تسلم إيدك .. بس سؤال مهم .. هل حاسس بخنقة شوية في سحب الموتور ؟؟ لأن في أحيان كتيرة زيادة الزيت عن علامة الماكس بتسبب في خنقة الموتور عشان اختلاف ضغط الزيت
رقم العضوية : 130307
تاريخ التسجيل : 16Oct2012
المشاركات : 308
النوع : ذكر
الاقامة : Cairo
السيارة: Byd f3
السيارة[2]: Nissan Sunny N16
الحالة :
بسم الله الرحمن الرحيم
فى بداية الموضوع أحب أشكر أ/ أحمد مصطفى (Ahmed.TV) على المجهود اللى عامله فى قسم نيسان و اللى كان أحد أسباب شرائى للعربية نيسان صنى N16 موديل 2013 "منتحرمش منك يا باشا و يا رب تفضل متواجد معانا". و مننساش جهود كتير من أعضاء قسم نيسان اللى ما بيبخلوش بالمعلومة أو النصيحة على حد و خاصة أعضاء نيسان تيم.
أنا من فترة ليست بالقصيرة بدور على عربية عشان أنا بسافر أسبوعيا و كنت محتاج أنها تكون أتوماتيك . بعد لف معظم الأقسام و بعد تحديد الميزانية ربنا وفقنى أنى أحجز نيسان صنى الشكل القديم من السبع أثناء معرض اتوماك , و بعد حوالى 3 شهور انتظار ربنا أراد و أستلمتها و ورخصتها فى نفس اليوم.
طبعا هتلاقوا فى القسم مواضيع كتير لتقييم الشكل القديم و تقريبا كل حاجة فيها واضحة بس برضه هأقول تقييمى للعربية من وجهة نظرى:
1- العربية شكلها تقليدى و Classic .. و الصراحة ده عاجبنى.
2- الفرش من جوه متوسط مش ممتاز و كمان ناشف شوية.
3- التابلوه خامته متوسطة .. و العدادات شكلها مقبول مش وحش.
4- الفتيس بتاعها سلس و ناعم .. قليلا لما تشعر بنقلاته.
5- الموتور قوى بس التسارع بيحتاج وقت (أو يمكن أنا اللى خايف أدوس جامد على البنزين).
6- الكنبة اللى ورا ضيقة جدا لو مرجع الكرسى على الأخر , و مقبولة لو مقدمه شوية.
7- الشنطة واسعة.
8- العفشة مش ناشفة زى ما كنت متخيل .
9- أنوار الكشافات جيدة جدا.
10- التكييف ممتاز.
11- الكاسيت جيد (Mp3) بدون USB
12- الدريكسيون فيه سنة تقل بس مش مزعجة.
13- السماعات اللى فى الأبواب متوسطة و للأسف نيسان شالت السماعات اللى ورا (علشان توفر تمنهم !!)
14- الفرامل جيدة حتى فى عدم وجود ABS , و كذلك الكاوتش بريدجيستون يابانى.
نيجى بقه لأهم مشكلة قابلتنى : المعرض للأسف سلم لى العربية بورق غلط (رقم موتور و شاسيه غلط) .. و طبعا أنا مكنتش منتبه للنقطة ديه و الغريب أن المرور و الفحص محسوش بالغلطة الكبيرة ديه و رخصت بالرقم الغلط .. و طبعا تم أكتشافها لما صاحب العربية التانية (اللى أنا واخد رقمه) راح عشان يرخص برقمى الصح .. و عرفت ده لما السبع كلمنى عشان يقولى الغلط اللى حصل .. و أنا بحمد ربنا أن المرور التانى أكتشف النقطة ديه و إلا زمانا كل واحد ماشى بأرقام التانى و طبعا كانت هتبقى مشكلة فى التجديد.
طبعا كانت قصة و قعدت كام يوم لغاية ما غيرت الرخصة بالرقم الصح .. النقطة ديه بالذات تخلى كل واحد لما يشترى يتأكد من رقم الشاسيه و الموتور فى الحقيقة زى اللى فى الورق بتاع العربية.
صيانة ال 1000 كم
الحمد لله عملت الألف كيلو و رحت السبع-المعادى عشان أعمل صيانة ال 1000 كم و ده تقييمى للصيانة و المركز :
1- المركز طريقه معقول و كمان هو حاطط لوح أرشادية بعد كارفور-المعادى عشان تعرف توصل له بسهولة (حاجة تحترم).
2- كان ميعادى الساعة 12 ظ و وصلت 11:50 .. بس المركز كان زحمة و عربيتى دخلت الصيانة 2:30 يعنى قعدت ساعتين و نص هدر و ده شيئ يدايق.
3- المركز من جوه جيد و الكراسى معقولة و فيه كافيه محترم .. بس للأسف النت كان سيئ للغاية.
4- كان فيه زنة فى التابلوه (تم الحل بنسبة 80%) + العربية كانت محتاجة ضبط زوايا (قيد التجربة) .
5- تم تغيير زيت شل الترا 10000 الف .. بس الفنى حط ال 3 لتر زيت كلهم (المفروض 2.7 لتر مع تغيير الفلتر) و ده خلى الزيت فوق العلامة ال max. فى مقياس الزيت .. كمان هو زود مياه تبريد فى القربة فوق علامة ال max. .. صراحة أنا زعلت أن مركز كبير يعمل الأخطاء الضغيرة ديه.
