الموضوع: شويه استفسارات فى الفانتازيا الخليجي ٢٠١١

المشاركة الأصلية كتبت بواسطة yousseframsis

السلام عليكم
فانتازيا ٢٠١١ خليجى الفئه إلى قبل الهاى لاين يعنى ينقصها بلوتوث فى الكاسيت، لا يوجد مرايات ضم أو تعتيم، لا يوجد سخانات فى الكراسي ، لا يوجد حساسات قدام .
الاستفسار
هل ينفع تركيب وحده بلوتوث للكاسيت (بولارو تاتش اسكرين ٦ أسطوانات مجهز للبلوتوث) .
هل ينفع تركيب مرايات ضم وتعتيم ( مع الاعتبار أن مركز الأقصى حيث اعمل صياناتى كان رده انه لا ينفع)
هل ينفع تركيب حساسات قدام على نفس الكاسيت (يوجد حساسات خلفى) (دى مش مهمه قوى)
افضل كاوتش بردجستون أم ميشلان (مقاس ٢٢٥/٤٥/١٧) وامتى التغير الأمثل (عامل ٤٣٠٠٠ مع اعتبار وجود تأكل مع آخر صيانه فى الكاوتش الامامى أثناء ضبط الزوايا وهل الأفضل الأربع أم الاثنين الإمامين وأين افضل الأماكن للتغير والكشف على الكاوتش).
خبطه جامده فى الرفرف الامامى شمال هل ١ تغير رفرف فى الوكيل ٢ تعديل على البارد ٣ تعديل على الساخن مع رش مع توضيح وجهه النظر فى الشكل العام ، تأثير على البيع ، الوقت والمجهود والنتيجة .
افضل مكان اظبط زوايا قرب المعادى ( يكون أمين وبيفهم)
أشكركم مقدما على تعاونكم من هذا المنتدى الرائع الذى لا افوت يوما إلا وتابعته لآخر سنه أو أكثر مع قله مشاركاتى ولاكنى متابع جيد جداً

1- أعتقد ينفع يركب الـ module بس لازم يحصل تعديل للـسوفت وير عشان يحصل engagement للبلوتوث مع كمبيوتر العربية.

2- ينفع طبعاً تركب المرايات الضم بس أيضاً لازم يتعمل إعادة برمجة للريموت عشان تقدر تضمهم مع قفلة السنتر..بس رأي شخصي..كبر دماغك..لأن الموضوع مكلف ( كفاية تكلفة التعتيم )

3- السينسور ينفع وهيكلفك 900 جنيه

4- ميشلان الأفضل وإن كان بالنسبة ليا البريدجستون أنعم وأهدي..ونصيحة متعديش 40 ألف كم بالكاوتش ولو إستخدامك قليل متعديش به سنتين ونص .. ولازم تغير الـ 4 فرد نفس النوع ونفس النقشة.

5- رأيي المتواضع..إسأل في التوكيل السمكرة والدهان للرفرف هيكلفوك كام..ولو غيرت هيكلفك كام..مع العلم إن السمكرة والدهان هيرجعوا الرفرف زي الجديد..لأن صاج الأوكتافيا محمل ونظيف في السمكرة.بالنسبة للتأثير علي البيع طبعاً الأمانة تقتضي إن المشتري يعرف دي الأصول وحضرتك سيد من يعرف الأصول..لكن كتأثير..الموضوع مش مؤثر بنسبة تذكر.لأن زي ما قولتلك..بترجع زي الجديد.

6- بالنسبة لظبط الزوايا..أنصحك بمركز بريدجستون في شارع مراد..بعيد عنك شوية..لكن ناس ممتازين.

تحت أمر حضرتك في أي إستفسار..أخوك أحمد مجدي