ايهما تختار؟؟ اليزيه ولا 301؟؟

**الجنرال** · 15-05-2013 11:01 PM

ايه رأيكوا؟؟

استنى شهر واخد الاليزيه اللى شكلها عاجبنى قوي .. ولا اخد ال 301 دلوقتى واهو اسم بيجو والتوكيل الجديد (متولي .. وجيه اباظة بخ خلاص) هيزبط العربية وكده ... وفي نفس الوقت الاستلام حالا دلوقتى

ايه رأيكو؟؟

**m_am** · 15-05-2013 11:06 PM

هي ال 301 حضرتك نزلت ؟؟؟ طيب نزلت فين و اسعارها ايه و الفئات الموجوده ايه ؟؟ و حسيت بفارق بينها و بين الأليزيه ؟؟

**الجنرال** · 15-05-2013 11:19 PM

ال301 ليه جاية فى معرض بيجو جنب البيت عندي .. الراجل جايب منها خمسة .. اسعارها:

مانيوال 108 الف
اول فئة اوتو 125 الف
هاي لاين اوتو 135 الف

والاستلام دلوقتى هات الفلوس وشيل يا معلم العربية

مفيش اى فرق نهائي نهائي بتاتا البتة بين الاتنين .. نفس كل حاجة حتى من جوه .. حتى مسند الايد .. كل حاجة بالحرف هيا هيا .. بس اختلاف الشكل الخارجي وانها بيجو

**m_am** · 15-05-2013 11:25 PM

اممممم , بس انت بتقول مش تبع اباظه ؟؟ امال البيجو بقت مع مين ؟؟ و فين المعرض ده حضرتك ؟؟

طيب لما هي نفس كل حاجه مزود في الأوتو 5 الالف ليه ؟؟ اكيد هو عارف ان الأليزيه موجوده بكام و لا بيلعب عن انك مش هتستني حجز ؟؟

**HOSSAM99** · 15-05-2013 11:26 PM

الأتنين واحد لكن توكيل بيجو أفضل بكتير من توكيل تروين و سوق بيجو أعلي (ثقافة شعب ليس إلا)
لكن مع إني بحب بيجو أكثر من ستروين لكن الأليزيه شكلها أحلي شويه (أذواق) لكن في المجمل الأتنين ثفقه رابحه جدا كقيمة و أمان مقابل الفلوس
لو البيجو شكلها عاجب حضرتك توكل علي الله أسم بيجو هو الأصل

**الجنرال** · 15-05-2013 11:27 PM

لا هو بيلعب على اسم العربية نفسه .. بيجو في مصر منتشرة اكتر من السيتروين

**M I D O** · 15-05-2013 11:48 PM

اليزية

**الجنرال** · 16-05-2013 12:37 AM

انا ميال اكتر للاليزيه كشكل بصراحة

لكن .. تعالو نقارن بشكل تانى

التوكيل ... انهي احسن فيهم؟؟ (عايزين معلومات اكيدة عن الوكيل الجديد ده)
الصيانة ومراكز الصيانة .. بما ان قطع الغيار هتبقى واحدة فى الاتنين .. يبقى انهي وكيل عنده مراكز صيانة احسن؟؟
كاسم فى السوق .. برضه بما ان العربيتين زي بعض فى كل حاجة حتى فى الشكل والتصميم الداخلي .. يبقى انهي عربية اللى اسمها شغال فى السوق اكتر؟؟

علشان كده .. العقل بيقول البيجو افضل .. لكن القلب مع الشكل الجامد بتاع السيتروين

**hamaka** · 16-05-2013 12:37 AM

و أفضلية للسعر طبعاً ، بس ههتتعكس بنفس المقدار فى اعادة البيع على معايير السوق الحالى (307 مستعملة مثلاً أغلى من السى 4 فى المتوسط ب 5-7 ألاف فى حالة تساوى الحالة و دى عربيات فئة أعلى من 160000 ) الا بقى لو الايليزيه حققت انتشار ساعتها هيبقوا زى بعض فى اعادة البيع