محتاج مساعدة منكم لشراء عربية ان شاء الله

**kareem dark** · 17-05-2013 12:35 AM

سلام عليكم و رحمة الله و بركات

ان شاء الله انا بدور حاليا علي عربية في حدود 50000:60000 طبعا غلبا مستعملة

و انا بدور علي عربية:
1/يكون الشكل شبابي
2/اتوماتك تكيف بور عشان كرهت مانيول وسطة الزحمة
3/تكون مش عاملة اكتر من 100000 كيلو
4/موديل 2006 لفوق
و بعد بحث لقيت انا اللي قدامي:
1/فرنا (طبعا دي فيها مشكلة ان اخوايه معاه فرنا فحسسه شكل الش اوي)
2/افيو بس بصراحة ركبت العربية دي و مش مقتنع بقوة ماتور و تكيفه كمان بحسو ضعيف مقارنة بالفرنا
3/دايو مستحلية عشان مش متقبل شكلها خالص
4/ميجان بصراحة داخلة دماغي اوي بس مقلقل من نقطة ان قطع غياره غالية و كمان ان هيبقا موديلها قديم مقارنة بالفرنا مثلا
5/اسبرنزا m11 عجبني جدا شكل العربية دي بس مش عندي فكرة عنها فانتو ايه رايكو؟؟
6/هيواندي i10 مضيقني بس شكل الهاتش بتاعه
طبعا يا جماعة انا شبه محبط لاني مش عارف اخد قرار بجد فاريت لو حد يفيدني و اللي شايف ان فيه عربيات تانية ممكن ادور فيه يا ريت يساعدني و جزاكم الله خيرا

**aw2100** · 17-05-2013 01:01 AM

طب ماتخليك فى الأوروبى احسن من الكورى عندك الأبيزا و البولو والاوكتافيا و الاوبل فيكترا عربيات قوية مصفحة وثبات على الأرض وقطع غيارها معمرة ؟؟

**M I D O** · 17-05-2013 01:16 AM

اغلبية العربيات الي حضرتك حاطتها مانيوال افضل حاجة ليك اكسنت من موديل 2007 ل 2010 بس بتعمل 65 الف اتوماتيك وعربية روعة معا ابن عمي وما شاء الله عليها

**miceg** · 17-05-2013 07:18 PM

بصراحة الفلوس قليله على حاجة اوتوماتيك محترمة
ممكن تفكر فبروتون واجا 2005 حالة نظيفة

**aw2100** · 18-05-2013 11:25 PM

المشاركة الأصلية كتبت بواسطة kareem dark

شكرا ليكو لكو بس فعلا انا اقصي حاجة ليا 60 و فكرة اوربي انا خايف من قطع الغيار ة بفكر اجيب اسبرانزا m11 مانيول ايه رايك؟

قطع غيار الالمانى فية منها درجات وفية صينى وكله بتمنه طبعا بس الاصلى مش غالى قوى لدرجة وخصوصا بيدوم سنوات وبالاخص فى العفشة بتعيش سنين رغم المطبات وخلافة على عكس الصينى والكورى لامقص بيتعوج ولامحتاجة تربيط وضبط زوايا كل شوية ولا فية حاجة اسمها فخدة تتقلب والكلام ده عربيات شاسيها مصفح وامان للراكب وثبات على الأرض فى السرعات العالية وبراحتك طبعا!!

**kareem dark** · 22-05-2013 11:20 PM

طيب يا جماعة انا بعد تفكير عندي فكرتين
اني اجيب عربية مستعملة زي
البروتون جينا 2 و دي لقيتها مناسبة اوي لفلوسي و كل حاجة بس ناس كتير و منهم معاهم العربية دي بيقولو مش كويسة فرايكم ايه؟؟
او ال i10 مناسبة اوي في كل حاجة لو مش نفضت لموضوع انها هاتش باك
او اني اجيب اجيب جديد ب مقدم 45 الف و اقسط الباقي لحد بس ما اشتغل
و هنا لقيت envy عربية كماكنيات ممتازة بس مش اتوماتك و لسا مش متجربة
اوايمجراند العربية ككل ممتازة اوي و ناس كتير بتشكر فيه العربية ايه رايكو؟؟
او اني اجيب ال i10 جديدة و هنا هدفع قسط اكبر و هاخد عربية تعتبر اقل في الامكانيات من ال2 الي فوق
معلش يا ريت تفيدوني لاني محتار جدا و بدات اكره العربيات اصلا