تركيب الإنذار
للأسف الإنذار اللى راكب فى الشكل القديم سيئ و تقريبا ملهوش لازمة .. كمان العربية مفيهاش إيموبليزر .. فسألت فى مراكز الصيانة (السبع و أوتوإيجيبت و مودرن) على تركيب الإنذار و لقيت إن مودرن الوحيد اللى بيركب الإنذار .. فروحت ركبت عند مودرن الدقى الإنذار و تقييمى للمركز و التركيب كالتالى:
1- المركز سهل الوصول له (الدقى – خلف مقار).
2- المركز من جوه محترم و المكان نظيف.
3- مفيش نت فيه.
4- الكافيه فيه تعبان جدا (شاى و قهوة بس).
5- الإنذار تايونى .. يعمل على الريموت الأصلى .. يعمل مع الصدمات أو عند فتح العربية بالمفتاح.
6- تمنه 660 قبل خصم نايل موتورز (و ده طبعا نتيجة جهد أ/ أحمد مصطفى و نيسان تيم و بكرر شكرى لهم) و الخصم 10%.
فلتر التكييف
أخر حاجة أنا سألت على فلتر التكييف فى التوكيل لقيته ب 250 جنيه بتركيبه (غالى أوى) .. فنزلت شارع دمشق و جبت واحد معقول ب 65 جنيه (أكيد طبعا مش زى الأصلى) بس فى الأخر هو حاجة مش مؤثرة قوى و لو طلع وحش يبقى أشيله خالص .. أنا اللى ركبته و هو الصراحة مش محتاج مجهود و بسيط فى تركيبه و ديه مشاركة سابقا لأحد الزملاء المحترمين اللى بتوضح طريقة التركيب
http://www.nilemotors.net/Nile/230287-a.html
هو بس سؤال للناس اللى مركبة الفلتر .. هو اتجاه الهواء فى علبة الفلتر من فوق لتحت و لا العكس ؟ عشان فى اتجاه لتركيب الفلتر حسب اتجاه الهواء.
التقرير خلص و مفيهوش اى صور لأن صور الشكل القديم مغرقة الدنيا .. أنا أستفدت كتير من المنتدى و القسم و بحاول أرد الدين اللى عليا.
دمتم جميعا بخير
رقم العضوية : 135785
تاريخ التسجيل : 28Feb2013
المشاركات : 382
النوع : ذكر
الاقامة : المنوفية
السيارة: Nissan Sunny super saloon 2013
السيارة[2]: 1963 VW Beetle
الحالة :
تقرير جميل تسلم إيدك .. بس سؤال مهم .. هل حاسس بخنقة شوية في سحب الموتور ؟؟ لأن في أحيان كتيرة زيادة الزيت عن علامة الماكس بتسبب في خنقة الموتور عشان اختلاف ضغط الزيت
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
تسلم علي التقيم الجميل ..
رقم العضوية : 136278
تاريخ التسجيل : 10Mar2013
المشاركات : 121
النوع : ذكر
الاقامة : Cairo
السيارة: Nissan Sunny
السيارة[2]: Verna
الحالة :
تسلم يا باشا
رقم العضوية : 130307
تاريخ التسجيل : 16Oct2012
المشاركات : 308
النوع : ذكر
الاقامة : Cairo
السيارة: Byd f3
السيارة[2]: Nissan Sunny N16
الحالة :
صراحة أنا مخرجتش كتير بها من ساعة الصيانة فمش حاسس بفرق ملحوظ .. لكن أظن أن ضغط الزيت ملهوش علاقة بزيادة مستوى الزيت .. اللى أعرفه أن الضغط بيتقاس من خرج طلمبة الزيت .. و طالما فيه مستوى عالى من الزيت الطلمبة هيوصلها زيت و هتخرج ضغطها عادى .
الضغط بيتقصر بنقصان مستوى الزيت .. ساعتها الطلمبة ما بيوصلش لها الزيت بالكمية المناسبة .. فيقل الضغط.
رقم العضوية : 135225
تاريخ التسجيل : 19Feb2013
المشاركات : 348
النوع : ذكر
الاقامة : Cairo
السيارة: Tiida sedan 2013
السيارة[2]: 128 - verna 1600 CC
الحالة :
رقم العضوية : 130307
تاريخ التسجيل : 16Oct2012
المشاركات : 308
النوع : ذكر
الاقامة : Cairo
السيارة: Byd f3
السيارة[2]: Nissan Sunny N16
الحالة :
رقم العضوية : 135225
تاريخ التسجيل : 19Feb2013
المشاركات : 348
النوع : ذكر
الاقامة : Cairo
السيارة: Tiida sedan 2013
السيارة[2]: 128 - verna 1600 CC
الحالة :
رقم العضوية : 130307
تاريخ التسجيل : 16Oct2012
المشاركات : 308
النوع : ذكر
الاقامة : Cairo
السيارة: Byd f3
السيارة[2]: Nissan Sunny N16
الحالة :
رقم العضوية : 56617
تاريخ التسجيل : 22Dec2009
المشاركات : 81
النوع : ذكر
الاقامة : tanta
السيارة: لا يوجد
السيارة[2]: daewoo lanos
دراجة بخارية: لا يوجد
الحالة :
الف مبروك على العربية و ربنا يبارك لحضرتك فيها...سؤال بسيط بعد اذنك...التكييف بيأثر على سحب العربية فعلا و لا حاجة بسيطة و لا مش موجود اصلا ؟ ...
المفضلات